SALMOAK 103:8 - Elizen Arteko Biblia (Biblia en Euskara Traducción Interconfesional)

⁸ Bihozbera eta errukiorra da Jauna, haserregaitza eta onginahiz betea.

Navarro-Labourdin Basque

⁸ Mendiac igaiten eta celhaiac jausten dira bereci dioçuten lekuan.

SALMOAK 103:8 ပူးပေါင်းရင်းမြစ်များ

NEHEMIAS 9:17

Ez zuten aditu nahi izan. Ez zituzten gogoan hartu zuk haien alde egindako gauza harrigarriak. Egiptora, morrontza-herrira, berriro itzuli nahian hasi ziren beren burugogorkerian. Baina zu Jainko barkatzailea zara, bihozbera eta errukiorra, haserregaitza eta onginahiz betea, eta ez zenituen bazter utzi.

SALMOAK 130:7

Izan beza Israelek itxaropen Jaunarengan, Jaunarena baita maitasuna, Jaunarena askapen betea.

SALMOAK 145:8

Errukiorra eta bihozbera da Jauna, haserregaitza eta onginahi handikoa.

SALMOAK 31:20

Bai handiak, Jauna, begirune dizutenentzat gordeak dituzun ondasunak! Denen bistan ematen dizkiezu zuregan babesa dutenei.

SALMOAK 86:15

Baina zu, Jauna, Jainko bihozbera eta errukiorra, haserregaitza, onginahiz eta leialtasunez betea:

SALMOAK 86:5

Ona zara zu, Jauna, eta barkabera, dei egiten dizutenentzat onginahiz betea.

ISAIAS 55:7

Utz beza gaiztoak bere bidea, gaizkileak bere asmo txarrak. Bihur dadila Jaunarengana, gupidaz hartuko baitu; bihurtu gure Jainkoarengana, guztiz barkabera baita.

JEREMIAS 32:18

Mila belaunalditaraino agertzen duzu zeure onginahia, baina seme-alabei jasanarazten dizkiezu gurasoen gaiztakeriaren ondorenak. Jainko handi eta indartsua zara, “Jaun ahalguztiduna” zure izena.

JOELEN PROFECIA 2:13

Ez urratu soinekoak, bihotzak baizik! Itzul zaitezte Jaunarengana, zeuen Jainkoarengana, bihozbera eta errukiorra baita, haserregaitza eta onginahiz betea, bere mehatxuez damutzen dena.

JONAS 4:2

Eta honela egin zion otoitz Jaunari: «Ai ene, Jauna! Neure herrian nengoenean, iruditu zitzaidan, bai, horrela gertatuko zela! Horregatik, hain zuzen, nahi izan nuen Tarsisera ihes egin. Banekien nik Jainko bihozbera eta errukiorra zarena, haserregaitza eta onginahiz betea, bere mehatxuez damutzen dena.

NAHUM 1:3

Haserregaitza da Jauna, baina ahalmen handikoa, eta ez du erruduna zigorrik gabe uzten. Ekaitza eta haize-erauntsia sortzen ditu ibiltzean; bere oinez harrotzen duen hauts dira lainoak.

NOMBREAC 14:18

«Jauna, haserregaitza eta onginahiz betea, gaiztakeria eta errebeldia barkatzen dituena; ez, ordea, erruduna zigor gabe uzten, baizik eta gurasoen gaiztakeria ondorengoengan zigortzen duena hirugarren eta laugarren belaunaldiraino».

DUTERONOMA 5:10

baina mila belaunaldiz agertzen diet onginahia maite nautenei eta nire aginduak betetzen dituztenei.

SANTIAGO 5:11

Zoriontsu aitortzen ditugu horrelako eroapena izan zutenak. Ezaguna duzue Joben eroapena, eta badakizue nolako azkena eman zion Jaunak; Jauna, izan ere, bihozbera eta errukiorra baita.