OSEAS 8:8 - Elizen Arteko Biblia (Biblia en Euskara Traducción Interconfesional)

⁸ Irentsia dute Israel: hor dago herrien artean, ezertarako ez den tresna dirudi.

Navarro-Labourdin Basque

⁸ Israel iretsia da; orai jendaien erdian eguina da unci lohi bat beçala.

OSEAS 8:8 ပူးပေါင်းရင်းမြစ်များ

2 ERREGEAK 18:11

Asiriako erregeak Asiriara erbesteratu zituen israeldarrak, Halah deritzan lurraldean, Gozango Habor ibaiaren ondoan eta Mediako hirietan kokaraziz.

ISAIAS 30:14

Hautsi eta erabat txikitzen den buztinezko pitxerrarena bezalakoa izango da zuen hondamena: su-bazterretik ilintia nahiz putzutik ura ateratzeko adinako puskarik ez zaio gelditzen».

JEREMIAS 22:28

Ezertarako on ez den tresna mespretxagarria ote da, bada, Jekonias hori? Zergatik dira jaurtiak bera eta bere ondorengoak lurralde ezezagun batera?

JEREMIAS 25:34

Egin deiadar, herri-agintariok, egin garrasi, iraulkatu hautsetan, artaldearen gidariok! Heldu da zuen hilketa-eguna, ahari gizenduak bezala eroriko zarete.

JEREMIAS 48:38

Moabeko etxe gain eta plazetan jende guztiak dolu. Izan ere, Jaunak dio: «Ezertarako ez den ontzia bezala apurtu dut Moab».

JEREMIAS 50:17

Jaunak dio: «Lehoiek erasotako artalde sakabanatua zen Israel. Asiriako erregeak irentsi zuen lehenengoz; gero, Babiloniako errege Nabukodonosorrek txikitu zeharo.

JEREMIAS 51:34

Honela mintzo da Siongo jendea, honela dio Jerusalemgo herriak: «Nabukodonosorrek, Babiloniako erregeak, nire aberastasunak jan, dena zurrupatu eta hustutako platera bezala utzi nau. Herensugeak bezala irentsi, nire gauzarik preziatuenez sabela bete eta bota egin nau. Jauna, jo beza Babilonia berak niri eginiko bortxakeriak, jaus bedi babiloniarren gain isuri duten nire odola!»

NEGAR KANTAK 2:16

Etsai guztiak isekaz ari zaizkizu, txistuka eta hortzak erakutsiz, eta diote: «Irentsi dugu! Hona, bada, hainbeste itxarondako eguna! Hemen dugu, ikusi dugu halako batean!»

NEGAR KANTAK 2:2

Erruki gabe desegin ditu Jaunak bere herriko egoitza guztiak; erraustu egin ditu bere suminduraz Juda lurralde ederraren gotorlekuak; lurrera bota ditu eta desohoratu erreinua eta bere buruzagiak.

NEGAR KANTAK 2:5

Etsai gisa jokatu du Jaunak: Israel desegin du, haren jauretxeak desegin, haren gotorlekuak ezereztu. Atsekabea eta nahigabea ugaldu dizkio Juda lurralde ederrari.

NEGAR KANTAK 4:2

Urrea balio zuten Siongo bizilagun prestuak, ai ene!, buztinlariak egindako buztin-ontzien parekotzat hartzen dituzte.

NEGAR KANTAK 5:2

Gure etxaldeak kanpotarren eskuetara joan dira; gure etxeak arrotzen eskuetara.

EZEKIEL 36:3

Horregatik, hitz egin nire izenean eta adierazi nire, Jainko Jaun honen, mezua: Hondaturik utzi zaituztete eta zuek berenganatzeko irrikaz zeuden beste nazioak zuetaz jabetu dira, isekaz eta irainez bete zaituztete;

LEBITICOA 26:33

Gerra sorraraziko dut zuen aurka eta kanpoko nazioetan barreiatuko zaituztet. Zuen lurraldea eremu bihurtuko dut eta zuen hiriak hondakin.

ERROMATARREI 9:22

Jainkoak bere haserrea erakutsi eta indarra azal zezakeen, nahi izanez gero, baina eroapen handiz jasan zituen zigorra merezi zutenak eta hondatuak izateko zeudenak.

DUTERONOMA 28:25

«Etsaien menpe jarriko zaituzte Jaunak; bide bakarretik aterako zarete gerrara, baina mila bidetan sakabanaturik egingo duzue ihes etsaiengandik. Ikuskizun izugarri gertatuko zarete munduko erresuma guztientzat.

DUTERONOMA 28:64

Herri guztien artean barreiatuko zaituzte Jaunak, munduko ertz batetik besteraino; han, ez zeuek, ez zuen arbasoek ezagutzen ez zenituzten zurezko eta harrizko jainko arrotzak gurtu beharko dituzue.