OSEAS 14:2 - Elizen Arteko Biblia (Biblia en Euskara Traducción Interconfesional)

² Itzul zaitez, Israel, zeure Jainko Jaunarengana, bekatuan estropezu egin baituzu.

Navarro-Labourdin Basque

² Oi Israel, bihur çaite çure Jainco Jaunaren gana, çure tzarqueriac erorraraci çaituenaz gueroztic.

OSEAS 14:2 ပူးပေါင်းရင်းမြစ်များ

2 SAMUEL 12:13

Davidek erantzun zion Natani: —Bekatu egin dut Jaunaren aurka. Natanek Davidi: —Jaunak, hala ere, barkatzen dizu bekatua. Ez zara hilko.

2 SAMUEL 24:10

Herritarren zenbaketa egin ondoren, bihotzeko harra sentitu zuen Davidek eta esan zion Jaunari: —Bekatu astuna egin dut, bai. Hala ere, Jauna, barkatu zeure zerbitzari honen bekatua, erokeria egin baitut.

JOB 7:21

Zergatik ez duzu ene errebeldia barkatzen eta nire errua ahazten? Berehala nauzu hautsetan etzanda. Ene bila ibiliko zara, baina ordurako ez naiz munduan izango».

SALMOAK 119:108

Har itzazu onez, Jauna, nire otoitzak eta ezagutarazi niri zeure erabakiak.

SALMOAK 50:14

Eskaini gorespena sakrifiziotzat Jainkoari, bete zeure promesak Goi-goikoari.

SALMOAK 51:16

Libra nazazu heriotza-zigorretik, ene Jainko, ene Jainko salbatzailea! Eta nire ezpainek poz-oihuz ospatuko dute zure salbazioa.

SALMOAK 51:17

Ireki, Jauna, nire ezpainak eta nire ahoak zure gorespena iragarriko du.

ISAIAS 44:22

Lainoa bezala suntsitu ditut zure errebeldiak, gandua bezala zure bekatuak. Itzul niregana, askatu egin baitzaitut».

ISAIAS 6:7

eta txingarraz ahoa ukitu zidan, esanez: «Begira, txingar honek ezpainak ukitu dizkizu. Kendu zaizu, beraz, gaiztakeria, barkatu bekatua».

JEREMIAS 3:12

Zoaz, bada, eta hots egin mezu hau iparraldekoei: «Itzul niregana, Israel fedegabe hori! Ez dizut ipiniko aurpegi ilunik, errukibera bainaiz; nire haserrea ez da betiko. Hala diot nik, Jaunak.

OSEAS 12:7

Beraz, Israel, itzul zaitez zeure Jainkoarengana, jokatu maitasunez eta zuzenbidez, izan uste on etengabe Jainkoarengan.

OSEAS 5:5

Bere harrokeriak salatzen du Israel. Bere bekatuan estropezu egiten du Efraimek, Israel herriak, eta harekin batera egingo du estropezu Judak ere.

OSEAS 6:6

Nahiago dut maitasuna sakrifizioak baino, Jainkoa aintzat hartzea erre-opariak eskaintzea baino.

JOELEN PROFECIA 2:17

Egin bezate negar apaizek, Jaunaren zerbitzariek, atari eta aldare artean. Esan bezate: «Erruki zakizkio, Jauna, zeure herriari. Ez utzi zeure ondarea lotsagarri, ez bezate beste nazioek menpean har. Zergatik esan behar dute atzerritarrek: “Non dute, bada, beren Jainkoa?”»

JONAS 2:9

Sasijainkoen gurtzaileek jainkozaletasuna. bertan behera uzten dute.

ZAKARIAS 3:4

Aingeruak bere aurrean zeudenei esan zien: «Erantzi horri soineko zikina!» Eta Josueri esan zion: «Begira, zuregandik bekatua aldendu eta jai-soinekoz janzten zaitut».

MATEO 7:11

Beraz, zuek, gaiztoak izanik, seme-alabei gauza onak ematen baldin badakizue, zenbatez areago ez dizkie zeruko zuen Aitak gauza onak emango eskatzen dizkiotenei?

LUKAS 11:13

Beraz, zuek, gaiztoak izanik, seme-alabei gauza onak ematen baldin badakizue, zenbatez areago ez die zeruko zuen Aitak Espiritu Santua emango eskatzen diotenei?»

LUKAS 18:13

«Zergalaria, berriz, urruti gelditurik, ez zen begiak lurretik altxatzera ere ausartzen, baizik eta bular-joka ari zen esanez: “Ene Jainkoa, erruki zaitez bekatari honetaz”.

JOAN 1:29

Biharamunean, Joanek Jesus beregana etortzen ikusi eta esan zuen: «Hona hemen Jainkoaren Bildotsa, munduko bekatua kentzen duena.

ERROMATARREI 11:27

Hona haiekin egingo dudan ituna, bekatuak barkatuko dizkiedanean.

2 TIMOTEORI 1:9

Jainkoak salbatu gintuen eta bere herri santu izatera dei egin zigun, ez gure egintzengatik, berak hala erabakia zuelako baizik, eta mende guztiak baino lehen Kristo Jesusengan onginahiz maite izan gaituelako.

TITORI 2:14

Honek bere burua eman zuen guregatik, gu gaiztakeria guztietatik askatu eta garbi egiteko, beraren herri izan gaitezen, beti ongi egiteko gogotsu.

HEBREARREI 10:4

zezenen eta akerren odolak ez baititzake bekatuak desegin.

HEBREARREI 13:15

Beraz, Jesusen bidez eskain diezaiogun Jainkoari oparitzat etengabeko gorespena, geure ezpainez beraren izena aitortuz.

1 PEDRO 2:5

Horrela, zuek ere harri biziaz osaturiko espirituzko tenplu egingo zaituzte Jainkoak eta apaiz sagaratuko, Jainkoari atsegin zaizkion espirituzko opariak Jesu Kristoren bitartez eskaintzeko.

1 PEDRO 2:9

Zuek, ordea, jatorri aukeratuzarete, errege-apaizgo, nazio sagaratu, Jainkoak beretzat irabazitako herri, ilunpetatik bere argi zoragarrira deitu zaituzten Jainkoaren egintza bikainak iragar ditzazuen.

1 JOAN 1:7

Baina argitan bagabiltza, Jainkoa ere argitan dagoen bezala, elkartasuna dugu geure artean, eta haren Seme Jesusen odolak bekatu guztitik garbitzen gaitu.

1 JOAN 3:5

Eta badakizue bekatuak kentzeko agertu zela Kristo, eta harengan ez da bekaturik.