OSEAS 11:7 - Elizen Arteko Biblia (Biblia en Euskara Traducción Interconfesional)

⁷ Nire herriak ez du inola ere niregana itzuli nahi; begiak Goikoarengana jasotzen ditu, baina inork laguntzen ez.

Navarro-Labourdin Basque

⁷ Ene populua ene itzulpenari beguira egonen çaio; bainan guciei batean gainera eçarria içanen çaiote uztarri bat, quendua içanen etzaiotena.

OSEAS 11:7 ပူးပေါင်းရင်းမြစ်များ

SALMOAK 81:11

Neu naiz Jauna, zure Jainkoa, Egiptotik atera zintuena. Ez duzu ahoa zabaldu besterik, eta aseko zaitut.

ERRAN-ÇAHARRAC 14:14

Bihotz okerrekoak bere jokabidearen fruituak jasoko, bihotz zuzenekoak bere egintzenak.

ISAIAS 26:10

Gaiztoek, ordea, ez dute sekula zuzena zer den ikasiko, nahiz eta zuk erruki izan. Zintzoen lurraldean gaiztakerian ari dira eta Jaunaren handitasuna ez dute aintzat hartzen.

JEREMIAS 14:7

Jendeak oihu dagi: «Geure bekatuek salatzen bagaituzte ere, ekin, Jauna, zeu zarena zarelako! Asko dira gure errebeldiak, zure aurka egin dugu bekatu.

JEREMIAS 2:19

Zeure gaiztakeria izango duzu zigor, zeure desleialkeria zentzabide. Kontura zaitez eta ikasi zein gogorra eta garratza den Jauna, zeure Jainkoa, baztertzea, nireganako begirunerik ez izatea. Nik, Jaun ahalguztidunak, esana.

JEREMIAS 3:11

Jaunak esan zidan: Israel fedegabea Juda desleialaren aldean zuzena da.

JEREMIAS 7:25

Zuen arbasoak Egiptotik irten zirenetik gaurdaino, profetak, neure zerbitzariak, bidali dizkizuet etengabe, bata bestearen ondoren.

JEREMIAS 7:26

Baina ez didazue aditu, ezta jaramonik egin ere, baizik eta zuen gurasoak baino burugogorrago izan zarete.

JEREMIAS 8:5

Zergatik urrundu zait, bada, betiko Jerusalemgo herri hau? Gogor eusten dio bere makurkeriari, ez du itzuli nahi atzera.

OSEAS 11:2

Baina zenbat eta gehiago deitu nik, hainbat eta urrutiago alde egiten zidaten. Baalei sakrifizioak eskaintzen zizkieten, sasijainkoei intsentsua erretzen.

OSEAS 14:4

Asiriak ez gaitzake salba. Ez dugu ustea guda-zaldietan jarriko eta geure eskuz eginari ez diogu “Geure Jainko” esango. Zuk bakarrik diozu erruki umezurtzari».

OSEAS 4:16

Bai, larrabehia bezain bihurri da Israel. Nola larratuko ditu, bada, Jaunak zelai zabalean, arkumetxoak balira bezala?

OSEAS 7:16

Ez dira, ez, Goikoarengana itzultzen; huts egiten duen uztaia dirudite. Horien buruzagiak ezpatapean jausiko dira, beren hizketa lotsagabeagatik; eta barre egingo diete Egipton.