NEHEMIAS 9:6 - Elizen Arteko Biblia (Biblia en Euskara Traducción Interconfesional)

⁶ Zu zara Jauna, zu bakarrik! Zeuk egin dituzu zeruak, zeruen zeruak eta izar guztiak, lurra eta lur gainekoak, itsasoa eta bertako guztiak. Zeuk biziarazten dituzu guztiak, zeruko izarrak ahuspez dituzu aurrean jarriak.

Navarro-Labourdin Basque

⁶ Çuc, Jauna, çuc bakarric eguin ditutzu cerua, eta ceruetaco cerua, eta hequietaco armada gucia; lurra, eta hartan direnac oro; itsasoac, eta hequietan direnac oro; eta çuc ematen daroeçu guciei bicia; eta ceruco armadac adoratzen çaitu.

NEHEMIAS 9:6 ပူးပေါင်းရင်းမြစ်များ

JENESA 1:1

Hasieran, Jainkoak zeru-lurrak egin zituen.

JENESA 1:9

Jainkoak esan zuen: «Bil bitez multzoan zeru azpiko urak eta ager bedi lehorra». Eta hala izan zen.

JENESA 2:1

Honela burutu zituen Jainkoak zeru-lurrak, berauetan dagoen guztiarekin.

JENESA 32:2

Bere bidean zihoala, Jainkoaren aingeru batzuekin egin zuen topo Jakobek.

1 ERREGEAK 22:19

Mikeasek, berriz, honela jarraitu zuen: —Entzun, bada, Jaunaren hitza. Bere aulkian jarria ikusi dut nik Jauna, zeruko bere zerbitzari guztiak ezker-eskuin bere ondoan zutik zituela.

1 ERREGEAK 8:27

«Baina egia ote, Jainkoa lurrean biziko dela? Zeru eta ortziaren zabalak ezin zaitu eduki, eta nik eraiki dizudan tenplu honek eduki ote zaitzake, bada?

2 ERREGEAK 19:15

honela egin zion otoitz: «Jauna, Israelen Jainkoa, hegaldun izakien arteko tronuan eseria zauden hori, zu zara munduko erreinu guztien Jainko bakarra. Zuk eginak dira zeru-lurrak.

2 ERREGEAK 19:19

Zuk, ordea, Jauna, gure Jainko horrek, salba gaitzazu Senakeriben eskuetatik. Horrela, lurreko erreinu guztiek jakingo dute, Jauna, zu bakarrik zarela Jainkoa».

NEHEMIAS 9:5

Gero, Josue, Kadmiel, Bani, Haxabnias, Xerebias, Hodias, Xebanias eta Petahias lebitarrek honela ziotsoten herriari: «Zuti zaitezte! Bedeinka Jauna, zeuen Jainkoa, betidanik betiraino! «Bedeinkatua izan bedi zure izen ospetsua, bedeinkapen eta gorespen guztien gainetik dagoena!

SALMOAK 102:25

Nik esan nuen: «Ene Jainko, ez nazazu eraman sasoirik onenean!» Zure urteek gizaldiz gizaldi diraute.

SALMOAK 103:21

Bedeinka Jauna, beraren gudari guztiok, haren nahia egiten duzuen zerbitzariok!

SALMOAK 115:15

Bedeinka zaitzatela Jaunak, zeru-lurren egileak.

SALMOAK 124:8

Jauna dugu laguntzaile, zeru-lurren egilea.

SALMOAK 146:6

Jaunak egin ditu zeru-lurrak eta itsasoa, eta horietan dagoen guztia; beti eusten dio bere hitzari.

SALMOAK 24:10

Nor da aintzaz beteriko errege hori? Jaun ahalguztiduna, bera da aintzaz beteriko erregea!

SALMOAK 33:6

Jaunak bere hitzaz egin du ortzia, bere aho-arnasaz astro guztiak.

SALMOAK 36:6

Jauna, zure maitasuna zeru zabala adinakoa, zure leialtasuna hodeietarainokoa.

SALMOAK 86:10

Handia zara, mirarigilea, zu bakarrik Jainkoa!

ISAIAS 37:16

«Jaun ahalguztiduna, Israelen Jainkoa, hegaldun izakien arteko tronuan eseria zauden hori, zu zara munduko erreinu guztien Jainko bakarra. Zuk eginak dira zeru-lurrak.

ISAIAS 37:20

Zuk, ordea, Jauna, gure Jainko horrek, salba gaitzazu Senakeriben eskuetatik. Horrela, lurreko erreinu guztiek jakingo dute, Jauna, zu bakarrik zarela Jainko».

ISAIAS 43:10

Honela diot nik, Jaun honek: Zuek zarete nire lekuko, israeldarrok, zuek nire zerbitzari; nik aukeratu zaituztet, ni ezagutu, niregan sinetsi eta ni beti berbera naizela uler dezazuen. Nire aurretik ez da jainkorik izan, ezta izango ere nire ondoren.

ISAIAS 44:6

Hau dio Jaunak, Israelen errege eta askatzaileak, Jaun ahalguztidunak: «Neu naiz lehena eta azkena; ez da ni beste jainkorik.

ISAIAS 44:8

Ez ikaratu, ez beldurtu! Ez ote nizuen aspalditik iragarri eta adierazi? Zeuek zaituztet lekuko: Ba ote da ni beste jainkorik? Ez dut ezagutzen beste harkaitzik, euskarri izan dezakezuenik».

ISAIAS 45:12

Neuk egin dut lurra eta lur gainean gizakia sortu; neuk hedatu ditut neure eskuz zeruak, eta neuk agintzen bertako astro guztiei.

JEREMIAS 32:17

«Ene Jauna! Zuk egin dituzu zeru-lurrak zeure ahalmen eta indar handiaz. Zuretzat ez da ezer ezinezkorik.

EZEKIEL 20:11

Neure legeak eman nizkien eta erabakiak ezagutarazi, betetzen dituenari bizia ematen diotenak.

JONAS 1:9

Jonasek erantzun zien: —Hebrearra naiz eta Jauna gurtzen dut, zeruko Jainkoa, itsasoa eta lehorra egin zituena.

JOAN 10:30

Aita eta biok bat gara.

EGINAK 4:24

Entzutean, denek otoitz egin zioten goraki eta aho batez Jainkoari: «Jauna, zuk egin zenituen zeru-lurrak eta itsasoa, eta horietan bizi diren guztiak;

DUTERONOMA 10:14

Izan ere, Jaunarenak zeuen Jainkoarenak dira zeru zabalak, lurra eta bertako guztia.

DUTERONOMA 32:39

Baina orain, begira: Ni naiz, neu bakarrik, ez da ni beste jainkorik! Neuk ditut heriotza eta bizia ematen, neuk dut zauritzen eta sendatzen, ez da inor nire eskutik libratzen.

DUTERONOMA 6:4

«ENTZUN, ISRAEL: Jauna da gure Jainkoa, Jauna bat bakarra da!

HEBREARREI 1:3

Bera da Jainkoaren aintzaren distira eta beronen izatearen irudia, eta berak eusten die gauza guztiei bere hitz ahaltsuaz, eta, bekatuen garbikuntza egin ondoren, Jainko handiaren eskuinaldean eseri da zeru goienetan.

HEBREARREI 1:6

Jainkoak bere lehen-semea munduan sarraraztean, berriz, honela esaten du: Adora dezatela bera Jainkoaren aingeru guztiek.

APOKALIPSIA 14:7

Hots handiz zioen: «Izan begirune Jainkoari eta eman aintza berari, etorri baita berak mundua epaituko duen ordua; adora ezazue, zerua eta lurra, itsasoa eta ur-iturriak egin zituena».

APOKALIPSIA 4:11

«Gure Jaun eta Jainko hori, zu bazara nor aintza, ohorea eta ahalmena hartzeko, zeuk baitzenituen gauza guztiak egin eta, zuk nahi izan duzulako, baitira sortu eta dira oraindik».