NEHEMIAS 9:31 - Elizen Arteko Biblia (Biblia en Euskara Traducción Interconfesional)

³¹ Baina zeure erruki handiaz ez zenituen guztiz galdu, ez zenituen eskutik utzi, Jainko bihozbera eta errukiorra baitzara.

Navarro-Labourdin Basque

³¹ Bainan çure urricalçapen handietan ez ditutzu alde bat xahutu eta utzi; ceren çu baitzare urricalmenduzco Jainco barkatiarra.

NEHEMIAS 9:31 ပူးပေါင်းရင်းမြစ်များ

2 ERREGEAK 13:23

Baina Jauna errukitu egin zitzaien eta gupidatu, eta barkatu egin zien, Abraham, Isaak eta Jakobekin egina zuen itunarengatik. Ez zituen desegin nahi izan, oraino ez baitzituen beregandik urruti egotzi.

2 KRONIKAK 30:9

Zuek Jaunarengana itzultzen bazarete, errukituko zaizkie zuen senide eta seme-alabei beraiek erbesteratu zituztenak, eta etorri ahal izanen dira aberrira. Izan ere, bihozbera eta errukiorra da Jauna, zuen Jainkoa, eta ez zaituzte baztertuko, zuek berarengana itzultzen bazarete».

NEHEMIAS 9:17

Ez zuten aditu nahi izan. Ez zituzten gogoan hartu zuk haien alde egindako gauza harrigarriak. Egiptora, morrontza-herrira, berriro itzuli nahian hasi ziren beren burugogorkerian. Baina zu Jainko barkatzailea zara, bihozbera eta errukiorra, haserregaitza eta onginahiz betea, eta ez zenituen bazter utzi.

NEHEMIAS 9:19

Zuk, ordea, zeure erruki handiaz, ez zenituen basamortuan baztertu, laino-adarra ez zen haiengandik aldendu egunez bidean gidatzeko, ez eta su-adarra gauez bidean argi egiteko.

ISAIAS 48:9

Neure izenaren ohoreagatik eutsi diot haserreari, zor zaidan gorespenagatik egin dut atzera eta ez zaituztet suntsitu.

JEREMIAS 4:27

Honela dio Jaunak: «Lur guztia erraustua izango da, baina ez erabat deuseztatua.

JEREMIAS 5:10

Sar bedi etsaia mahastian eta hondatu, baina erabat deuseztatu ez! Erauz bitza mahats-aihenak, ez baitira nireak!

JEREMIAS 5:18

«Baina egun haietan ere ez dut erabat deuseztatuko neure herria.

NEGAR KANTAK 3:22

Jaunaren onginahia ez dela amaitu, haren errukia ez dela agortu.

DANIEL 9:9

Baina zure aurka jaiki bagara ere, zu, Jainko Jaun hori, gupidatsua zara eta barkatzen dakizuna!

DUTERONOMA 4:31

Jauna, zuen Jainkoa, Jainko bihozbera baita, ez zaituzte utziko, ez suntsituko, ezta ahaztuko ere zuen arbasoei zin eginez hitzemandako itunaz.