NEHEMIAS 2:17 - Elizen Arteko Biblia (Biblia en Euskara Traducción Interconfesional)

¹⁷ Esan nien, bada: «Ikusten duzue nolako atsekabetan gabiltzan: Jerusalem hondatua dago eta bertako ateak kiskaliak. Ea, eraiki ditzagun Jerusalemgo harresiak, atera gaitezen egoera lotsagarri honetatik!»

Navarro-Labourdin Basque

¹⁷ Eta erran naroten: Badaquiçue cer atsecabetan garen; alabainan Jerusaleme mortu eguina da eta hemengo atheac erreac dira. Çatozte, alcha detzagun Jerusalemeco harrasiac, eta ez gaitecen laidotan içan guehiago.

NEHEMIAS 2:17 ပူးပေါင်းရင်းမြစ်များ

ESDRAS 9:9

Esklabo baikara; baina zuk ez gaituzu bazter utzi geure esklabotzan. Pertsiako erregeen onginahia geureganatu diguzu; biziberritu egin gaituzu, gure Jainko horren etxea eraiki eta berorren horma eroriak jasotzeko, Judan eta Jerusalemen babesa aurki dezagun.

NEHEMIAS 1:3

Eta erantzun zidaten: «Erbestealditik libre gelditu direnak zoritxar handian eta egoera lotsagarrian daude Juda eskualdean; Jerusalemgo harresiak, berriz, zuloz beteak daude, eta hiriko ateak suak kiskaliak».

NEHEMIAS 2:13

Atera nintzen, bada, gauez Haraneko atetik eta Herensugearen iturri aldera eta Zabortegiko ate aldera hartu nuen. Harresien alde hura arakatu nuen: harresiak zulatuak zeuden eta ateak suak kiskaliak.

NEHEMIAS 2:16

Agintariek ez zekiten nondik nora ibili nintzen, ezta zer egin nuen ere; ez bainien juduei beraiei ere deus agertu. Apaizak, handikiak, agintariak eta lan-arduradun izango zirenak ezjakinean zeuden.

NEHEMIAS 3:15

Iturriko atean, Kol-Hozeren seme eta Mitzpa herrialdeko buru zen Xalumek jardun zuen; jaso eta gaina eman ondoren, ate-alderdiak, atalagak eta morroiloak ezarri zizkion; berak konpondu zuen Erregearen lorategi ondoan dagoen Siloeko uraskaren ondoko harresi-zatia ere, Daviden hiritik jaisten diren harmailetaraino.

SALMOAK 102:15

Maite dituzte zure zerbitzariek hango harriak, penaturik daude hango hondamendiaz.

SALMOAK 44:13

Zeure herria hutsean saldu duzu, irabazirik gabe saldu ere.

SALMOAK 44:14

Auzoko herrien iseka-gai egin gaituzu, ingurukoen burla eta barregarri.

SALMOAK 79:12

Ordaindu, Jauna, auzoko herriei zazpi halakoz zuri egin dizkizuten iraina eta isekak.

SALMOAK 79:4

Auzoko herrien iseka-gai bihurtu gara, ingurukoen burla eta barregarri.

JEREMIAS 24:9

Izugarrizko eskarmentu izango dira munduko erreinu guztientzat; lotsaizun eta iseka-gai izango dira, koplak aterako dizkiete eta madarikatu egingo jaurtiko ditudan toki guztietan.

NEGAR KANTAK 2:2

Erruki gabe desegin ditu Jaunak bere herriko egoitza guztiak; erraustu egin ditu bere suminduraz Juda lurralde ederraren gotorlekuak; lurrera bota ditu eta desohoratu erreinua eta bere buruzagiak.

NEGAR KANTAK 3:51

Minduak ditut begiak, nire herriko alabei gertatua ikusiz.

EZEKIEL 5:14

Hondamendi egina utziko zaitut eta iseka-gai bihurtuko inguruko nazioentzat eta bertatik igaroko diren guztientzat.

MIKEAS 7:11

Jerusalem, badator zure harresiak berreraikitzeko eguna, zure mugak zabaltzeko eguna.

1 SAMUEL 11:2

Nahax amondarrak erantzun zien: —Eginen dut, bai, zuekin ituna, baina guztioi eskuineko begia ateratzekotan, Israel osoa lotsagarri gerta dadin.