NEHEMIAS 1:6 - Elizen Arteko Biblia (Biblia en Euskara Traducción Interconfesional)

⁶ Beude zabalik zure begiak eta adi zure belarriak zerbitzari honen otoitzera, gau eta egun ari bainaiz zure zerbitzari israeldarren alde otoitzean. Aitortzen ditut israeldarrok zure aurka egin ditugun bekatuak: bai, ni neu eta nire aitaren senitartea ere bekatari gara.

Navarro-Labourdin Basque

⁶ Çure beharriac heda eta çure beguiac çabal beitez, ençun deçaçun çure cerbitzariaren othoitza, orai gau eta egun çure aitzinean alchatzen dudana Israelgo seme çure cerbitzariençat; eta aithor darotzut Israelgo semeen bekatuez, ceinetaz çure alderat hobendun eguin baitira; nic eta ene aitaren etcheac bekatu eguin dugu;

NEHEMIAS 1:6 ပူးပေါင်းရင်းမြစ်များ

1 ERREGEAK 8:30

Entzun, arren, zure zerbitzari honek eta zure herri Israelek toki honetarantz begira zuzenduriko eskaria. Entzun bizi zaren toki horretatik, zerutik. Entzun eta barkatu.

1 ERREGEAK 8:47

Orduan, eramango dituzten lurralde horretan, beren baitan hausnartuz, zuregana itzuli eta beren menderatzaileen lurraldean otoitz egingo dizute esanez: “Bekatu egin dugu, gaiztakeria egin dugu, errudun gara!”

2 KRONIKAK 28:10

Gainera, zeuen morroi eta neskame egin nahi dituzue Judako eta Jerusalemgo gizon-emakumeok. Horrela, ez ote zarete zeuek ere errudun bihurtuko Jaunaren, zeuen Jainkoaren, aurrean?

2 KRONIKAK 29:6

Izan ere, gure gurasoak desleialak izan ziren, Jaunari, gure Jainkoari, atsegin ez zaiona eginez; zapuztu egin zuten eta Jaunaren bizilekutik alde egin, berari bizkarra emanik.

2 KRONIKAK 6:40

«Ene Jainko, begira onez eta entzun arretaz toki honetan eginiko otoitza.

ESDRAS 10:1

Esdras, ahuspezturik eta negarrez, Jainkoaren etxearen aurrean otoitzean eta bekatuen aitormen hau egiten ari zela, israeldar talde handi bat —gizon, emakume eta haur— bildu zen harengana; negar batean zeuden denak.

ESDRAS 10:11

Aitortu orain zeuen bekatua Jaunari, zeuen gurasoen Jainkoari, eta egizue haren nahia: aldendu lurralde honetako jendearengandik eta emakume atzerritarrengandik.

NEHEMIAS 1:11

Jauna, beude adi zure belarriak nire eta zure zerbitzari guztien otoitzera. Leial izan nahi genuke zurekin. Lagundu zure zerbitzari honen asmoak ongi atera daitezen, eta erregeak onginahiz har nazan». Erregearen edari-emaile nintzen ni orduan.

SALMOAK 102:17

Jaunak Sion berriz eraikiko duenean eta aintzaz beterik agertzean;

SALMOAK 106:6

Bekatu egin dugu gurasoen antzera, oker jokatu dugu, errudun gara.

SALMOAK 130:2

Entzun, Jauna, nire mintzoa! Beude erne zure belarriak nire erregu-oihura.

SALMOAK 32:5

Orduan, aitortu nizun bekatua, ez nizun gorde errua. Hobenak zuri aitortzea erabaki nuen, Jauna, eta barkatu zenizkidan erru eta bekatuak.

SALMOAK 34:15

Alde gaitzetik, egin on dena, bila bakea eta jarrai haren bidetik.

SALMOAK 55:17

Nik Jainkoari egin nion dei eta Jaunak salbatu egin ninduen.

SALMOAK 88:1

Kanta. Koreren semeen salmoa. Koru-zuzendariarentzat. Gaixoaldirako, atsekaberako. Heman ezratarraren poema .

ISAIAS 6:5

Nik esan nuen: «Ai ene, galdua naiz! Ezpain kutsatuak baititut eta kutsaturiko ezpainak dituen herrian bizi bainaiz. Bekatari izanik, Errege eta Jaun ahalguztiduna ikusi baitut neure begiz».

NEGAR KANTAK 5:7

Gure gurasoek bekatu egin zuten, eta ez dira bizi; baina guk daramagu gainean haien gaiztakeriaren zigorra.

DANIEL 9:15

«Jauna, gure Jainkoa, ahalmen handiz atera zenuen herria Egiptotik eta izen handia zeureganatu duzu gaurdaino; guk, berriz, bekatu egin dugu eta gaizki jokatu.

DANIEL 9:20

«Artean otoitzean ari nintzen, neure bekatuak eta Israelenak aitortzen, eta Jaunari, neure Jainkoari, bere mendi santuaren alde erreguka.

DANIEL 9:4

Otoitz egin nion Jaunari, neure Jainkoari, eta bekatuak aitortu nizkion, esanez: «Jauna, Jainko handi eta ikaragarria, zuk itunari eusten diozu eta leiala zara maite zaituztenekin eta zure aginduak betetzen dituztenekin.

DANIEL 9:5

Baina guk bekatu egin dugu, gaiztoak izan gara eta zure aurka atera, zure agindu eta erabakietatik urrunduz.

DANIEL 9:8

«Bai, Jauna, lotsaturik gaude, geu eta gure erregeak, gure buruzagi eta gurasoak, bekatu egin baitugu zure aurka!

LUKAS 18:7

Eta Jainkoak ez ote die justizia egingo gau eta egun deiadarka ari zaizkion bere aukeratuei? Zain edukiko ote ditu luzaroan?

LUKAS 2:37

alargun gelditu zen, eta bazituen laurogeita lau urte. Ez zen tenplutik ateratzen, eta gau eta egun Jainkoa zerbitzatzen zuen bertan, barau eta otoitz.

EFESOARREI 2:3

Gu guztiok ere hala bizi izan ginen lehen: geure giza grina txarrei jarraituz, geure grina eta burutapen gaiztoek agindutakoa betez; izatez, guk ere Jainkoaren zigorra merezi genuen, beste guztiek bezala.

1 TIMOTEORI 5:5

Alargun gelditu eta benetan bakarrik dagoenak Jainkoarengan jarria du itxaropena, eta etengabe ari zaio eskean, gau eta egun otoitzean.

2 TIMOTEORI 1:3

Eskerrak ematen dizkiot arbasoen irakatsiei jarraituz bihotz garbiz zerbitzatzen dudan Jainkoari, eta gogoan zaitut etengabe, gau eta egun, neure otoitzetan.

1 JOAN 1:9

Geure bekatuak aitortzen baditugu, ordea, leiala eta zuzena den Jainkoak bekatuak barkatu eta gaiztakeria orotatik garbituko gaitu.

1 SAMUEL 15:11

«Damutu zait Saul errege egina, aldendu egin baita niregandik eta ez ditu bete nire esanak». Goibeldu egin zen Samuel eta gau osoz Jaunari oihuka ari izan zitzaion.