NEGAR KANTAK 2:9 - Elizen Arteko Biblia (Biblia en Euskara Traducción Interconfesional)

⁹ Lur jo dute hiriko ateek, hauts egin ditu hango morroiloak. Haren errege eta buruzagiak jentilen eskuetan daude. Ez da Jainkoaren legerik irakasten; profetek berek ere ez dute Jainkoarengandiko agerpenik jasotzen.

Navarro-Labourdin Basque

⁹ Luphean sarthuac dire hango atheac; crascatu eta xahutu ditu hango hagac; hango erregue eta buruçaguiac barraiatu ditu jendaien erdian; ez da guehiago legueric eta hango profetec ez dute guehiago Jaunaren ganic aguerpenic içatu. JOD.

NEGAR KANTAK 2:9 ပူးပေါင်းရင်းမြစ်များ

2 ERREGEAK 25:7

Sedekiasen semeei lepoa moztu zieten aitaren aurrean eta bera, begiak leherrarazi ondoren, Babiloniara eraman zuten, katez loturik.

2 KRONIKAK 15:3

«Luzaro egon ziren israeldarrak egiazko Jainkoa gabe, irakatsiko zieten apaizik gabe eta legerik gabe.

NEHEMIAS 1:3

Eta erantzun zidaten: «Erbestealditik libre gelditu direnak zoritxar handian eta egoera lotsagarrian daude Juda eskualdean; Jerusalemgo harresiak, berriz, zuloz beteak daude, eta hiriko ateak suak kiskaliak».

SALMOAK 74:9

Ez dugu ikusten jadanik zure presentziaren ezaugarririk, ez dago profetarik, eta inork ez dakigu noiz arte.

ISAIAS 24:12

Hirian ez da hondakina besterik; sarrerako atea, lurrean txikitua.

JEREMIAS 14:14

Eta Jaunak erantzun zidan: «Nire izenean gezurra ari dira esaten profetak. Ez dira nik bidaliak; ez diet ezer agindu, ez hitz egin ere. Gezurrezko ikuskari, iragarpen zoro, beraien burutazio huts dira profeta horiek iragartzen dituztenak.

JEREMIAS 23:16

Hau dio Jaun ahalguztidunak: «Israeldarrok, ez egin jaramonik profeta hauen hitzari, amets hutsalez betetzen baitizuete burua. Beraien kasketako irudipenak azaltzen dizkizuete eta ez nik agindutakoak.

JEREMIAS 39:2

Sedekiasen hamaikagarren urtean, laugarren hilaren bederatzian, babiloniarrek zuloa ireki zuten hiriko harresian.

JEREMIAS 39:8

Babiloniarrek su eman zieten erregearen jauregi eta hiriko etxeei, eta bota egin zituzten Jerusalemgo harresiak.

JEREMIAS 51:30

Babiloniako gudaririk bulartsuenek uko egin diote borrokari, beren gotorlekuetan babestuz. Kemena galdurik, emajende dirudite. Hiriko ateak bota dituzte, etxeak sutan daude.

JEREMIAS 52:14

Eta guardiaburuarekin batera zetorren babiloniar gudarosteak Jerusalemgo harresi guztia bota egin zuen.

NEGAR KANTAK 1:3

Erbestera doa Juda: zoritxar eta morrontza gogorra! Horra, atzerrien artean bizi da, baina ez du non kokaturik. Pertsegitzaileek harrapatu egin dute, estualdian zegoelarik.

NEGAR KANTAK 4:15

«Alde hemendik! Kutsatuak!», egiten zaie oihu, «Alde, alde! Ez ukitu!» Ihesi doaz noragabe; atzerritarrek hau diote: «Ezin dira gure artean bizitzen gelditu».

NEGAR KANTAK 4:20

Gure arnasberritzailea, Jaunak gantzuturiko erregea, preso erori da etsaiaren sarean. Herrien artean haren gerizpean biziko ginela uste genuen.

EZEKIEL 12:13

Baina nik sarea botako diot gainera eta tranpan geldituko da harrapatua; Babiloniara eramango dut, eta babiloniarren herrialdean hilko da, hura ikusi ere egin gabe.

EZEKIEL 17:20

Sarea botako diot gainera eta tranpan geldituko da harrapatua. Babiloniara eramango dut eta han zigor-epaia emango nire aurka egindako desleialkeriagatik.

EZEKIEL 7:26

Hondamendia hondamendiaren gain etorriko da, albiste txarrak albiste txarren gain; ikuskaria eskatuko diote profetari; apaizak ez du irakaspenik emango, ezta kontseilariek ere aholkurik.

OSEAS 11:6

Bere hirietan ezpatak erasoko dio, babeslekuak hauts bihurtuko dizkio, beraien burutazioengatik.

OSEAS 3:4

Hala egon beharko dute israeldarrek luzaro, ez errege eta ez buruzagi, ez sakrifizio eta ez zutarri sakratu, eta ez Jainkoari kontsulta egiteko tresna.

AMOSEN PROFECIA 1:5

Zatitu egingo ditut Damaskoko hiri-morroiloak, kendu Bikeat-Abendik buruzagia, kendu Bet-Edendik aginte-makila duena, eta Siriako herria Kir-era erbesteratua izango da». Jaunak esan du.

DUTERONOMA 28:36

«Ez zeuek, ez zuen arbasoek ezagutzen ez duzuen herrira eramango zaituzte Jaunak, bai zeuek, bai zuek aukeratutako erregea, eta zurezko eta harrizko jainko arrotzak gurtu beharko dituzue han.

DUTERONOMA 28:63

Zuek zoriontsu egiten eta ugaltzen izan zuen adinako atsegina izango du Jaunak zuek galtzen eta suntsitzen: jaurti egingo zaituzte jabetzan hartzera zoazten lurraldetik.

1 SAMUEL 28:6

Kontsulta egin zion Saulek Jaunari; honek, ordea, ez zion erantzun, ez ametsetan, ez Urimen bidez, ezta profeten bidez ere.