NEGAR KANTAK 2:4 - Elizen Arteko Biblia (Biblia en Euskara Traducción Interconfesional)

⁴ Etsaia bailitzan, eskuina sendo ezarriz tenkatu du uztaia. Arerioa bailitzan hil digu xarmangarri zitzaigun guztia. Sua bezala isuri du bere haserrea Sion hiri ederraren etxolategira.

Navarro-Labourdin Basque

⁴ Bere arrambela hedatu du etsaiac beçala; etsaiac beçala gogortu du bere escuina, eta xahutu ditu Siongo alabaren olhan ciren gauça ederrac oro: sua beçala hedatu du bere gaitzidura. HE.

NEGAR KANTAK 2:4 ပူးပေါင်းရင်းမြစ်များ

2 KRONIKAK 34:21

—Zoazte eta kontsulta egin Jaunari nire izenean eta Israelen bizirik gelditutakoen eta Judakoen izenean, aurkitu duten liburu honek dioenaz. Izan ere, haserre bizitan egon behar du Jaunak gurekin, gure arbasoek Jaunaren hitzari kasurik egin ez diotelako eta liburu honetan idatzia bete ez dutelako.

2 KRONIKAK 34:25

Baztertu nautelako, jainko arrotzei intsentsua erre dietelako eta idoloak eginez iraindu nautelako, sutu egin zait haserrea toki honen kontra eta ez zait itzaliko”.

JOB 19:11

Bere sumina piztu du ene aurka, etsaitzat hartu nauelarik.

JOB 6:4

Ahaltsuaren geziak sartu dira niregan eta beraien pozoia barneratu zait. Jainkoak izu-ikaraz egin dit eraso.

SALMOAK 37:14

Ezpata atera eta uztaia tenkatzen dute gaiztoek dohakabea eta behartsua eraisteko, zuzen dabiltzanak hiltzeko.

SALMOAK 7:13

Onbideratzen ez badira, ezpata zorrozten du, uztaia tenkatu eta botatzeko prestatzen;

ISAIAS 42:25

Horregatik, gainera isuri zien bere haserre-sumina, gudu latza jasanaraziz: haren sugarrak inguratu zituen, oso-osorik kiskali; baina haiek ez zuten ezer jakin nahi izan, ezta arretarik jarri ere.

ISAIAS 63:10

Baina haiek Jaunaren kontra errebelatu eta haren espiritu santua atsekabetu zuten; horregatik, etsai bihurtu zitzaien eta borroka egin zien.

ISAIAS 63:6

Amorru biziz zapaldu ditut herriak, neure sumin-edariz mozkortu eta haien odola lurrean isuri.

JEREMIAS 10:20

Hondatua dago gure oihal-etxola, lokarri guztiak etenda. Seme-alabak kendu dizkigute, ez da bat ere gelditu gure etxola jasotzeko, oihalak zabaltzeko.

JEREMIAS 21:12

Daviden ondorengook! Hau dio Jaunak: Ardura zaitezte egunero justizia egiten; askatu zapaldua zapaltzailearen eskutik. Bestela, sua bezala piztuko da nire haserrea, erre egingo zaituzte zeuen egintza gaiztoengatik eta ezin izango du inork itzali.

JEREMIAS 21:5

Neu borrokatuko naiz zuen aurka ahalmen handiz eta esku bizkorrez, haserre-suminez eta amorru biziz.

JEREMIAS 30:14

Ahaztu egin zaituzte adiskideek, ez dira zutaz axola. Etsai batek bezala jo zaitut, gogor zigortu, zeure erru kontaezinengatik, zeure bekatu izugarriengatik.

JEREMIAS 36:7

Ea Jaunari erregutzen dioten eta itzultzen diren beren jokabide gaiztotik, handia baita herri honen aurka Jaunak agertu duen haserre-sumina».

JEREMIAS 4:4

Berritu nirekiko ituna, ezarri zeuen bihotzetan, Juda eta Jerusalemgo bizilagunok! Bestela, sua bezala piztuko da nire haserrea, erre egingo zaituzte zeuen egintza gaiztoengatik, eta ezin izango du inork itzali».

JEREMIAS 42:18

«Bai, honela dio Jaun ahalguztidunak, Israelen Jainkoak: “Nola isuri ziren nire haserre-suminak Jerusalemen bizi zirenen aurka, hala isuriko dira zuen aurka ere, Egiptora joaten bazarete. Zori beldurgarria izango da zuena: madarikazioa, gaitzespena eta lotsa gorria. Eta ez duzue gehiago aberria ikusiko”.

JEREMIAS 7:20

Horregatik, hala diot nik, Jaunak: Neure haserrea eta sumina hustuko ditut toki honen gain, gizaki eta abere, landako zuhaitz eta lurreko fruituen gain: itzaliko ez den sua izango da».

NEGAR KANTAK 1:13

Sua bidali du Jaunak goitik, eta hezurretaraino sartu dit. Sarea ipini dit oinpean, eta itzulipurdika bota nau. Arras hondatua utzi nau, etengabeko ondoezean.

NEGAR KANTAK 2:5

Etsai gisa jokatu du Jaunak: Israel desegin du, haren jauretxeak desegin, haren gotorlekuak ezereztu. Atsekabea eta nahigabea ugaldu dizkio Juda lurralde ederrari.

NEGAR KANTAK 3:3

Haren eskuak nire aurka dihardu, egunero etengabe.

NEGAR KANTAK 4:1

Ai ene! Zeinen lausotua dagoen urrea, zein aldatua urre ederra! Kale-bazterretan daude sakabanaturik santutegiko harriak.

NEGAR KANTAK 4:11

Jaunak bere haserrea hustu du, bere sumina isuri. Sioni su eman dio eta oinarrietaraino kiskali.

EZEKIEL 13:13

Beraz, hau diot nik, Jainko Jaunak: Neure haserre-suminean ekaitz-haizea sorraraziko dut, uholde-euriak eta harri suntsitzailea bidaliko.

EZEKIEL 20:34

Herrien artetik aterako zaituztet eta sakabanaturik zaudeteneko herrialdeetatik bilduko ahalmen handiz, esku indartsuz eta neure sumina isuriz.

EZEKIEL 22:22

Zilarra labearen erdian urtzen den bezala, hala urtuko zaituztet Jerusalemen erdian; orduan jakingo duzue ni naizela Jauna, zuen kontra bere sumina isurtzen duena».

EZEKIEL 24:25

Esan zidan Jaunak: «Hara, gizaseme, babesleku eta alaitasun zoragarri, begien pozgarri eta bihotzen xarma zutena kenduko diet, baita seme-alabak ere.

EZEKIEL 36:18

Beraz, odola isuri eta herrialdea idolatriaz kutsatu zutelako, neure sumina isuri nuen haien gainera.

EZEKIEL 5:13

Neure sumina azkeneraino hustuko dut beraien aurka eta mendekatu egingo naiz; orduan jakingo dute nik, Jaunak, bihotz-minduta hitz egin dudala.

EZEKIEL 6:12

Urruti dagoena izurriz hilko da, hurbilekoa gerraz, eta gainerakoak —setiatuak— gosez, neure sumina zeharo hustuko baitut haien gain.

EZEKIEL 7:14

Turuta joko dute, prestakuntzak egingo, baina inor ez gudura joango, guztiak harrapatuko baititu nire suminak.

LEBITICOA 26:17

Aurka jarriko natzaizue: etsaiek garaituko zaituztete, etsai gorrotagarrienek menderatuko. Ihesari emango diozue inork atzetik eraso gabe ere.

NAHUM 1:2

Jauna, Jainko espatsu eta mendekatzailea da. Bai, mendekatzailea da Jauna, zorrotza haren haserrea. Jauna mendekatu egiten da bere etsaien kontra, eutsi egiten dio arerioenganako haserreari.

NAHUM 1:6

Nork iraun zutik haren suminaren aurrean? Nork egin aurre haren haserre biziari? Sua bezala isurtzen da haren sumina, eta harkaitzak zartatu egiten haren aurrean.

DUTERONOMA 32:22

Sutan dago nire haserrea: Herio Leize hondoraino iritsiko da beronen garra, lurra eta bertako emaitzak irentsiko ditu, mendien oinarriak kiskaliko.

1 SAMUEL 28:16

Samuelek erantzun zion: —Jauna urrundu baldin bazaizu eta kontra jarri, zertarako egin niri kontsulta?