NEGAR KANTAK 1:3 - Elizen Arteko Biblia (Biblia en Euskara Traducción Interconfesional)

³ Erbestera doa Juda: zoritxar eta morrontza gogorra! Horra, atzerrien artean bizi da, baina ez du non kokaturik. Pertsegitzaileek harrapatu egin dute, estualdian zegoelarik.

Navarro-Labourdin Basque

³ Juda bercetara goan da atsecabearen handiz, hesturaren gaitzez; jarri da jendaien artean eta ez du phausiric aurkitu; bere jaçarle guciac lothu çaizco bere oinhaceen erdian. DALETH.

NEGAR KANTAK 1:3 ပူးပေါင်းရင်းမြစ်များ

2 ERREGEAK 25:11

Ondoren, Nebuzaradan guardiaburuak erbesteratu egin zituen hirian geldituak ziren bizilagunak, baita Babiloniako erregearen alde jarri zirenak eta gainerako jendea ere.

2 ERREGEAK 25:21

eta honek bertan hilarazi, Hamat eskualdean. Honela erbesteratu zuten Judako jendea bere lurraldetik urruti.

2 ERREGEAK 25:4

zuloa ireki zuten barrukoek harresian eta, gauez, hiriko gudari guztiek ihes egin zuten erregearen lorategi ondoan zegoen bi harresien arteko atetik, babiloniarrek setiaturik zeuden arren. Erregeak Araba aldera alde egin zuen.

2 ERREGEAK 25:5

Babiloniar gudarosteak, ordea, erregearen ondoren joan eta Jerikoko lautadan harrapatu zuen, beronekin ziren gudariak sakabanatu zirelarik.

JEREMIAS 13:19

Negeveko hiriak setiatuak daude, ezin ditu inork ere askatu. Juda osoa erbestera doa, oso-osorik atzerrira».

JEREMIAS 16:16

Jaunak dio: «Etsai asko bidaliko ditut israeldarren aurka: arrantzale gisa, harrapatuko dituzte beren sareetan, edota, ehiztari gisa, mendi, muino eta harkaitzartetan ehizatuko.

JEREMIAS 24:9

Izugarrizko eskarmentu izango dira munduko erreinu guztientzat; lotsaizun eta iseka-gai izango dira, koplak aterako dizkiete eta madarikatu egingo jaurtiko ditudan toki guztietan.

JEREMIAS 39:9

Jerusalemen geldituak ziren bizilagunak eta babiloniarren alde jarri zirenak Babiloniara erbesteratu zituen Nebuzaradan guardiaburuak.

JEREMIAS 52:15

Ondoren, Nebuzaradan guardiaburuak erbesteratu egin zituen hirian geldituak ziren bizilagunak, baita Babiloniako erregearen alde jarri zirenak eta artisauak ere.

JEREMIAS 52:8

Babiloniar gudarosteak, ordea, Sedekias erregearen ondoren joan eta Jerikoko lautadan harrapatu zuen, beronekin ziren gudariak sakabanatu zirelarik.

NEGAR KANTAK 2:9

Lur jo dute hiriko ateek, hauts egin ditu hango morroiloak. Haren errege eta buruzagiak jentilen eskuetan daude. Ez da Jainkoaren legerik irakasten; profetek berek ere ez dute Jainkoarengandiko agerpenik jasotzen.

NEGAR KANTAK 4:15

«Alde hemendik! Kutsatuak!», egiten zaie oihu, «Alde, alde! Ez ukitu!» Ihesi doaz noragabe; atzerritarrek hau diote: «Ezin dira gure artean bizitzen gelditu».

NEGAR KANTAK 5:5

Gainean ditugu segika; leher eginak gaude, ez da atsedenik guretzat.

EZEKIEL 5:12

Jerusalemdarron heren bat izurriz hilko da edo goseak akabatuko du hirian; beste heren bat gerran eroriko da hiri inguruan, eta azken herena haize guztietara sakabanatuko dut eta ezpataz pertsegituko.

DUTERONOMA 28:48

Jaunak kontra bidaliko dizkizuen etsaiak baldintza gogorretan zerbitzatu beharko dituzue: gose-egarriz, biluzik eta behar gorrian. Lepoan burdinazko uztarria ezarriko dizuete, suntsitu arte.