NEGAR KANTAK 1:12 - Elizen Arteko Biblia (Biblia en Euskara Traducción Interconfesional)

¹² «Zuek, bidean zoaztenok, begira eta ikus: ba ote da nirea bezainbateko oinazerik? Bai mingarria zaidala Jaunak bere haserre-suminean eman didan oinazea!

Navarro-Labourdin Basque

¹² Oi çuec bidean iragaiten çareten guciac, ohartemaçue eta beguira çaçue hean baden atsecaberic enea beçalacoric; ecen nola Jaunac erran, hala biluci bainau bere hasarreco egunean. MEM.

NEGAR KANTAK 1:12 ပူးပေါင်းရင်းမြစ်များ

SALMOAK 88:16

Haurtzarotik, dohakabe naiz eta gaixo, zure izu-ikaren zamapean lehertua.

ISAIAS 13:13

Dar-dar egingo du zeruak eta lurrak oinarritik ikara, Jaun ahalguztidun honek neure haserrea eta sumin goria azalduko dudan egunean.

JEREMIAS 10:19

Orduan, herriak oihu: «Ai ene, hau hondamena gurea! Sendagaitza gure zauria! Eta gu, gaitz eramangarria izango zelakoan!

JEREMIAS 18:16

Horrela, bere lurraldea hondamen bihurtu du, jendearen etengabeko iseka. Handik igarotzen dena izuturik gelditzen da, buruari eragiten dio harriturik.

JEREMIAS 30:23

Hara, ekaitza bezala lehertu da Jaunaren haserrea, haize-erauntsia bezala oldartzen da, zurrunbiloka dabil errudunen buru gainean.

JEREMIAS 30:24

Jaunaren haserrea ez da baretuko, hartu duen erabakia burutu arte. Egunen batean jabetuko zarete, bai, horretaz.

JEREMIAS 30:7

Ai ene! Izugarria izango da egun hura, berdinik gabea, larrialdi-eguna Jakoben herriarentzat. Baina onik aterako da».

JEREMIAS 4:8

Horregatik, estali dolu-jantziz, egin negar eta intziri; ez, ez da Jaunaren haserre-sumina Judarengandik aldendu.

JEREMIAS 48:27

Ez zenion, bada, zuk barre egin Israeli, lapurretan harrapatutako bati bezala? Ez zinen, bada, buru-eraginka jarduten, hartaz hitz egiten zenuen bakoitzean?

NEGAR KANTAK 1:18

«Zuzen jokatu du Jaunak, aurka egin baitiet haren aginduei. Entzun, bada, herriok denok, eta ikus nire oinazea. Nire neska-mutilak gatibu joan dira.

NEGAR KANTAK 2:1

Ai ene! Jaunak, bere haserrean, ilunpetan utzi du Sion hiri ederra. Zeru-goitik lurrera bota du Israelgo ospea. Ez du bere oin-aulkia gogoan izan haserre-egunean.

NEGAR KANTAK 2:13

Zer esango nizuke, zerekin konparatuko zaitut? Antzekorik zer aipatuko dizut, Sion neskatxa eder horri, kontsola zaitezen? Itsasoa bezain handia da zure hondamendia: nork sendatu zu?

DANIEL 9:12

Bete egin duzu, gure eta gure gobernarien aurka eman zenuen hitza, beste inon ere ikusi ez den bezalako zoritxar izugarria Jerusalemera bidaliz.

JOELEN PROFECIA 2:2

Ilunpearen eta itzal beltzaren eguna, hodeien eta laino beltzaren eguna. Hor dator, egunsentia mendi gainetara bezala, gudaroste ugari eta indartsua. Ez da egundaino horrelakorik ikusi, ezta ikusiko ere berriro menderen mendetan.

MATEO 24:21

Zeren munduaren hasieratik orain arte izan ez den eta izango ez den bezalako larrialdi handia izango baita orduan.