KOHELET 8:16 - Elizen Arteko Biblia (Biblia en Euskara Traducción Interconfesional)

¹⁶ Gogotik saiatu naiz jakintsu izaten eta lurrean egin ohi diren jarduerak ulertzen. Gau eta egun, begirik bildu gabe, ari izaten dira gizon-emakumeak.

Navarro-Labourdin Basque

¹⁶ Eta iratchiqui dut ene bihotza çuhurciaz jaquinsun eguiteari eta lurraren gainean dagoen saxeriaren eçagutzeari; bada guiçonic ceinaren beguiec ez egunaz, ez gauaz loric atzematen ez dutenic.

KOHELET 8:16 ပူးပေါင်းရင်းမြစ်များ

JENESA 31:40

Beroak jaten ninduen egunez eta hotzak gauez. Loa ihesi zihoakidan begietatik!

SALMOAK 127:2

Alferrik duzue goizean goiz jaiki eta berandu oheratzea, nekearen nekez ogia irabaztea: bere adiskideei lotan daudela ematen die Jaunak!

KOHELET 1:13

Buru-belarri ari izana naiz mundu honetan gertatzen dena jakinduriaz ikertzen eta aztertzen. Lanbide txarra eman die Jainkoak gizon-emakumeei, horretan jardun dezaten.

KOHELET 1:14

Eguzkipean gertatzen denari begira egon izan naiz, eta horra, den-dena huskeria da, haizea atzeman nahi izatea bezala;

KOHELET 1:17

Buru-belarri ari izana naiz jakinduria eta ezaguera, zorakeria eta ergelkeria zertan bereizten diren aztertzen; eta ohartu naiz, hori bera ere haizea atzeman nahi izatea bezala dela.

KOHELET 2:23

Egunero atsekabea baizik ez du, eta bere lanetan nekea; gauez ere ez du atsedenik hartzen haren bihotzak. Hau bai dela huskeria!

KOHELET 4:8

Demagun bakarrik bizi dela gizon bat; ez du lagunik, ez seme-alabarik, ez anai-arrebarik, eta, hala ere, etengabe dihardu lanean, ez da asetzen aberasteaz, galdetu ere ez du egiten bere baitan: «Norentzat ari ote naiz lanean, neure buruari atseginak ukatuz?» Horra beste zentzugabekeria eta lanbide txarra.

KOHELET 5:12

Ikusia dut beste gaitz handi bat ere eguzkipean: aberastasunak pilatzea berorien jabearen kaltetan dela;

KOHELET 7:25

Gogotik aztertu nuen dena, hausnartu eta jakitearren, jakinduria eta arrazoia aurkitzearren. Ohartu naiz gaizto izatea zorakeria dela, bihurrikeria eta ergelkeria.

KOHELET 8:7

Izan ere, inork ezin jakin zer gertatuko den. Adieraz ote diezaioke norbaitek?

KOHELET 8:9

Hauen guztien berri izan dut, eguzkipean egin ohi diren lan guztiak aztertzen saiatu naizenean, kalte eginez, gizakiak gizakia menderatzen duenean.