JOAN 9:7 - Elizen Arteko Biblia (Biblia en Euskara Traducción Interconfesional)

⁷ Gero, esan zion: —Zoaz garbitzera Siloeko ur-putzura (Siloek «Bidalia» esan nahi du). Joan zen, bada, garbitu eta ikusten zuela itzuli zen.

Navarro-Labourdin Basque

⁷ Eta erran cieçon, Oha garbitzera Siloe, igorria erran nahi deneco ikuzgarrira. Ioan cedin bada, eta garbi cedin, eta itzul cedin ikusten çuela.

JOAN 9:7 ပူးပေါင်းရင်းမြစ်များ

NEHEMIAS 3:15

Iturriko atean, Kol-Hozeren seme eta Mitzpa herrialdeko buru zen Xalumek jardun zuen; jaso eta gaina eman ondoren, ate-alderdiak, atalagak eta morroiloak ezarri zizkion; berak konpondu zuen Erregearen lorategi ondoan dagoen Siloeko uraskaren ondoko harresi-zatia ere, Daviden hiritik jaisten diren harmailetaraino.

SALMOAK 146:8

Jaunak zabaltzen itsuen begiak, Jaunak altxatzen lur jota daudenak. Jaunak maitatzen zintzoak,

IRTEERA 4:11

Jaunak erantzun zion: —Nork eman dio mihia gizakiari? Nork egiten du gizakia mutu ala gor, itsu ala ikusle, nik, Jaun honek, izan ezik?

ISAIAS 32:3

Ikusi behar dutenek begiak zabalik, entzun behar dutenek belarriak erne izango dituzte.

ISAIAS 35:5

Orduan, itsuek ikusi egingo dute berriro eta gorrek entzun.

ISAIAS 42:7

itsuen begiak zabaldu eta presoak espetxetik ateratzea, ilunpetan bizi direnak kartzelatik.

ISAIAS 43:8

Utzi etortzen nire herriari, begiak eduki arren itsu eta belarriak eduki arren gor dagoenari.

ISAIAS 8:6

«Retzin eta Pekahen beldurrez, herri honek Siloeko ur bareei muzin egin dienez gero,

MATEO 11:5

itsuek ikusi egiten dute eta herrenak badabiltza, legendunak garbi gelditzen dira eta gorrek entzun egiten, hildakoak piztu egiten dira eta behartsuei berriona ematen zaie.

LUKAS 13:4

«Eta Siloeko dorreak azpian harrapaturik hil ziren hemezortzi haiek, gainerako jerusalemdarrak baino bekatariago zirela uste al duzue?

LUKAS 2:32

nazioak argitzeko argi eta zure herri Israelen ospe».

JOAN 10:36

Nola diozue, bada, nik, Aitak sagaratu eta mundura bidali nauen honek, birao egiten dudala, «Jainkoaren seme naiz» esateagatik?

JOAN 11:37

Baina batzuek esan zuten: —Itsuaren begiak ireki zituen honek, ezin ote zuen hau hiltzea galarazi?

JOAN 9:11

Hark erantzun zien: —Jesus delakoak listuaz lohia egin du, begiak igurtzi dizkit eta agindu: «Zoaz Siloera eta garbitu han»; joan, garbitu eta ikusten hasi naiz.

JOAN 9:39

Ondoren, esan zuen Jesusek: —Mundu hau auzitan jartzera etorri naiz ni. Ondorioz, ikusten ez dutenek ikusi egingo dute, eta ikusten omen dutenak itsu bihurtuko.

EGINAK 26:18

begiak ireki diezazkiezun eta ilunpetatik argitara eta Satanasen menpetik Jainkoarengana bihur daitezen; horrela, niregan sinetsiz, bekatuen barkamena izan eta sagaratuei dagokien ondarea eskura dezaten”.

ERROMATARREI 8:3

Legeak giza ahuleziagatik ezin zuena, Jainkoak egin du: gurea bezalako bekatuzko izaeran bidali du bere Semea eta honek, bere burua barkamen-oparitzat eskainiz, kondenatu egin du bekatua bere giza izaera hilkorrean.

GALAZIARREI 4:4

Baina epea bete zenean, Jainkoak bere Semea bidali zuen, emakumeagandik jaioa, legepeko egina,