JOAN 7:39 - Elizen Arteko Biblia (Biblia en Euskara Traducción Interconfesional)

³⁹ Harengan sinetsiko zutenek hartuko zuten Espirituaz esan zuen hori; izan ere, ez zen artean Espiriturik, Jesusen jainkozko aintza ez zelako oraindik azaldu.

Navarro-Labourdin Basque

³⁹ (Eta haur erraiten çuen hura baithan sinhesten çutenéc recebitzeco çuten Spirituáz: ecer oraino Spiritu saindua etzén eman, ceren Iesus oraino ezpaitzén glorificatu)

JOAN 7:39 ပူးပေါင်းရင်းမြစ်များ

SALMOAK 68:18

Jainkoaren guda-gurdiak milaka eta milaka, ezin konta ahalakoa haren gudarostea: horien artean aintzaz beterik dago Jauna santutegian.

ERRAN-ÇAHARRAC 1:23

Onar ezazue nire zentzarazpena! Neure espiritua zabaldu nahi dut zuengana, ene mezua adierazi.

ISAIAS 12:3

Pozik joango zarete zuek ere salbamen-iturritik ura edatera,

ISAIAS 32:15

Baina, azkenik, Jaunak bere espiritua isuriko digu goitik berriro. Basamortua baratze bihurtuko da eta baratzea baso.

ISAIAS 44:3

ura isuriko baitut lur egarrituan, ur-lasterrak sortuko landa lehorrean. Neure espiritua isuriko diet zure ondorengoei, neure bedeinkazioa zure seme-alabei.

MATEO 16:14

Haiek erantzun: —Batzuek Joan Bataiatzailea dela; beste batzuek Elias; besteek Jeremias edo profetaren bat.

MATEO 21:11

Jendeak erantzuten zuen: —Jesus profeta da, Galileako Nazaretekoa.

LUKAS 24:49

Eta nik, neure Aitak agindutako dohaina, Espiritu Santua, bidaliko dizuet. Zuek egon hemen, hirian, Jainkoarengandiko indarraz jantzi zaitezten arte».

LUKAS 3:16

Joanek, ordea, denen aurrean esan zuen: «Nik urez bataiatzen zaituztet, baina badator ni baino ahaltsuago dena, eta ni ez naiz inor haren oinetakoen lokarriak askatzeko ere; horrek Espiritu Santuaz eta suz bataiatuko zaituzte.

LUKAS 7:16

Denak beldurrak hartu zituen, eta Jainkoa goresten zuten, esanez: «Profeta handi bat sortu da gure artean». Baita ere: «Jainkoa bere herria salbatzera etorri da».

JOAN 1:21

—Orduan, zer? Elias zara? —galdetu zioten. Joanek erantzun: —Ez. —Etortzekoa den profeta zara? Hark erantzun: —Ez.

JOAN 1:25

Hauek galdetu zioten: —Beraz, Mesias ez bazara, ez Elias, ezta etortzekoa den profeta ere, nola ari zara bataiatzen?

JOAN 1:33

Neuk ere ez nuen ezagutzen, baina urez bataiatzera bidali ninduenak esan zidan: “Espiritua jaisten eta gizon baten gainean gelditzen ikusiko duzu; huraxe da Espiritu Santuaz bataiatzen duena”.

JOAN 12:16

Haren ikasleak ez ziren orduan profezia honetaz jabetu, baina gero, Jesusen Jainko-aintza azaldu zenean, konturatu ziren Liburu Santuak zioen huraxe egin ziotela Jesusi.

JOAN 12:23

Jesusek erantzun zien: «Iritsi da Gizonaren Semearen aintza azalduko den ordua.

JOAN 14:13

Nire izenean eska dezazuen guztia emango dizuet, Aitaren aintza Semearen bidez azal dadin.

JOAN 14:26

Baina Aitak Laguntzailea, Espiritu Santua, bidaliko dizue nire izenean, eta berak gogoraraziko dizue nik irakatsitako guztia eta ulertzen lagunduko.

JOAN 16:14

Berak nire Jainko-aintza azalduko du, adieraziko dizuena niregandik hartuko baitu.

JOAN 16:7

halere, egia diotsuet: Hobe da zuentzat ni joatea; izan ere, joaten ez banaiz, ez zaizue etorriko Laguntzailea; joaten banaiz, ordea, bidali egingo dizuet.

JOAN 17:1

Honela mintzatu ondoren, Jesusek begiak zerurantz jaso eta esan zuen: «Aita, heldu da ordua. Azal ezazu zeure Semearen aintza, Semeak zure aintza azal dezan.

JOAN 17:5

Orain, Aita, emadazu aintza zeure ondoan, eman mundua mundu izan baino lehen zure ondoan nuen aintza.

JOAN 20:22

Eta haien gainera arnasa botaz, esan zien: «Hartzazue Espiritu Santua.

JOAN 6:14

Jendeak, orduan, Jesusen mirarizko seinale hura ikusirik, honela zioen: «Hauxe da egiaz mundura etortzekoa zen profeta».

JOAN 7:12

Eta jendea txutxu-mutxuka ari zen hartaz; batzuek zioten: «Gizon ona da». Beste batzuek, ordea: «Ez, herria engainatzen ari da».

JOAN 8:54

Jesusek erantzun zuen: —Neure burua neuk ohoratzen badut, nire ohore horrek ez du ezer ere balio; baina ni Aitak ohoratzen nau, zeuen Jainkoa omen duzuenak.

EGINAK 19:2

eta galdetu zien: —Hartu al zenuten Espiritu Santua sinetsi zenutenean? Haiek erantzun zioten: —Espiritu Santua badenik ere ez dugu entzun.

EGINAK 2:17

«Hau dio Jainkoak: Azken egunetan neure espiritua isuriko diet gizaki guztiei. Zuen seme-alabek profetizatu egingo dute, zuen gazteek ikuskariak izango, zuen zaharrek ametsak egingo.

EGINAK 2:33

Jainkoak bere eskuinaldera altxatu duelarik, hitzemandako Espiritu Santua hartu du Aitarengandik eta guri isuri; hauxe da zuek ikusten eta entzuten ari zaretena.

EGINAK 2:38

Pedrok erantzun zien: —Bihozberri zaitezte eta bataiatu guztiok, Jesus Mesiasen izenean bekatuak barka dakizkizuen, eta Espiritu Santua hartuko duzue dohain.

EGINAK 2:4

Denak Espiritu Santuaz bete ziren eta hizkuntza arrotzez hitz egiten hasi, bakoitza Espirituak eragiten zion eran.

EGINAK 3:13

«Abrahamen, Isaaken eta Jakoben Jainkoak, gure arbasoen Jainkoak, aintzaz bete du Jesus bere zerbitzaria, zuek agintarien eskuetara eman eta Pilatoren aurrean ukatu zenutena, honek askatzea erabaki zuen arren.

EGINAK 4:31

Otoitza bukatzearekin batera, bilduak zeudeneko tokia dardaratu egin zen; denak Espiritu Santuaz beterik gelditu ziren, eta Jainkoaren hitza ausardiaz predikatzen zuten.

ERROMATARREI 8:9

Zuek, ordea, ez zarete bizi grina horien menpean, Espirituaren menpean baizik, Jainkoaren Espiritua zuengan bizi baita. Norbaitek Kristoren Espiritua ez badu, hori ez da Kristorena.

2 KORINTOARREI 3:8

Ba, zenbatez ospetsuago ez ote da izanen Espirituagan oinarrituriko itunaren zerbitzua!

EFESOARREI 4:30

Ez nahigabetu Jainkoaren Espiritu Santua, horrekin markatu baitzaituzte Jainkoak zigiluz bezala, askapen-egunean zuek bereizteko.