JOAN 5:39 - Elizen Arteko Biblia (Biblia en Euskara Traducción Interconfesional)

³⁹ Liburu Santuak arretaz aztertzen dituzue, betiko bizia haietan aurkituko duzuelakoan; horra, bada, Liburu Santuek ere nire alde egiten dute testigantza;

Navarro-Labourdin Basque

³⁹ Informa çaitezte diligentqui Scripturetaric; ecen çuec vste duçue hetan vicitze eternala duçuela: eta hec dirade niçaz testificatzen dutenac.

JOAN 5:39 ပူးပေါင်းရင်းမြစ်များ

SALMOAK 1:2

baizik eta Jaunaren hitza atsegin duena eta hitz hori gau eta egun gogoan darabilena!

SALMOAK 119:11

Gogoan jasotzen dut zuk hitzemana, zure aurka bekatu ez egiteko.

SALMOAK 133:3

Sion mendira jaisten den ihintza bezala, Hermon mendian bezain ugari. Sionen ematen du Jaunak bedeinkazioa: bizia betiko!

SALMOAK 16:11

Bizirako bidea erakutsiko didazu: alaitasun betea zure aurrean, betiko zoriona zure ondoan.

SALMOAK 21:4

Bedeinkapenez eta mesedez bete duzu, urre garbizko koroa ezarri.

SALMOAK 36:9

Zeure etxeko janari guriz asetzen dituzu, zeure atseginen ibaian edanarazten.

ERRAN-ÇAHARRAC 6:23

Agindua kriseilu da, irakaspena argi eta heziketa eta zentzarazpena bizirako bide;

ISAIAS 34:16

Hartu Jaunaren liburua eta irakurri: hauetako abere batek ere ez du huts egingo, arrari ez zaio lagunik faltako, Jaunak berak agindu baitu, haren espirituak elkartu ditu.

ISAIAS 8:20

Zuek, ordea, egon adi irakaspenari eta aitorpenari! Hauetara jotzen ez duenak ez du egunsentirik ikusiko.

JEREMIAS 8:9

Lotsaturik geldituko dira jakintsuak, eraitsiak eta preso hartuak izango. Non da horien jakinduria, Jaunaren hitza mespretxatu dutelarik?

DANIEL 12:2

Iratzarri egingo dira hilobietan dauden asko: batzuk betiko bizirako, besteak betiko lotsarako.

MATEO 22:29

Jesusek erantzun zien: —Oker zabiltzate. Liburu Santuetan esana eta Jainkoaren ahalmena ez dituzue ezagutzen.

MARKOS 10:3

Hark erantzun zien: — Zer agindu zizuen horretaz Moisesek?

MARKOS 12:10

Ez al duzue irakurri Liburu Santuetako hura: «Etxegileek bazterturiko harria giltzarri gertatu da.

LUKAS 16:29

Abrahamek erantzun zion: “Hor dituzte Moises eta profetak: entzun diezaietela”.

LUKAS 16:31

Baina Abrahamek erantzun zion: “Moisesi eta profetei entzuten ez badiete, hildakoren bat piztuta ere, ez dute kasurik egingo”».

LUKAS 24:25

Orduan, Jesusek esan zien: —Bai buru gutxikoak zaretela, bai motelak profetek esana sinesteko!

LUKAS 24:27

Eta, Moisesengandik hasi eta profetaz profeta, Liburu Santuek berari buruz zioten guztia azaldu zien.

LUKAS 24:44

Ondoren, esan zien: «Hauxe da, oraindik zuekin nengoela esan nizuena: Moisesen legean, profeten liburuetan eta salmoetan nitaz idatzitako guztia bete beharrekoa zela».

JOAN 1:45

Felipek Natanael aurkitu zuen, eta esan zion: —Moisesek legearen liburuan eta profetek beren idazkietan aipatu zuten hura aurkitu diagu: Jesus, Joseren semea, Nazaretekoa.

JOAN 5:32

Beste batek du nire alde testigatzen, eta jakin badakit haren testigantza baliozkoa dena.

JOAN 5:36

«Nik, ordea, badut neure alde Joanena baino balio handiagoko testigantza: nik betetzeko Aitak nire gain utzitako egintzak, hain zuzen; nik egiten ditudan egintzek testigatzen dute nire alde eta Aitak bidali nauela frogatzen.

JOAN 5:40

halere, ez duzue niregana hurbildu nahi betiko bizia izateko.

JOAN 5:46

Izan ere, Moisesi sinetsiko bazeniote, niri ere sinetsiko zenidakete, nitaz idatzi baitzuen hark.

JOAN 7:52

Besteek erantzun zioten: —Zu ere galilearra ote zaitugu? Aztertu Liburu Santuak, eta ikusiko duzu Galileatik ez dela inoiz profetarik sortu.

EGINAK 13:27

Jerusalemdarrek eta beraien agintariek ez zuten Jesus aintzat hartu eta, berau kondenatuz, larunbatero sinagogan irakurtzen dituzten profeziak bete zituzten.

EGINAK 17:11

Bereako juduek, Tesalonikakoak baino jatorragoak izaki eta, gogo biziz hartu zuten mezua; egunero aztertu ohi zituzten Liburu Santuak, gauzak hala ote ziren ikusteko.

EGINAK 26:27

Sinesten al diezu profetei, Agripa erregea? Ziur nago sinesten diezula.

ERROMATARREI 3:2

Asko, noski, alde guztietatik. Lehenengo eta behin, Jainkoak bere hitzak juduei eman zizkielako.

DUTERONOMA 18:15

Jaunak zuen Jainkoak ni bezalako profeta sortuko du zuen artetik, herritarren artetik. Entzun berari!

DUTERONOMA 18:18

Zu bezalako profeta sorraraziko dut herritarren artetik; neure hitzak ezarriko dizkiot ahoan eta nik agindurikoa esango die.

DUTERONOMA 32:47

ez baitira funsgabeko hitz zuentzat, zeuen bizi baizik; horien bidez, luzaro biziko zarete Jordanez beste aldean jabetzan hartzera zoazten lurraldean».

KOLOSARREI 3:16

Bizi bedi oparo zuengan Kristoren mezua. Irakatsi eta zentzarazi elkar jakinduria osoz. Kantatu Jainkoari esker onez eta bihotzez salmoak, gorazarreak eta kantu inspiratuak.

HEBREARREI 11:16

Baina lur hobea zuten irrika, zerukoa alegia. Horregatik, Jainkoa ez da lotsatzen «haien Jainko» deitua izateaz, hiri bat ere prestatu baitie.

HEBREARREI 11:35

Eta zenbait emakumek, pizturik berreskuratu zituen bere hildakoak. Beste batzuk, berriz, torturapean hil ziren, handik libratzeari uko eginez, bizitza bikainagora pizteko itxaropenagatik;

JOSUE 1:8

Ez utzi lege-liburua irakurtzeari, hausnar ezazu gau eta egun, eta saiatu bertan idatzia betetzen; horrela, ongi aterako zaizkizu ekinbide guztiak.

APOKALIPSIA 19:10

Orduan, aingeruaren oinetara ahuspeztu nintzen bera gurtzeko; baina esan zidan: «Kontuz, ez egin horrelakorik; ni ere zerbitzari naiz, zu eta Jesusen testigu leial diren zure senideak bezala. Jainkoa gurtu behar duzu». Izan ere, Jesusen testigu izatea eta profetagintzarako espiritua edukitzea gauza bera dira.