JOAN 13:34 - Elizen Arteko Biblia (Biblia en Euskara Traducción Interconfesional)

³⁴ Agindu berri bat ematen dizuet: elkar maita dezazuela. Nik maitatu zaituztedan bezala, maitatu zuek ere elkar.

Navarro-Labourdin Basque

³⁴ Manamendu berribat emaiten drauçuet, batac berceari on daritzoçuen, nic çuey on eritzi drauçuedan beçala, çuec-ere elkarri on daritzoçuençat.

JOAN 13:34 ပူးပေါင်းရင်းမြစ်များ

SALMOAK 119:63

Begirune dizuten guztien lagun naiz, zure legeak betetzen dituztenen lagun.

SALMOAK 16:3

Lurralde honetako jainkoak, «ahalmen» deitu horiek, nituen behinola atsegin.

LEBITICOA 19:18

Ez hartu mendekurik, ez izan erresuminik herritarrekin. Maitatu lagun hurkoa zeuen burua bezala. Neu naiz Jauna.

LEBITICOA 19:34

Bertako bat bezala, zuetako bat bailitzan, hartuko duzue etorkina eta zeuen burua bezala maitatuko, etorkin izan baitzineten zeuek ere Egipton. Neu naiz Jauna, zuen Jainkoa.

MATEO 5:44

Nik, berriz, hau diotsuet: Maitatu etsaiak eta egin otoitz pertsegitzen zaituztetenen alde;

JOAN 15:17

Hauxe agintzen dizuet: maita dezazuela elkar.

JOAN 17:21

Egizu guztiak bat izan daitezela. Aita, zu nirekin eta ni zurekin biok bat garen bezala, hauek ere bat izan daitezela gurekin. Horrela, munduak sinetsiko du zuk bidali nauzula.

ERROMATARREI 12:10

Maita ezazue elkar bihotzez senide on bezala, elkar nork baino nork maiteago izaten saiatuz.

ERROMATARREI 13:10

Lagun hurkoa maite duenak ez dio gaitzik egiten. Maite duenak, beraz, erabat betetzen du legea.

ERROMATARREI 13:8

Ez eduki zorrik inorekin, elkar maitatzekoa baizik, zeren lagun hurkoa maite duenak betea baitu legea.

GALAZIARREI 5:22

Espirituaren fruitua, berriz, hau da: maitasuna, poza, bakea, pazientzia, bihotz ona, onginahia, leialtasuna,

GALAZIARREI 5:6

Izan ere, Jesu Kristorenak garenontzat, erdaindua izateak edo ez izateak ez du ezer balio; balio duena maitasun-egintzetan agertzen den sinesmena da.

GALAZIARREI 6:10

Hitz batean, egokiera dugunean, egin diezaiegun guztiei on, batez ere fedean senide ditugunei.

GALAZIARREI 6:2

Lagundu batak besteari elkarren zamak eramaten, horrela beteko baituzue Kristoren legea.

EFESOARREI 5:2

Bizi zaitezte maitasunean, Kristoren antzera, berak maite izan baikintuen eta bere burua gure alde eman baitzuen, Jainkoak atseginez onartzen duen oparitzat eskainiz.

KOLOSARREI 1:4

jakin baitugu nola sinesten duzuen Kristo Jesusengan eta nola maite dituzuen fededun guztiak;

1 TESALONIKARREI 3:12

Jaunak gero eta handiago egin dezala elkarrenganako eta guztienganako zuen maitasuna, guk zuei dizueguna handia den bezala.

2 TESALONIKARREI 1:3

Senideok, beti eskerrak eman behar dizkiogu Jainkoari zuengatik, zuzen den bezala, zuen sinesmena gero eta handiago eta zuen guztion arteko maitasuna gero eta kartsuago egiten ari direlako.

HEBREARREI 13:1

Eutsi senide arteko maitasunari.

SANTIAGO 2:8

Liburu Santuaren arabera, hauxe da lege nagusia: Maitatulagun hurkoa zeure burua bezala; eta hori benetan betetzen baduzue, ondo baino hobeto.

1 PEDRO 1:22

Orain zuek, egiaren mezuari obedituz, zeuen barruak garbitu dituzue, senide bezala elkar benetan maitatzeko. Maita ezazue, bada, batak bestea bihotzez eta sutsu;

2 PEDRO 1:7

jainkozaletasunarekin senide-batasuna eta senide-batasunarekin maitasuna.

1 JOAN 3:11

Hauxe da hasieratik entzun duzuen mezua: elkar maita dezagula;

1 JOAN 3:23

Hauxe da Jainkoaren agindua: sinets dezagula beraren Seme Jesu Kristogan eta maita dezagula elkar, berak agindu bezala.

1 JOAN 4:21

Hauxe da harengandik hartu dugun agindua: Jainkoa maite duenak maita dezala bere senidea ere.

2 JOAN 1:5

Eta orain, eliz elkarte agurgarri horri, arren eskatzen dizut elkar maita dezagula. Ez dizut agindu berri bat idazten, hasieratik duguna bera baizik.