JEREMIAS 7:29 - Elizen Arteko Biblia (Biblia en Euskara Traducción Interconfesional)

²⁹ Jerusalem, moztu zeure ile-mototsa eta bota! Abestu negar-kanta muinoetan! Jaunak mespretxatua eta baztertua baitu bera suminarazi duen jende hau.

Navarro-Labourdin Basque

²⁹ Murritz eta arthicaçu çure ilea, aita goiti eguiçu deithore; ceren Jaunac hastandu eta utzi baitu begui hasarrez ikusten duen iraulguia;

JEREMIAS 7:29 ပူးပေါင်းရင်းမြစ်များ

2 ERREGEAK 17:20

Horregatik, Jaunak zapuztu egin zuen Israelen jatorri osoa, makurrarazi, lapurren esku utziz, eta, azkenean, bere begien aurretik bota.

JOB 1:20

Orduan, jaiki, bere jantzia urratu eta ilea zeharo moztu zuen Jobek. Gero, lurreraino ahuspeztuz, otoitz egin zuen,

ISAIAS 22:12

Egun hartan, Jainko Jaun ahalguztidunak negar eta dolu egitera egiten zizuen dei, ilea moztu eta dolu-jantziz estalirik.

JEREMIAS 12:7

Jaunak dio: «Utzi egin dut neure herria, baztertu neure ondarea, etsaien eskura eman neure bihotzeko kutuna.

JEREMIAS 14:19

«Jauna, erabat utzi al duzu Juda? Nazkatu egin al zara Sion hiriaz? Zergatik jo gaituzu sendaezineko gaitzaz? Bakearen zain geunden, baina ez dugu onik. Osasunaldia espero genuen, baina beldur-ikara dugu gainean.

JEREMIAS 16:6

Txiki eta handi, denak hilko dira herrialde honetan; ez dute hiletarik, ez hilobirik izango; ez du inork dolua adierazteko gorputza urratuko, ez burua soilduko.

JEREMIAS 3:2

«Jaso begiak muinoetara: zeinetan ez zara maitakeriatan ibilia? Bide-bazterretan egoten zinen, arabiar lapurrak basamortuan bezala, zer harrapatuko zain. Kutsatu egin duzu lurraldea zeure prostituzio eta gaiztakeriaz.

JEREMIAS 3:21

Deiadarrak entzuten dira muinoetan, israeldarrak negarrez eta erreguka: galdua baitute bidea, ahaztua Jauna, beren Jainkoa.

JEREMIAS 47:5

Gazakoak burusoil daude dolutan, Axkelongoak mutu. Lautadan bizirik geldituok, noiz arte urratuko dituzue gorputzak?

JEREMIAS 48:37

Burua soil eta bizarra motz dute guztiek, besoak urratuak eta dolu-jantzia soinean.

JEREMIAS 6:30

“Zilar mespretxagarri” deituko dituzte, mespretxatu egin baititut nik, Jaunak».

JEREMIAS 9:10

Jaunak dio: «Jerusalem harri-pila bihurtuko dut eta txakal-zulo; Judako hiriak hondamendi, bizilagunik gabe gelditzeraino».

JEREMIAS 9:16

Honela dio Jaun ahalguztidunak: «Ea, egin dei emakume erostariei! Aurkitu trebeenak, eta betoz!»

NEGAR KANTAK 5:22

Betiko baztertu ote gaituzu, bada? Zure haserreak ez ote du mugarik?

EZEKIEL 19:1

Israelgo printzeei buruzko eresi hau kantatzeko agindu zidan Jaunak:

EZEKIEL 28:12

«Gizaseme, kanta eresia Tiroko erregeari eta adierazi nire, Jainko Jaun honen, mezua: Bikaintasunaren eredu zinen, jakinduriaz eta edertasun paregabez jantzia;

AMOSEN PROFECIA 5:1

Entzun, Israel herri, zuregatik abesten dudan negar-kanta hau:

MIKEAS 1:16

Jerusalemgo jendea, moztu ilea, soildu burua hain maite dituzun zeure seme-alabengatik; soildu ezazu kaskoa saiarena bezala, erbesteratu egingo baitituzte zuregandik urruti.

MATEO 12:39

Jesusek erantzun zien: «Seinale eske ari da gizaldi gaizto eta desleial hau, baina ez zaio seinalerik emango, Jonas profetarena besterik.

MATEO 16:4

Seinale eske ari da gizaldi gaizto eta desleial hau, baina ez zaio emango seinalerik, Jonas profetarena besterik». Eta, haiek bertan utzirik, alde egin zuen.

MATEO 23:36

Benetan diotsuet: Gizaldi honi emango zaio horren guztiaren zigorra.

MATEO 3:7

Fariseu eta saduzear askori, bataiatzera zetozela ikustean, honela esan zien Joanek: «Sugekumeok! Nork esan dizue gainean duzuen haserre-zigorrari ihes egingo diozuela?

EGINAK 2:40

Beste hitz askoren bidez egiten zien Pedrok testigantza eta arren eskatzen zien: «Salba zaitezte gizaldi honi datorkion hondamenditik».

DUTERONOMA 32:5

Akasgabe sortu zituen seme-alabak gaiztotu egin zaizkio: jende makur eta bide-galdua da.