JEREMIAS 49:19 - Elizen Arteko Biblia (Biblia en Euskara Traducción Interconfesional)

¹⁹ «Nola lehoia Jordango sastraka artetik atera eta ardiz beteriko larre-tokietara oldartzen den, halaxe botako ditut edomdarrak beren lurraldetik bat-batean, eta nahi dudana ezarriko han gobernari. Izan ere, nor ni bezalakorik? Nork egingo niri erronka? Zein erregek emango niri aurpegi?

Navarro-Labourdin Basque

¹⁹ Huna non etsaia içanen den lehoina iduri, Jordane-muthiritic leku eder eta hazcarraren contra; ecen batbatean jauçaracico dut haren gainera; eta cein da guerlari hauta buruz igorrico diodana? Ecic cein da ene iduricoric? eta norc jasanen du ene oldarra? eta cein da ene beguitharteari ihardetsico dioen arçain hura?

JEREMIAS 49:19 ပူးပေါင်းရင်းမြစ်များ

1 KRONIKAK 12:15

Hauek ziren Gaden leinutik etorritako gudalburuak; haietarik txikienak ehunek adina balio zuen, eta handienak milak adina.

2 KRONIKAK 20:6

otoitz hau egin zuen: «Jauna, gure arbasoen Jainkoa, zu zara Jainko bakarra zeruetan. Zeure menpe dituzu lurreko erresuma guztiak, zeure esku ahalmena eta indarra. Ezin dizu inork ere aurre egin.

JOB 41:10

Haren doministikuek su-argia botatzen dute, begiek egunsentiak bezala dir-dir egiten.

JOB 9:19

Indarrera jo? Bera da indartsuena. Zuzenbidera? Nork egin nire alde testigantza?

JOB 9:21

Errugabea al naiz? Neuk ere ez dakit. Nazkatua nago bizitzaz!

SALMOAK 143:2

Ez jo auzitara zeure zerbitzari honekin, ez baita bizidunik zure aurrean errugabe.

SALMOAK 76:7

Zeure mehatxuaz, Jakoben Jainkoa, zurrun utzi dituzu gurdi eta zaldiak.

SALMOAK 76:8

Ikaragarria zara: nork iraun zutik zure aurrean, zure haserrealdian?

SALMOAK 89:6

Zeruetan zure agintzari miragarria goresten dute, Jauna, aingeruen batzarrean zure leialtasuna.

SALMOAK 89:8

Beldurgarri da Jainkoa aingeruen kontseiluan, handi eta ikaragarri inguruko guztientzat.

IRTEERA 15:11

«Nor zu adinakorik, Jauna, jainkoen artean? Nor zu adinakorik, zure santutasunak dirdai egitean? Nor zu adinakorik gauza harrigarri eta izugarriak egiten?

ISAIAS 40:25

Jainko santuak galdetzen dizue: «Norekin konparatuko nauzue, norekin berdinduko?»

ISAIAS 46:9

gogoratu antzinatik gaurdaino gertatuak. Neu naiz Jainkoa, ez da besterik; neu Jainkoa, ez da ni besterik.

JEREMIAS 12:5

Jaunak erantzun zidan: «Oinezkoekin lasterka nekatzen bazara, nola lehiatu nahi duzu zaldizkoekin? Lurralde lauan seguru ez bazabiltza, nola moldatuko zara Jordan inguruko malkarretan?

JEREMIAS 25:9

iparraldeko herriei eta Babiloniako errege Nabukodonosor nire zerbitzariari deituko diet herrialde honen aurka, eta hemengo bizilagunen eta inguruko herrien aurka bidaliko. Erabat suntsituko ditut eta betiko eremu eta hondakin bihurtuko, jendearen iseka-gai.

JEREMIAS 30:21

Herrikoa izango dute buruzagia, beren artetik sortua gobernaria; niregana hurbilduko dut eta ondora etorriko zait. Bestela, nor ausartuko litzateke niregana hurbiltzen?

JEREMIAS 4:7

Irten da lehoia sastraka artetik, abiatu da herrien hondatzailea; atera da bere herritik, zure herrialdea hondatzeko, zure hiriak kiskaltzeko, inor gabe uzteraino.

DANIEL 7:4

Lehenengoak lehoia zirudien, baina arranoaren hegalak zituen; hari begira nengoela, kendu egin zizkioten hegoak eta, lurretik altxaraziz, bi hanken gainean jarrarazi zuten, gizakia bezala, eta giza adimena eman zioten.

NAHUM 1:6

Nork iraun zutik haren suminaren aurrean? Nork egin aurre haren haserre biziari? Sua bezala isurtzen da haren sumina, eta harkaitzak zartatu egiten haren aurrean.

ZAKARIAS 11:3

Intzirika ari dira herrien artzainak, ezereztua baitute beren ospea; orroka ari dira lehoiak, hondatua baita Jordan inguruko edertasuna.

NOMBREAC 16:5

eta Kore eta beronen taldekoei esan zien: «Bihar goizean aditzera emango du Jaunak nor duen berea, nor duen sagaratua eta nori dagokion opariak eskaintzea. Jaunak aukeratua hurbilduko zaio.

JOSUE 3:15

Uztaroa zen, eta urte-sasoi horretan Jordan ibaia gainezka etorri ohi da. Kutxa zeramaten apaizak Jordanera heldu eta haien oinek ur-ertza ukitu bezain laster,

APOKALIPSIA 6:17

Iritsi baita haren haserrearen egun handia, eta nor egon zutik?»