JEREMIAS 32:19 - Elizen Arteko Biblia (Biblia en Euskara Traducción Interconfesional)

¹⁹ Egitasmo handiak dituzu eta huts egin gabe burutzen. Gizakien jokabide guztiak begi-bistan dituzu, nori bere jokaeraren ordaina, bere egiteen merezia, emateko.

Navarro-Labourdin Basque

¹⁹ Handi çare çure conseiluan, ecin-ardietsizcoa çure gogoetan; çure beguiac idequiac daude Adamen semeen urhats gucien gainean, batbederari bihurceco bere bideen arabera eta bere asmuen fruituen arabera.

JEREMIAS 32:19 ပူးပေါင်းရင်းမြစ်များ

1 ERREGEAK 8:32

entzun zuk zerutik eta erabaki bien arteko auzia: gaitzetsi erruduna, bere jokabide okerra egotziz, eta agertu zein den zuzena, bere jokabide zuzenaren arabera hartuz.

2 KRONIKAK 16:9

Izan ere, Jaunak lur osoa arakatzen du bere begiz, zintzo direnak adoretzeko. Oraingo honetan, ordea, burugabe jokatu duzu; horregatik, aurrerantzean gerrak izango dira zure aurka».

JOB 34:11

Egintzen arabera ordaintzen dio Jainkoak gizakiari, nori bere jokabidearen arabera ematen.

JOB 34:21

Bai, gizakiaren jokabidea zaintzen du Jainkoak, haren urrats guztiak ikusten;

SALMOAK 111:2

Handiak dira Jaunak eginak, gogoko dituzten guztientzat aztergai.

SALMOAK 34:15

Alde gaitzetik, egin on dena, bila bakea eta jarrai haren bidetik.

SALMOAK 62:12

Jainkoak esan du —behin eta berriro entzun diot— berari dagokiola ahalmena.

SALMOAK 92:6

Bai handiak, Jauna, zuk eginak! Zein sakonak zure egitasmoak!

IRTEERA 15:11

«Nor zu adinakorik, Jauna, jainkoen artean? Nor zu adinakorik, zure santutasunak dirdai egitean? Nor zu adinakorik gauza harrigarri eta izugarriak egiten?

ERRAN-ÇAHARRAC 5:21

Izan ere, Jaunaren begi-bistan dago bakoitzaren jokabidea, eta ibilbide guztiak ikusten ditu berak.

ERRAN-ÇAHARRAC 8:14

Neuk sortzen ditut egitasmoak eta arrakastaz burutzen, neureak ditut adimena eta indarra.

KOHELET 12:14

Jainkoak epaituko ditu gure egintza guztiak, onak zein txarrak, orobat ezkutukoak.

ISAIAS 28:29

Hori guztia Jaun ahalguztidunak xedatua da: haren egitasmoak harrigarriak dira eta arrakasta handikoak.

ISAIAS 40:13

Nork neurtu du Jaunaren espiritua? Nor izan da haren aholkulari?

ISAIAS 59:18

Bakoitzari merezi duena emango dio ordainetan, baita urrutiko herrietakoei ere; mendekua eta haserre-zigorra emango die etsaiei.

ISAIAS 9:6

Gero eta zabalagoa izango da haren agintaritza, azkengabea bakea. Daviden tronuan izango da errege, eta justizia eta zuzenbidea izango dira haren erregetzaren oinarri eta sostengu, oraindanik eta betiko. Jaun ahalguztidunaren maitemin sutsuak egingo du hori.

JEREMIAS 16:17

Izan ere, begi-bistan dut haien jokabidea; niretzat ez dute isil-gorderik haien erruek.

JEREMIAS 17:10

Neuk, Jaunak, ikertzen eta aztertzen ditut gizakiaren buru-bihotzak, nori bere jokaeraren ordaina, bere egiteen merezia emateko.

JEREMIAS 21:14

Neuk emango dizuet zeuen egiteek merezitako zigorra; su emango diot jauregiari basoari bezala, eta suak inguru guztiak kiskaliko ditu. Nik, Jaunak, esana».

JEREMIAS 23:24

Norbait ezkuturik ezkutuenean gordeta ere, ez ote dut nik ikusiko? Ez al dakizue, bada, zeru-lurrak betetzen ditudala? Hala diot nik, Jaunak.

JEREMIAS 25:14

Beren aldian, babiloniarrak ere nazio askoren eta errege indartsuren menpe eroriko dira. Horrela emango diet beren egintzengatik merezi duten ordaina».

DANIEL 2:45

Horixe esan nahi du, inork ere bultzatu gabe, menditik atera eta buztina, burdina, brontzea, zilarra eta urrea txikitzen ikusi duzun harriak. Horrela, errege, gerora gertatuko dena jakinarazi dizu Jainko handiak. Egia da ametsa, eta sinesgarria eman dizudan azalpena».

ZAKARIAS 9:1

Jaunaren hitza Hadrak lurraldera dator, eta Damaskon gelditzen da; Jaunarena baita Siriako hiriburua, Israelgo leinuak bezala;

MATEO 16:27

Izan ere, Gizonaren Semea bere Aitaren aintzaz beterik etorriko da aingeruekin; eta, orduan, bakoitzari bere jokabidearen arabera ordainduko dio.

JOAN 5:29

eta hilobietatik aterako direna: on egin zutenak betiko bizirako piztuko dira; gaitz egin zutenak, aldiz, kondenatuak izateko.

2 KORINTOARREI 5:10

guztiok Kristoren auzitegian agertu behar baitugu, nork bere ordaina jasotzeko, saria nahiz zigorra, gorputzean bizi garelarik egindakoaren arabera.

EFESOARREI 1:11

Honen bitartez gara oinordeko gu ere, lehendik Mesiasengan itxaropen genuenok, gauza guztiak berak nahi bezala egiten dituen Jainkoak aurrez aukeratu baikaitu bere asmoaren arabera, bere aintzaren gorespen-kantu izan gaitezen.

HEBREARREI 4:13

Ez da harentzat munduan ezer gorderik; dena dago agerian eta zabalik, kontuak eman beharko dizkiogun harentzat.

APOKALIPSIA 2:23

Haren jarraitzaileak heriotzaz joko ditut, eta jakingo dute eliz elkarte guztiek ni naizela buru-bihotzak ikertzen dituena, eta zuetako bakoitzari bere egintzen arabera emango diona.

APOKALIPSIA 22:12

«Hara, laster nator eta neurekin dakart saria, bakoitzari bere egintzen arabera ordaintzeko.