JEREMIAS 22:24 - Elizen Arteko Biblia (Biblia en Euskara Traducción Interconfesional)

²⁴ Honela diotso Jaunak Joiakimen seme Jekoniasi: «Zin dagit neure biziarengatik: Neure eskuineko eskuko eraztuna, neure zigilu pertsonala izango bazina ere, erauzi egingo zintuzket neure behatzetik,

Navarro-Labourdin Basque

²⁴ Cin eguiten dut, dio Jaunac. Jeconias, Judaco erregue Joaquinen semea, balitz ere erreztun bat ene escu escuinean, kenduco dudala handic.

JEREMIAS 22:24 ပူးပေါင်းရင်းမြစ်များ

2 ERREGEAK 24:12

Orduan, Judako errege Joiakin Babiloniako erregeari menderatu egin zitzaion, bere ama, ofizial, buruzagi eta funtzionarioekin batera, eta Babiloniako erregeak preso hartu zuen. Nabukodonosorren erregealdiko zortzigarren urtea zen.

2 ERREGEAK 24:15

Joiakin erregea ere erbesteratu zuen Jerusalemdik Babiloniara, beraren ama, emazte, funtzionario eta Judako aitoren semeekin batera.

1 KRONIKAK 3:16

Joiakimen semea Jekonias, eta honena Sedekias.

2 KRONIKAK 36:9

Zortzi urte zituen Joiakinek errege izaten hastean, eta hiru hilabete eta hamar egunez izan zen errege Jerusalemen. Jaunari atsegin ez zaiona egin zuen.

KANTARIK EDERRENA 8:6

Ezar nazazu bihotzean zigilu bezala, besoan zigilu bezala. Herioa bezain gogorra maitasuna, Hildakoen Egoitza bezain iraunkorra maite-grina. Su eta gar da maitasuna, Jaunarengandiko sugar.

ISAIAS 49:16

Neure esku barruan zauzkat grabatua, zure harresiak begi aurrean ditut.

JEREMIAS 13:18

Jaunak esan zidan: «Esan erregeari eta erregina amari: Eser zaitezte lurrean, erori baita zuen burutik errege-koroa preziatua.

JEREMIAS 22:28

Ezertarako on ez den tresna mespretxagarria ote da, bada, Jekonias hori? Zergatik dira jaurtiak bera eta bere ondorengoak lurralde ezezagun batera?

JEREMIAS 22:6

Izan ere, honela dio Jaunak Judako erregearen jauregiaz: «Galaad lurraldea eta Libanoko tontorra bezain eder bazara ere niretzat, basamortu, bizilagunik gabeko hiriaren antzeko, bihurtuko zaitut dudarik gabe.

JEREMIAS 24:1

Jaunak bi saskikada-piku erakutsi zizkidan, tenplu aurrean ezarriak. Ordurako, Babiloniako errege Nabukodonosorrek Babiloniara eramanak zituen Joiakimen seme Jekonias Judako erregea, Judako buruzagiak, artisauak eta errementariak.

JEREMIAS 28:4

Eta Jekonias, Judako errege Joiakimen semea, eta Judatik Babiloniara erbesteraturik joandako guztiak ere itzularazi egingo ditut, zeren apurtu egingo baitut Babiloniako erregearen uztarria. Nik, Jaunak, esana».

JEREMIAS 29:2

Ordurako, Jekonias erregea, ama erregina, jauregiko funtzionarioak, Judako eta Jerusalemgo buruzagiak, artisauak eta errementariak Jerusalemdik erbestera joanak ziren.

JEREMIAS 37:1

Babiloniako errege Nabukodonosorrek Josiasen seme Sedekias Judako errege ezarri zuen, Joiakimen seme Jekoniasen ordez.

AGEO 2:23

Egun hartan —hala diot nik, Jaun ahalguztidunak— neurekin hartuko zaitut, Xealtielen seme Zorobabel ene zerbitzari hori, eta neure zigilu egingo zaitut, neuk aukeratu baitzaitut. Hala diot nik, Jaun ahalguztidunak».