JENESA 42:36 - Elizen Arteko Biblia (Biblia en Euskara Traducción Interconfesional)

³⁶ Orduan, Jakobek esan zien: —Semerik gabe utzi behar nauzue: Jose falta dut, Simeon ere bai eta, orain, Benjamin kendu nahi didazue. Zoritxarra zoritxarraren gain niretzat!

Navarro-Labourdin Basque

³⁶ Aita Jacobec erran cioten: Haurric gabe eçarri nauçue, Josep hila da, Simeon preso iduquia, eta Benjamin eramaten darotaçue: gaitz horiec oro erori dira ene gainera.

JENESA 42:36 ပူးပေါင်းရင်းမြစ်များ

JENESA 42:37

Rubenek esan zion aitari: —Utzi Benjamin nire kontu, eta neuk itzuliko dizut. Itzuliko ez banizu, hil nire bi semeak!

JENESA 43:14

Jainko ahaltsua lagun, aurki dezazuela gupida gizon haren aurrean, eta Benjaminekin eta beste anaiarekin, Simeonekin, itzuli etxera. Niri dagokidanez, semerik gabe gelditu behar badut, geldi nadila.

JENESA 44:12

Gizonak anaia guztien zakuak ikertu zituen. Benjaminen zakuan aurkitu zuten edalontzia.

JENESA 45:28

eta esan zuen: «Bizi da nire seme Jose! Ez dut besteren beharrik! Noan ikustera, hil baino lehen!»

JENESA 47:12

Gainera, aitaren, senideen eta familia guztiaren mantenuaz arduratu zen.

JOB 7:7

«Gogoan izan, ene Jainko, bizitza arnasaldi bat dela, ene begiek ez dutela berriro zoriona ikusiko.

SALMOAK 34:19

Hurbil dago Jauna bihotz-hautsiengandik eta salbatzen ditu etsita daudenak.

KOHELET 7:8

Hobe arazoa bukatu, hasi baino; hobe eroapena, harrokeria baino.

ISAIAS 27:9

Horrela, ezabatua izango da Jakoben herriaren errua, baldin eta beren bekatua baztertzen badute, idolo-aldare guztiak, kareharria bezala, hauts egiten badituzte eta Axera jainkosaren eta eguzkiaren ohorezko harri sakraturik gehiago gelditzen ez bada.

ISAIAS 38:10

«Hau pentsatu nuen: Bizitzako sasoirik onenean joan behar; Hildakoen Egoitzara naramate, gainerako bizi-urteak kentzen dizkidate.

ISAIAS 41:10

Ez izan beldur, zeurekin bainauzu; ez larritu, zure Jainkoa bainaiz. Neure laguntzaz ahaltsu egiten zaitut, neure esku garaileaz eusten dizut.

JEREMIAS 31:15

Honela dio Jaunak: «Entzun! Aieneak eta negar samina Raman! Rakel ari da bere haurrengatik negarrez: ez du kontsolatu nahi, ez baitira bizi».

MATEO 14:31

Jesusek eskua eman eta heldu egin zion, esanez: —Sinesmen gutxiko hori! Zergatik izan duzu zalantza?

ERROMATARREI 8:28

Badakigu Jainkoak bera maite dutenen onerako bideratzen dituela gauza guztiak, bere aurre-erabakiz deitu dituenen onerako, alegia.

ERROMATARREI 8:31

Horiek horrela, zer esango dugu? Jainkoa gure alde baldin badugu, nor gure aurka?

1 KORINTOARREI 10:13

Ez zaizue gainera etorri giza indarrez gainditu ezin ahalako tentaldirik; leiala da Jainkoa, eta ez du utziko zeuen indarrez gaindiko tentaldirik izan dezazuen. Aitzitik, tentaldiarekin batera indarra ere emango dizue, tentaldia garaitu ahal izateko.

2 KORINTOARREI 4:17

Izan ere, oraingo gure nekeek, une batekoak eta arinak izanik, betikoak den aintza paregabea prestatzen digute.

1 SAMUEL 27:1

Davidek honela zioen bere baitan: «Halakoren batean, Saulen eskuak galdu behar nau! Filistearren lurraldera ihes egin eta neure burua salbatzea izanen dut hoberena. Horrela, etsiko du Saulek eta ez da nire bila ibiliko Israel lurraldean, eta ni libre izango naiz haren eskuetatik».