JENESA 26:31 - Elizen Arteko Biblia (Biblia en Euskara Traducción Interconfesional)

³¹ Biharamunean, goizean goiz jaiki eta zin egin zioten elkarri. Gero, Isaakek agurtu egin zituen, eta adiskide gisa alde egin zuten haiek.

Navarro-Labourdin Basque

³¹ Goicean jaiquiric, cin eguin çuten elkarri, eta Isaaquec baquezqui igorri cituen beren toquira.

JENESA 26:31 ပူးပေါင်းရင်းမြစ်များ

JENESA 14:22

Abramek ihardetsi zion: —Jaunarengatik, zeru-lurren egile den Goi-goiko Jainkoarengatik, dagit zin

JENESA 19:2

esan zien: —Arren, ene jaunok, zatozte nire etxera, oinak garbitu eta gaua igaro dezazuen. Bihar, goizean goiz, zeuen bidaiari jarraituko diozue. Haiek erantzun zioten: —Ez! Nahiago dugu gaua plazan igaro.

JENESA 21:14

Abrahamek, goizean goiz jaiki, ogia eta zahato bat ur hartu eta Agarri ezarri zizkion bizkarrean. Hala, haurrarekin batera igorri egin zuen etxetik. Abiatu zen, bada, Agar, eta Beer-Xeba eremuan noragabe ibili zen.

JENESA 21:23

Jainkoarengatik, beraz, egizu zin, ez duzula maltzurki jokatuko nirekin, ez neure seme-alabekin, ez hauen ondorengoekin. Ni leial izan nauzunez, emadazu hitza zeu ere hala izango zarela nirekin eta orain atzerritar gisa bizi zareneko herri honekin.

JENESA 21:27

Orduan, Abrahamek ardiak eta behiak eman zizkion Abimeleki. Honela burutu zuten bien arteko hitzarmena.

JENESA 22:3

Biharamunean, goizean goiz jaiki zen Abraham, txalmatu zuen astoa eta, oparitarako egurra txikiturik, Jainkoak esandako lekura joan zen, bere seme Isaak eta bi morroirekin.

JENESA 25:33

Eta Jakobek: —Zin egidak. Zin egin zion Esauk, lehen-semetzaren eskubidea salduz.

JENESA 26:32

Egun hartan, bere morroiak etorri zitzaizkion Isaaki zulatu berria zuten putzuan ura aurkitu zutela esatera.

JENESA 31:44

Ea, egin dezagun hitzarmena biok; bera izango da lekuko bion artean.

HEBREARREI 6:16

Gizon-emakumeek berak baino handiago den norbaitengatik egiten dute zin, eta zin eginez erabakitzen dute edozein eztabaida.

1 SAMUEL 14:24

Larri zeuden egun hartan israeldarrak, Saulek honelako zin-hitzez mehatxatu baitzuen jendea: «Madarikatua ilunabarra baino lehen, neure etsaiez mendeka nadin arte, zerbait jan dezana!» Hala, inork ez zuen deus ere jan.

1 SAMUEL 20:3

Davidek zin ere egin zuen, esanez: —Ongi daki zuen aitak begiko nauzula. Hau esango zuen bere baitan: «Ez dezala jakin honetaz deus ere Jonatanek, atsekabe ez dadin». Hara, Jauna bizi dela eta zu bizi zarela bezain egia da, heriotzaren eta nire artean pauso bat baizik ez dagoela.

1 SAMUEL 30:15

Davidek galdetu zion: —Gida al nazakezu lapur-talde horrengana? Mutilak erantzun: —Egidazu zin Jainkoarengatik ez nauzula hilko, ezta ene jabearen esku utziko ere, eta gidatuko zaitut lapur-talde horrengana.