JENESA 15:1 - Elizen Arteko Biblia (Biblia en Euskara Traducción Interconfesional)

¹ Gertakizun hauen ondoren, Jauna ikuskari batean mintzatu zitzaion Abrami, esanez: —Ez izan beldur, Abram! Zure babesle nauzu, eta sari bikaina emango dizut.

Navarro-Labourdin Basque

¹ Horiec hola guerthatu ondoan, Jauna ikuspen batean minçatu citzaioen Abrami, erraten cioelaric: Ez içan beldurric, Abram, ni içanen naiz çure gueriçatzailea eta çure sari guciz handia.

JENESA 15:1 ပူးပေါင်းရင်းမြစ်များ

JENESA 15:2

Abramek, ordea, erantzun zion: —Jauna, ene Jainkoa, zer eman diezadakezu, baldin semerik gabe banoa mundutik, eta nire etxaldearen oinordeko Eliezer damaskoarra izango bada?

JENESA 15:4

Jaunak esan zion: —Ez horixe! Morroia ez, baizik eta zeuregandik jaioko dena izango duzu oinordeko.

JENESA 21:17

Aditu zuen Jainkoak mutikoaren ahotsa, eta Jainkoaren aingeruak dei egin zion zerutik Agarri, esanez: «Zer duzu, Agar? Ez izan beldur, aditu baitu Jainkoak hor duzun mutikoaren ahotsa.

JENESA 22:1

Handik aldi batera, Jainkoak probatu egin nahi izan zuen Abraham eta dei egin zion: —Abraham! Honek erantzun: —Hemen nauzu!

JENESA 22:20

Aldi baten ondoren, jakinarazi zioten Abrahami bere anaia Nahorri zortzi seme sortu zizkiola Milkak:

JENESA 26:24

Gau hartan Jauna agertu zitzaion, esanez: «Ni naiz zure aita Abrahamen Jainkoa. Ez izan beldur, zeurekin bainauzu. Bedeinkatuko zaitut, ondorengo ugari emango dizut neure zerbitzari Abrahamengatik».

JENESA 31:7

Baina berak engainatu egin nau eta hamar bider, gutxienez, aldatu du nire lansaria; Jainkoak, ordea, ez dio utzi niri kalterik egiten.

2 SAMUEL 22:3

ene Jainkoa nire harkaitz babesgarri, nire babeski eta indar salbatzailea, nire gotorlekua, nire ihesleku eta salbatzailea. Zuk nauzu indarkeria-zaleengandik salbatzen.

2 ERREGEAK 1:15

Jaunaren aingeruak esan zion Eliasi: —Jaits zaitez horrekin. Ez izan horren beldur. Horrela, bada, Elias buruzagi harekin jaitsi zen erregeagana.

1 KRONIKAK 28:20

Gero, esan zion Davidek bere seme Salomoni: «Izan kemen eta adore! Ekin lanari beldurrik gabe. Ez kikildu, Jauna, ene Jainkoa, zeurekin izango duzu eta. Ez zaitu bakarrik utziko, tenplua eraikitzeko lan guztiak bukatu arte.

SALMOAK 115:10

Aarondar apaizok, izan konfiantza Jaunarengan: bera duzue laguntzaile eta babesle!

SALMOAK 119:114

Zu zaitut ene gordeleku eta babes, zure hitza ene itxaropen.

SALMOAK 142:5

Begira inguruan eta ikus: ez nau inork aintzat hartzen, ez dut ihesbiderik, ez da inor nitaz ardura.

SALMOAK 18:2

Maite zaitut, Jauna, nire indar!

SALMOAK 27:1

Davidena. Jauna dut argi eta salbamen: nork ni beldurtu? Jaunak dit bizia babesten: nork ni ikaratu?

SALMOAK 3:3

Zein ugari nitaz esaka ari direnak: «Jainkoak ere ez du salbatzen!»

SALMOAK 3:4

Baina zu zara, Jauna, nire babeski, zu nire ohore. Zuk didazu burua jasotzen.

SALMOAK 5:12

Horrela, zuregan babesten direnak alaitu egingo dira, eta etengabe pozez oihuka ariko. Zuk zainduko dituzu maite zaituzten guztiak, salto egingo dute pozez.

SALMOAK 58:11

Mendekua ikustean, zintzoak poz hartuko du, gaizkileen odola oinetatik garbituko.

SALMOAK 84:11

Hobe da egun bat zure atarietan mila egun beste edonon baino; nahiago dut zure tenpluko ate ondoan egon gaiztoen etxapean bizi baino.

SALMOAK 84:9

Jauna, Jainko ahalguztiduna, entzun nire otoitza, makur belarria, Jakoben Jainkoa!

SALMOAK 91:4

Bere hegalpean emango dizu gerizpe, haren lumapea izango duzu babesleku, haren besoa babeski eta koraza.

IRTEERA 14:13

Baina Moisesek erantzun zien: —Ez izan beldur! Eutsi eta ikusiko duzue nola salbatzen gaituen gaur Jaunak: zeren orain ikusten dituzuen egiptoarrak ez dituzue gaurgero ikusiko.

ERRAN-ÇAHARRAC 11:18

Gaiztoak irabazi hutsalak izaten ditu, zuzentasuna ereiten duenak sari segurua.

ERRAN-ÇAHARRAC 30:5

Ongi egiaztatuak dira Jainkoaren promesak; berarengana jotzen dutenak babesten ditu.

ISAIAS 35:4

Esan bihotz-eroriei: «Eutsi gogor, ez beldurtu! Horra zuen Jainkoa! Berbera dator zuek salbatzera eta merezia duten zigorra etsaiei ematera».

ISAIAS 40:10

Hara, ahalmen osoz dator Jainko Jauna, bere nagusigoa indartsu ezarriz. Hara, berekin dakar garaipen-agiria, berak askaturiko herria.

ISAIAS 41:10

Ez izan beldur, zeurekin bainauzu; ez larritu, zure Jainkoa bainaiz. Neure laguntzaz ahaltsu egiten zaitut, neure esku garaileaz eusten dizut.

ISAIAS 41:14

Hau dio Jaunak: «Ez izan beldur, Israel, Jakoben herri, hartxo bat bezain ezerez eta ahul zaren hori! Neuk laguntzen dizut; ni, Israelen Jainko santua, nauzu askatzaile.

ISAIAS 43:1

Baina orain, Israel, Jakoben herri, honela mintzo zaizu Jauna, sortu eta eratu zaituena: «Ez izan beldur, askatu egin baitzaitut eta zeure izenez deitu: nirea zara zu.

ISAIAS 43:5

Ez izan beldur, zurekin bainago. Ekialdetik eta mendebaldetik bildu eta ekarriko ditut zure herritarrak.

ISAIAS 44:2

Neu naiz Jauna, zure egilea, amaren sabelean eratu zintuena, zure laguntzailea. Ez izan beldur, Jakoben herri, ene zerbitzari, Jexurun, ene aukeratu hori,

ISAIAS 44:8

Ez ikaratu, ez beldurtu! Ez ote nizuen aspalditik iragarri eta adierazi? Zeuek zaituztet lekuko: Ba ote da ni beste jainkorik? Ez dut ezagutzen beste harkaitzik, euskarri izan dezakezuenik».

ISAIAS 51:12

Jaunak dio: «Neuk kontsolatuko zaitut, neuk: zer dela-eta diozu beldur gizaki hilkorrari, belarra bezain igarokor den gizakiari?

JEREMIAS 39:17

Egun hartan, onik aterako zaitut, ez zaitut erortzen utziko halako beldurra ematen dizuten horien eskuetan. Hala diot nik, Jaunak.

NEGAR KANTAK 3:24

Neure artean diot: Jauna da nire on guztia! Harengan dut, beraz, itxaropen.

EZEKIEL 1:1

Ni, Ezekiel apaiza, Buziren semea, erbesteratuen artean bizi nintzen Kebar ibaiaren ondoan. Hogeita hamargarren urtean —Joiakin erregearen erbestealdiko bosgarren urtea zen—, laugarren hilaren bostean zerua zabaldu eta Jainkoarengandiko ikuskaria izan nuen. Han, babiloniarren herrialdean, Kebar ibaiaren ondoan, Jaunak hitz egin zidan eta beraren indarra jabetu zen nitaz.

EZEKIEL 11:24

Espirituak gora jaso eta Babiloniara eraman ninduen, erbesteratuengana; hau ikuskaria izan zen, Jainkoaren espirituaren eraginpean izana; gero, desagertu egin zen ikuskaria.

EZEKIEL 3:4

Esan zidan: «Gizaseme, zoaz Israel herriarengana eta adierazi nire hitzak.

NOMBREAC 12:6

Jaunak esan zien: «Entzun esan behar dizuedana: «Zuen artean profetarik baldin bada, ikuskaritan ematen natzaio ezagutzera eta ametsetan mintzatzen.

NOMBREAC 18:20

Jaunak esan zion Aaroni: «Ez duzu lursailik izango zeure ondaretzat israeldarrei emango diedan lurraldean. Neu izango nauzu ondare eta mantenu beste israeldarren artean.

NOMBREAC 24:4

hona hemen estasian, begiak zabal-zabal, Jainkoaren hitza entzun eta Ahaltsuaren agerpenak dituenaren mezua.

MATEO 28:5

Baina aingerua emakumeei mintzatu zitzaien, esanez: «Zuek ez beldurtu. Badakit Jesus gurutziltzatuaren bila zabiltzatela.

MATEO 8:26

Hark esan zien: —Zergatik zarete hain beldur, sinesmen gutxikook? Eta, zutiturik, haserre egin zien haizeari eta aintzirari, eta dena bare-bare gelditu zen.

LUKAS 1:13

Baina aingeruak esan zion: —Ez beldurtu, Zakarias, entzun du Jainkoak zure eskaria. Zeure emazte Elisabetek semea emango dizu eta Joan ipiniko diozu izena.

LUKAS 1:30

Aingeruak esan zion: —Ez beldurtu, Maria! Jainkoak gogoko zaitu.

LUKAS 12:32

Ez izan beldur, ene artaldetxo hori, atsegin izan baitu zuen Aitak zuen alde errege izatea.

EGINAK 10:22

Haiek erantzun zioten: —Kornelio ehuntariaren partetik gatoz. Gizon zuzena da eta Israelen Jainkoa gurtzen duena, eta judu guztien artean izen onekoa. Jaunaren aingeruak agindu dio, zu bere etxera eramateko eta zure hitzak entzuteko.

1 KORINTOARREI 3:22

Paulo, Apolo, Pedro, mundua, bizitza, heriotza, oraingoa eta gerokoa; dena zuena da.

DUTERONOMA 18:2

Lebitarrek, beraz, ez dute beste israeldarrek bezala ondare-zatirik izango, Jauna baitute ondare, berak hitzeman bezala.

DUTERONOMA 31:6

Izan bihotz eta adore! Ez izan beldur eta ez ikaratu haien aurrean, Jauna bera, zuen Jainkoa, baitoa zuekin; ez zaituzte inola ere utziko».

HEBREARREI 1:1

Askotan eta era askotara hitz egin zien antzina Jainkoak gure arbasoei profeten bidez;

APOKALIPSIA 1:17

Hura ikustean, hila bezala erori nintzaion oinetan. Berak eskuineko eskua gainean jarri zidan, esanez: «Ez izan beldur! Neu naiz lehena eta azkena,

ERRUTH 2:12

Jaunak ordain diezazula egin duzun guztia eta eman diezazula saria luzaroan Israelgo Jainko Jaunak, honen babesera etorri baitzara.

1 SAMUEL 15:10

Orduan, Jauna honela mintzatu zitzaion Samueli:

1 SAMUEL 9:9

(Antzina, Israelen, Jainkoari kontsulta egitera zihoanak honela esan ohi zuen: «Goazen ikusleagana». Izan ere, orain profeta deritzanari, lehen ikusle zeritzan).