ISAIAS 66:1 - Elizen Arteko Biblia (Biblia en Euskara Traducción Interconfesional)

¹ Hau dio Jaunak: «Neure tronu dut zerua, neure oin-aulki lurra. Zer etxe egingo didazue, bada, edo zein toki nire atsedenerako?

Navarro-Labourdin Basque

¹ Hau dio Jaunac: Cerua dut jarleku, lurra berriz oin-alki: nolacoa da niri alchatuco darotadaçuen etchea? cer toqui da ene phausa-lekua?

ISAIAS 66:1 ပူးပေါင်းရင်းမြစ်များ

1 ERREGEAK 8:27

«Baina egia ote, Jainkoa lurrean biziko dela? Zeru eta ortziaren zabalak ezin zaitu eduki, eta nik eraiki dizudan tenplu honek eduki ote zaitzake, bada?

1 KRONIKAK 28:2

David erregeak, zutiturik, esan zuen: «Entzun, ene senideok, ene herritarrok! Tenplua eraikitzeko asmoa nuen, Jaunaren itun-kutxarentzat, hau da, Jainkoaren oin-aulkiarentzat egoitza izan zedin. Dena prest nuen eraikuntzarako.

2 KRONIKAK 2:5

Egia esan, ba ote da Jainkoarentzat adinako tenplua eraiki dezakeenik, zeruek beraiek, hain handiak izanik ere, eduki ezin dutelarik? Nor naiz, baina, ni Jainkoari tenplua eraikitzeko, beraren aurrean intsentsua erretzeko bakarrik bada ere?

2 KRONIKAK 6:18

«Baina egia ote, Jainkoa lurrean biziko dela gizon-emakumeekin? Zeru eta ortziaren zabalak ezin zaitu eduki, eta nik eraiki dizudan tenplu honek eduki ote zaitzake, bada?

SALMOAK 11:4

Jauna bere tenplu santuan dago, zeruan du tronua: begira-begira dago munduari, gizakiak ditu aztertzen.

SALMOAK 132:7

Eta esan: «Goazen Jaunaren egoitzara, ahuspez gaitezen haren oin-aulki aurrean!

SALMOAK 99:9

Goratu Jauna, gure Jainkoa, ahuspeztu haren mendi santuaren aurrean! Santua da Jauna, gure Jainkoa!

ISAIAS 57:15

Bai, hau dio garai eta goren den Jainkoak, betiko erregeak, santu deritzanak: «Toki garai eta sakratuan bizi naiz, baina hurbil nago atsekabeturik eta lur jota daudenengandik, lur joak arnasberritzeko eta atsekabetuei adorea bizkortzeko.

ISAIAS 60:13

«Zuregana ekarriko dituzte Libanoko zedro ospetsuak, zipres, zumar eta izeiekin batera, nire santutegia apaintzeko; ospez beteko dut bizi naizen tenplua.

JEREMIAS 23:24

Norbait ezkuturik ezkutuenean gordeta ere, ez ote dut nik ikusiko? Ez al dakizue, bada, zeru-lurrak betetzen ditudala? Hala diot nik, Jaunak.

MALAKIAS 1:11

Ekialdetik mendebaldera, herri guztiek aitortzen dute nire izen handia, eta nonahi erretzen didate intsentsua eta behar bezalako oparia eskaintzen. Herri guztiek aitortzen dute nire izen handia —dio Jaun ahalguztidunak—.

MATEO 12:6

Ba, nik diotsuet: Bada hemen tenplua baino gehiago den bat.

MATEO 24:2

Baina Jesusek esan zien: «Ikusten duzue hori guztia, ezta? Ba, benetan diotsuet: Ez da hemen harririk harri gainean geldituko: dena suntsituko dute».

EGINAK 17:24

Mundua eta munduko guztia egin duen Jainkoa zeru-lurren Jauna da eta ez da giza eskuz egindako tenpluetan bizi;