ISAIAS 62:2 - Elizen Arteko Biblia (Biblia en Euskara Traducción Interconfesional)

² Eta ikusiko dute nazioek zure salbamena, errege guztiek zure ospea. Izen berria emango dizute, Jaunak berak ezarria.

Navarro-Labourdin Basque

² Jendaiec ikusiren dute çure prestua, eta erregue guciec çure salbatzaile ospetsua, eta deithuren çaituzte Jaunaren ahoac emanicaco icen berri batez.

ISAIAS 62:2 ပူးပေါင်းရင်းမြစ်များ

JENESA 17:15

Jainkoak esan zion Abrahami: «Aurrerantzean ez diozu zeure emazteari Sarai esango, baizik eta Sara izango du izen.

JENESA 17:5

Aurrerantzean, ez duzu Abram izango izen, Abraham baizik, herri askoren sorburu egingo baitzaitut.

JENESA 32:28

Hark galdetu zion: —Zein da zure izena? —Jakob —erantzun zion.

SALMOAK 98:2

Bere garaipena azaldu du Jaunak, bere salbamen-ekintza agertu nazioen aurrean.

ISAIAS 1:26

Lehen bezalako epaileak, antzina bezalako kontseilariak emango dizkizut berriro. Eta orduan “Hiri zuzen”, “Hiri leial” deituko dizute.

ISAIAS 26:2

Ireki ateak, eta sar bedi herri zintzoa, Jaunarekiko leial irauten duen herria.

ISAIAS 43:7

nire izena daramaten guztiak, neuk sortu eta eratu nituenak, neure aintzarako egin nituenak.

ISAIAS 49:23

Erregeak izango dituzu haurtzain, printzesak inude. Lurreraino ahuspeztuko dira zure aurrean eta oinetako hautsa miazkatuko dizute. Horrela jakingo duzu ni naizela Jauna; niregan itxaro dutenei ez die inoiz usteak huts egingo.

ISAIAS 49:6

«Ez da aski zu nire zerbitzari izatea Jakoben leinuak susperrarazi eta berritzeko eta Israelen bizirik geldituak itzularazteko; nazioen argitzat ezarriko zaitut, nire salbamena lurraren bazterreraino eraman dezazun».

ISAIAS 52:10

Bere jainkozko indar paregabea azaldu du Jaunak nazio guztien aurrean. Mundu-bazter guztiek ikusiko dute gure Jainkoaren garaipena.

ISAIAS 56:5

beren izenaren oroitarria egingo diet neure tenpluan eta hiriko hormetan: seme-alabak edukitzea baino hobe izango dute hori, sekula ezabatuko ez den izena emango baitiet.

ISAIAS 60:11

Zure ateak zabalik egongo dira beti, gau eta egun itxi gabe, nazioen erregeak beren ondasunekin erreskadan zuregana sarrarazteko.

ISAIAS 60:16

Amak haurtxoa bularrean bezala janarituko zaituzte nazio eta erregeek, orduan jakingo duzu ni, Jauna, naizela zure salbatzailea, ni, Israelen Jainko indartsua, naizela zure askatzailea.

ISAIAS 61:11

Lurrak landareak ematen dituen bezala, baratzeak hazia ernearazten duen bezala, halaxe ernearaziko du Jaunak salbamena eta gorespen-kantak altxaraziko nazio guztien aurrean.

ISAIAS 61:9

Haien ondorengoak ospetsu izango dira nazio eta herrien artean; ikusiko dituzten guztiek aitortuko dute nik, Jaun honek, bedeinkaturiko herria direla».

ISAIAS 62:12

«Herri santu» deituko diete, «Jaunak askatuak». Eta zuri, Jerusalem, «Hiri desiratu» deituko dizute, «Zapuztu gabeko hiri».

ISAIAS 62:4

Ez dizute deituko gehiago «Hiri zapuztu», ezta zure lurraldeari ere «Lur hondatu»; zure izena «Ene atsegin» izango da, eta zure lurraldearena «Ene emazte», Jaunak atsegin izango baitzaitu eta zure lurraldea emaztetzat hartuko.

ISAIAS 65:15

Zuen izena aipatuko dute nire aukeratuek norbait madarikatzean, eta esango: “Halaxe hilko ahal zaitu Jainko Jaunak!” Nire zerbitzarien gain, ordea, beste izen bat aipatuko da, guztiz bestelakoa.

ISAIAS 66:11

Edan asetzeraino haren bular gozotik! Xurgatu atseginez haren ugatz oparotik!

ISAIAS 66:12

Zeren hau baitio Jaunak: «Ibaika ekarriko diot Jerusalemi zoriona, erreka betean nazioen ondasunak. Amak haurra bezala zainduko zaituztet: bularra eman eta altzoan hartuko eta magalean gozatuko.

ISAIAS 66:19

Ezaugarri bat emango diet: beraien artean bizirik geldituriko batzuk nazioetara bidaliko ditut, Tarsis, Put eta arkulari trebeak dituen Ludera, Tubal, Grezia eta urrutiko herrietara, inoiz nire berri izan ez duten eta inoiz nire ospea ikusi ez duten herrialdeetara. Nire ospea iragarriko dute nazioen artean.

JEREMIAS 33:16

Garai hartan, Juda salbatua izango da, Jerusalem seguru biziko. “Jauna gure salbamena” emango diote izen».

JEREMIAS 33:9

Jerusalem pozbide izango da niretzat; munduko nazio guztiek goretsiko naute eta ospetsu aitortuko, hari emango diodan ongizatea ikustean. Harri eta zur geldituko dira Jerusalemi emango dizkiodan ongizate eta bakearengatik».

MIKEAS 5:8

Bai, jaso eskua zeuen etsaien aurka, eta denak ezereztuak gertatuko dira.

EGINAK 11:26

eta, aurkitu zuenean, Antiokiara eraman zuen. Urtebete osoa egin zuten eliz elkarte hartan elkarrekin lanean, jende askori irakatsiz. Antiokian eman zitzaien lehendabizikoz ikasleei «kristau» izena.

EGINAK 26:23

Mesiasek sufritu egin behar zuela; baina, hildakoen artetik aurrena piztuz, salbamenaren argia ekarriko ziela bere herriari eta jentilei».

EGINAK 9:15

Jaunak, ordea, esan zion: —Zoaz, neure zerbitzurako hautatua baitut gizon hori, bai jentilei eta haien erregeei, bai israeldarrei, nire izena ezagutaraz diezaien.

KOLOSARREI 1:23

Horretarako, ordea, sinesmenean sendo oinarriturik, entzun duzuen berri onari esker duzuen itxaropenean ongi finkatuak iraun behar duzue. Berri on hori zerupeko izaki guztiei hots egin zaie, eta ni, Paulo, berri on horren zerbitzari egin nau Jainkoak.

APOKALIPSIA 2:17

Ulertzeko gauza denak uler beza Espirituak eliz elkarteei esaten diena. Garaileari mana ezkutua emanen diot, eta harritxo txuri bat ere bai, eta harritxoan izen berri bat idatzia, hartzen duenak bakarrik ezagutuko duena.

APOKALIPSIA 3:12

Garailea neure Jainkoaren tenpluko zutabe egingo dut, eta ez da gehiago handik irtengo; neure Jainkoaren izena eta neure izen berria idatziko ditut harengan; baita neure Jainkoaren hiriaren izena ere, zerutik, nire Jainkoarengandik, jaisten den Jerusalem berriaren izena.