ISAIAS 60:15 - Elizen Arteko Biblia (Biblia en Euskara Traducción Interconfesional)

¹⁵ «Bazterturik, gorrotatua eta bakarrik utzia egon bazara ere, gizaldien harro-bide egingo zaitut, mende guztien pozgarri.

Navarro-Labourdin Basque

¹⁵ Ceren içatu çaren utzia eta gaitzirizcotan iduquia, eta nihor etzelacotz çutan gaindi iragaiten, eguinen çaitut mendeetaco lili, guiçaldi gucietaco bozcariagarri.

ISAIAS 60:15 ပူးပေါင်းရင်းမြစ်များ

ISAIAS 25:8

Behin betiko galduko du heriotza! Jainko Jaunak guztien begietako malkoak xukatuko ditu, eta mundu guztian jasaniko lotsaizuna bere herriarengandik baztertuko. Hala esan du Jaunak.

ISAIAS 35:10

Jaunak libre eginak; poz-oihuka etorriko dira Sionera: amaigabeko alaitasuna haien aurpegian! Zoriona eta alaitasuna izango dituzte lagun; nahigabeak eta negarra kito!

ISAIAS 4:2

Egun hartan, Jaunak ernearaziko duena Israelen bizirik geldituen eder eta ohore izango da; lurrak emango duena, haien harrotzeko bide eta apaingarri.

ISAIAS 6:11

«Noiz arte hori, Jauna?», galdetu nuen nik. Eta hark erantzun: «Hiriak deseginik eta hutsik, etxeak inor gabe eta lurrak soil gelditu arte».

ISAIAS 6:12

Jendea erbestera bidaliko du Jaunak, eta lurralde osoa huts-hutsik geldituko da.

ISAIAS 61:7

Jaunak dio: «Lotsaizuna ugari eta laidoa jasan behar izan dituztenez, aberastasuna ugari izango dute beren herrialdean eta amaigabeko poza eskuratuko.

ISAIAS 62:4

Ez dizute deituko gehiago «Hiri zapuztu», ezta zure lurraldeari ere «Lur hondatu»; zure izena «Ene atsegin» izango da, eta zure lurraldearena «Ene emazte», Jaunak atsegin izango baitzaitu eta zure lurraldea emaztetzat hartuko.

ISAIAS 65:18

Alderantziz, amaigabeko poza eta alaitasuna izango duzue nik sortuko dudanagatik, poz-hiri bihurtuko baitut Jerusalem, alaitasun-herri bertako jendea.

ISAIAS 66:5

Entzun Jaunaren hitza, haren hitzari begirune diozuenok. Hau diote gorroto dizueten herritarrek, ni naizela-eta baztertzen zaituztetenek: «Ager dezala Jaunak bere aintza, eta ikus dezagula guk zuen poza!» Bada, beraiek geldituko dira lotsagarri.

JEREMIAS 30:17

Izen hau eman zizuten: “Sion, hiri zapuztua, inori axola ez zaiona”; baina nik osasuna emango dizut, zauriak sendatuko. Nik, Jaunak, esana».

JEREMIAS 33:11

berriro entzungo dira poz-alaitasunezko oihuak eta senar-emaztegaien kantuak, berriro entzungo tenplura gorespen-opariak ekarriz kantatuko duten hau: “Goretsazue Jaun ahalguztiduna, ona baita, haren maitasuna betikoa baita”. «Izan ere, herrialde honen zoria aldatuko dut, lehengo egoerara ekarriko. Nik, Jaunak, esana».

NAHUM 2:2

Ninive, badator zure aurka hondatzailea; zaindu dorreak, egin guardia bideetan! Egon prest gudurako, bildu zeure indar guztiak!

ZAKARIAS 7:14

Herri ezezagunetan sakabanatu nituen; haien atzean lurra soil geratu zen, bizilagunik eta ibiltaririk gabe. Hara lur bikaina lur gorri bihurtua!»

APOKALIPSIA 11:2

Utzi, ordea, neurtu gabe tenpluaren kanpoko ataria, jentilei eman baitzaie; hauek hankapean erabiliko dute Jerusalem hiri santua berrogeita bi hilabetez.