ISAIAS 50:1 - Elizen Arteko Biblia (Biblia en Euskara Traducción Interconfesional)

¹ Hau dio Jaunak: «Jerusalem zuen ama zapuztu egin omen nuen: ea, non da dibortzio-agiria? Saldu egin omen zintuztedan: ea, non da nire hartzekoduna? Saldu bazintuztedan, zeuen erruengatik zintuztedan saldu, zuen errebeldiengatik nuen ama zapuztu.

Navarro-Labourdin Basque

¹ Hau dio Jaunac: Non da çuen amaren agueria, ceinarequin igorri baitut? edo cein da ene harcedurua, ceinari saldu baitzaituztet? Huna çuen gaizquien gatic salduac içan çaretela, eta çuen tzarquerien gatic igorri dudala çuen ama;

ISAIAS 50:1 ပူးပေါင်းရင်းမြစ်များ

1 ERREGEAK 21:25

(Egiaz ez zen inor egon Akab bezain prest Jaunari atsegin ez zaiona egiteko; izan ere, bere emazte Jezabelek okerrera bultzatu zuen.

2 ERREGEAK 17:17

Beren seme-alabak oparitzat eskaini zituzten, sutan errez; igarpenak eta aztikeriak egin zituzten eta Jaunari atsegin ez zaiona egitera emanak ibili ziren, Jauna haserraraziz.

2 ERREGEAK 4:1

Behin batez, profeta-taldeko baten emazteak esan zion garrasika Eliseori: — Hil egin zait senarra, zure zerbitzari zena. Badakizu Jaunari begirune ziola. Zorrak zituen batekin eta honek neure bi semeak eraman nahi dizkit orain esklabo.

NEHEMIAS 5:5

Denok arraza berekoak gara! Gure seme-alabak badira besteenak adina! Hala ere, gure seme-alabak esklabo saldu beharrean gertatzen gara, eta gure seme-alabetako batzuk dagoeneko esklabo bilakatu dira. Baina ezin dugu ezer egin, gure landak eta mahastiak besteren eskuetan baitaude».

ESTHER 7:4

Saldu egin baikaituzte ni eta nire herritarrak, hondatu, hil eta suntsi gaitzaten. Gizonak eta emakumeak esklabo saldu izan bagintuzte ere, isilduko nintzatekeen, ez baitzukeen horrek erregea nekaraztea merezi izango.

SALMOAK 44:12

Hiltzeko ardiak bezala eman gaituzu, beste nazioen artean sakabanatu.

IRTEERA 21:7

«Norbaitek bere alaba esklabotzat saltzen badu, ez da libre geldituko beste esklaboen erara.

ISAIAS 1:28

Errebelde eta bekatarientzat, ostera, hondamendia; Jauna bazter uzten dutenenak egin du.

ISAIAS 27:8

Zigortu ditu, bai, eta kanpora bota; mendebal-haizearen antzeko arnasaldi gogorrez eraman ditu urrutira.

ISAIAS 43:27

Zure lehen arbasoak ere bekatu egin zuen, zure ordezkariak nire aurka errebelatu ziren.

ISAIAS 46:8

«Egin gogoeta eta izan kementsu! Errebeldeok, hartu arreta,

ISAIAS 52:3

Hau dio Jaunak: «Ordainik hartu gabe saldu zintuztedan, ordainik eman gabe askatuko zaituztet».

ISAIAS 54:6

Senarrak utziriko emaztea, emazte atsekabetua zinen, baina Jaunak berriro dei egin dizu. Hau dio Jaunak: «Utz ote daiteke gaztetako emaztea?

ISAIAS 54:7

Unetxo batez utzi zintudan, baina gupidarik handienaz hartuko zaitut.

ISAIAS 58:1

Jaunak esan zidan: «Egin oihu eztarria betean, beldurrik gabe, goratu ahotsa turutaren pare, aurpegiratu Israeli bere errebeldiak, nire herriari bere bekatuak.

ISAIAS 64:6

Inork ez dizu dei egiten, ezta zuri atxikitzen saiatzen ere, zeure aurpegia ezkutatu baitiguzu, eta geure erruetan murgilduta utzi.

JEREMIAS 3:1

Jaunak dio: «Gizon batek emaztea zapuztu badu, eta emaztea, apartatu ondoren, beste batekin ezkontzen bada, gizon hura ezin izango da berriro emazteagana itzuli; horrelako jokaerak herrialdea kutsatuko luke. Eta zu, Israel, hainbeste maitalerekin kutsatu zaren hori, niregana itzuliko ote zara, bada? Hala diot nik, Jaunak.

JEREMIAS 3:8

Ikusi zuen, gainera, bere adulterio ugariengatik zapuztu egin nuela Israel fedegabea, dibortzio-agiria emanez. Baina Juda desleial hori ez zen beldurtu, eta prostituziora jo zuen berak ere.

JEREMIAS 4:18

Zeure jokabide eta egintza txarrek zori horretara eraman zaituzte. Zeure gaiztakeriaren fruitua duzu, mingotsa benetan, bihotzeraino samintzen zaituena».

OSEAS 4:5

Gau eta egun egiten duzue estropezu, eta zuek bezala profetek ere. Horregatik, zuen ama Israel galdu egingo dut.

LEBITICOA 25:39

«Zuen herritarrak zuekin zorrak egin eta bere burua esklabotzat saltzen badizue, ez behartu esklabo-lanetara:

MATEO 18:25

Honek ez zuen zerez ordaindu, eta nagusiak bera, emaztea, seme-alabak eta ondasun guztiak saltzeko agindu zuen, zorra ordainarazteko.

DUTERONOMA 32:30

Nola daiteke, izan ere, gizon batek mila pertsegitzea, bi gizonek hamar milari ihes eragitea, babes-harkaitz duten Jaunak saldu eta etsaien esku utzi dituelako ez bada?