ISAIAS 49:23 - Elizen Arteko Biblia (Biblia en Euskara Traducción Interconfesional)

²³ Erregeak izango dituzu haurtzain, printzesak inude. Lurreraino ahuspeztuko dira zure aurrean eta oinetako hautsa miazkatuko dizute. Horrela jakingo duzu ni naizela Jauna; niregan itxaro dutenei ez die inoiz usteak huts egingo.

Navarro-Labourdin Basque

²³ Eta erregueac içanen dira çure unhidaita, eta erreguinac çure unhide; beguithartea lurrerat beheitituz, adoraturen çaituzte, eta çure oinetaco herrautsa milicaturen dute. Eta jaquinen duçu ni naicela Jauna, ceinaren ariaz ez baitira ahalquetan erorico ene iguri daudecenac.

ISAIAS 49:23 ပူးပေါင်းရင်းမြစ်များ

JENESA 27:29

Izan ditzazula herriak zerbitzari, makur daitezela nazioak zure aitzinean. Izan zaitez zeure senideen nagusi, makur daitezela zure aitzinean zure amaren semeak! Madarikatua, zu madarikatzen zaituena! Bedeinkatua, zu bedeinkatzen zaituena!»

JENESA 43:26

Jose etxera iristean, opariak eskaini zizkioten eta lurreraino ahuspeztu zitzaizkion.

SALMOAK 138:4

Eskerrak emango dizkizute, Jauna, munduko errege guztiek, zure promesaren berri jakitean.

SALMOAK 25:3

Zuregan itxaron dutenei ez die inoiz usteak huts egingo; bai, ordea, arrazoirik gabe baztertzen zaituztenei!

SALMOAK 34:22

Gaiztakeriak hilko du gaiztoa, zintzoari gorroto diotenek zigorra izango.

SALMOAK 68:31

bertatik, egiozu mehatxu Egiptori, kanaberadiko piztiari, haren zezen- eta zekor-tropelari, zilarraren irrikaz herriak zanpatzen dituzten horiei! Sakabana itzazu herri guduzaleok!

SALMOAK 69:6

Ene Jainko, ezagutzen duzu nire zabarkeria, ez daude zuretzat ezkutuan nire hutsegiteak.

IRTEERA 6:7

Neure herritzat hartuko zaituztet eta zeuen Jainko izango nauzue; orduan jakingo duzue ni naizela Jauna, zuen Jainkoa, Egiptoko lan astunetatik aterako zaituztena.

ISAIAS 14:1

Bai, erruki izango die Jaunak Jakoben ondorengoei: bere aukeratua izango du oraindik Israel eta beren lurraldean ezarriko ditu berriro. Atzerritarrak haiengana bilduko dira eta bat egingo dute Jakoben herriarekin.

ISAIAS 14:2

Herri askok lagunduko die, beren lurralderaino eramanez; baina israeldarrak haien jabe egingo dira Jaunaren lurraldean, morroi eta neskametzat hartuz. Lehen gatibu eduki zutenak gatibu hartuko ditu Israelek eta lehengo zapaltzaileak menderatuko.

ISAIAS 25:9

Egun horretan, hau esango dute: «Hona hemen gure Jainkoa! Berarengan genuen itxaropena eta salbatu egin gaitu. Jauna da! Berarengan genuen itxaropena: poztu eta alai gaitezen, salbatu egin baikaitu».

ISAIAS 26:8

Zuk ezarritako bidetik goaz gu ere, Jauna, itxaropena zuregan dugula. Zutaz oroitzea, zu goratzea: horixe dugu irrika.

ISAIAS 29:22

Horregatik, Abraham askatu zuen Jauna honela mintzo zaie Jakoben ondorengoei: Jakoben herriak ez du aurrerantzean gehiago lotsarik izango, ez zaio aurpegia gorrituko;

ISAIAS 41:20

Horrela ikusiko dute denek eta jakingo, ohartuko dira eta behingoz ulertuko nik, Jaunak, egin dudala hori guztia, nik, Israelen Jainko santuak, dudala sortu».

ISAIAS 43:10

Honela diot nik, Jaun honek: Zuek zarete nire lekuko, israeldarrok, zuek nire zerbitzari; nik aukeratu zaituztet, ni ezagutu, niregan sinetsi eta ni beti berbera naizela uler dezazuen. Nire aurretik ez da jainkorik izan, ezta izango ere nire ondoren.

ISAIAS 45:14

Hau diotso Jaunak Israeli: «Egiptoko langileak, Etiopiako merkatariak eta altuera handiko sebatarrak zure menpean jarriko dira, zureak izango; zure atzetik joango dira, katez loturik; zure aurrean ahuspeztuko dira eta erreguka esango dizute: “Zuregan bakarrik dago Jainkoa, ez da besterik; beste jainkoak ezer ez dira”».

ISAIAS 45:17

Israel, berriz, Jaunak salbatu du, behin betiko salbatu, eta ez da, ez, sekula lotsaz eta laidoz geldituko.

ISAIAS 49:7

Hau diotso Jaunak, Israelen askatzaile eta Jainko santuak, erabat mespretxatua izan denari, mundu guztiak gorrotatu eta zapaltzaileek esklabo bihurtu dutenari: «Zu ikustean, altxatu egingo dira erregeak, makurtu buruzagiak, leiala den Jaunarenganako begirunez, aukeratu zaituen Israelen Jainko santua dela eta».

ISAIAS 50:7

Baina Jauna dut laguntzaile: horregatik ez didate irainek etsiarazten; horregatik gogortu dut aurpegia harkaitza bezala, bai baitakit ez didala usteak huts egingo.

ISAIAS 52:15

era berean, nazio asko harrituko dira, erregeak haren aurrean mutu geldituko, inoiz esan gabeko zerbait ikustean, inoiz entzun gabekoa aditzean».

ISAIAS 52:6

Baina laster jakingo du nire herriak nor naizen; ekingo diodan egunean jakingo du neu naizela hitz egin diona. Hona hemen ni!»

ISAIAS 60:14

Burumakur etorriko zaizkizu zeure zapaltzaileen seme-alabak, zure oinetan ahuspeztuko mespretxatu zintuzten guztiak. “Jaunaren Hiri”, “Israelen Jainko santuaren Sion” deituko dizute.

ISAIAS 60:16

Amak haurtxoa bularrean bezala janarituko zaituzte nazio eta erregeek, orduan jakingo duzu ni, Jauna, naizela zure salbatzailea, ni, Israelen Jainko indartsua, naizela zure askatzailea.

ISAIAS 60:3

Zure argirantz joko dute herriek, zure egunsenti-distirarantz erregeek.

ISAIAS 62:2

Eta ikusiko dute nazioek zure salbamena, errege guztiek zure ospea. Izen berria emango dizute, Jaunak berak ezarria.

ISAIAS 64:4

Bere poza zuzen jokatzean jartzen duenari, zure nahia beti gogoan duenari, bidera ateratzen zatzaizkio. Bai, haserre zaude bekatu egin dugulako, antzinatik bide-galdurik ibili garelako.

EZEKIEL 37:6

Zainez inguratuko zaituztet, haragia eratuko dut zuen gainean, larruazalez jantzi eta bizi-arnasa emango dizuet, bizi zaitezten; orduan jakingo duzue ni naizela Jauna.

JOELEN PROFECIA 2:27

Orduan ezagutuko duzue ni zuen artean, Israelen erdian, nagoela eta ni, Jaun hau, naizela zuen Jainkoa, eta ez beste inor. Nire herria ez da berriro inoiz lotsatan geldituko.

MIKEAS 7:17

Hautsa miazkatuko dute, sugeek eta narrastiek bezala. Dardaraz aterako dira gordelekuetatik, ikaraz joko dute Jaunarengana, gure Jainkoarengana, eta begirune izango diote.

NOMBREAC 11:12

Nik sortu ote dut, bada, herri hau? Nik ekarri ote mundura, esan diezadazun: «Hartzazu lepoan, inudeak haurtxoa bezala, eta eraman arbasoei hitzemandako lurraldera»?

MATEO 25:16

Bost talentu hartu zituenak inbertitu egin zituen berehala eta beste bost irabazi.

ERROMATARREI 10:11

Hau dio Liburu Santuak: Harengan sinesten duenak ez du huts egingo.

ERROMATARREI 5:5

eta itxaropenak ez du huts egiten, Jainkoak bere maitasuna isuri baitigu geure bihotzetara, berak emandako Espiritu Santuaren bitartez.

ERROMATARREI 9:33

Liburu Santuak dioen bezala: Hona nik Sionen behaztopa-harria ipini, erorarazteko harkaitza. Baina harengan sinesten duenak ez du huts egingo.

1 PEDRO 2:6

Hau dio, izan ere, Liburu Santuak: Hona nik Sionen harri bat ipini, giltzarri aukeratu eta bikaina. Horretan sinesten duenak ez du huts egingo.

APOKALIPSIA 3:9

Horra, Satanasen elkarteko batzuk emango dizkizut nik eskura, judu direla esan arren gezurrontzi huts direnetariko batzuk; zure oinetan ahuspez jartzera behartuko ditut, maite zaitudala jakin dezaten.