ISAIAS 47:6 - Elizen Arteko Biblia (Biblia en Euskara Traducción Interconfesional)

⁶ Neure herriarekin haserre nintzela, neure ondarea zapuztu egin nuen eta zure eskuetara eman. Zuk ez zenien gupidarik izan, zaharrak ere lehertu egin zenituen zeure uztarri astunaz.

Navarro-Labourdin Basque

⁶ Hasarretu içan naiz ene populuaren contra; gaitzetsi dut ene primança lohitua; arthiqui ditinat hire escuetara: ez ditun içan urricari; çaharren gainean gogorqui dorphetu dun hire uztarria.

ISAIAS 47:6 ပူးပေါင်းရင်းမြစ်များ

2 SAMUEL 24:14

Davidek, orduan, Gadi: —Hau larriaren handia! Hobe Jaunaren eskuetan erori, handia baita haren errukia. Ez nadila, ordea, eror giza eskuetan!

2 KRONIKAK 10:11

Gure aitak uztarri astuna ezarri zizuela? Astunagoa ezarriko dizuet nik! Gure aitak larruzko zartailuz zigorkatzen zintuztela? Burdinazko muturdunez zigorkatuko zaituztet nik!»

2 KRONIKAK 28:9

Bazen Samarian Jaunaren profeta bat, Oded izenekoa. Samariara itzulian zetorren gudarosteari bidera atera eta esan zien: «Jaunak, gure arbasoen Jainkoak, zuen esku utzi ditu Judakoak, berauen kontra haserre zegoelako. Baina zuek halako amorruz hil dituzue, ezen zeruraino heldu baita zuen egintzaren oihartzuna.

2 KRONIKAK 36:17

Orduan, Jainkoak etorrarazi zuen Babiloniako erregea jende haren kontra, eta hark hango gazteak ezpataz hil zituen tenpluan bertan; ez zien barkatu ez mutilei, ez neskei, ez zaharrei, ez agureei: Jainkoak dena haren esku utzi zuen.

2 KRONIKAK 36:20

Bizirik geldituak Babiloniara erbesteratu zituen. Han erregearen eta beronen ondorengoen esklabo izan ziren, harik eta pertsiarren erregealdia etorri zen arte.

ESDRAS 5:12

baina gure gurasoek zeruetako Jainkoa haserrarazi zutelako, Babiloniako errege Nabukodonosor kaldearraren esku utzi zituen; etxe hau hondatu eta gatibu eraman zuen herria Babiloniara.

SALMOAK 69:26

Bihur bedi haien kanpalekua basamortu, geldi bitez inor gabe haien bizilekuak!

ISAIAS 10:6

Herri sinesgabearen aurka bidaltzen dut, haserretu ninduen herriaren aurka, lapurretara eta harrapaketara, hura kaleetako lokatza bezala zapaltzera.

ISAIAS 13:16

Haurtxoak txikitu egingo dizkiete begien aurrean, etxeak hustu, emazteak bortxatu.

ISAIAS 14:17

Hau al da mundua basamortu eta hiriak errauts bihurtzen zituena? Hau gatibuak sekula askatzen ez zituena?”

ISAIAS 14:6

Honek herriak amorruz jotzen zituen, aspertu gabe jo ere; nazioak suminez zapaltzen zituen, etengabe pertsegituz.

ISAIAS 43:28

Horregatik, santutegiko arduradunak zapuztu egin nituen, Israel suntsipenera eman nuen, Jakoben herria irainetara».

JEREMIAS 50:42

Gezi-uztaiez eta lantzaz armatuak datoz; ankerrak dira eta gupidagabeak; itsas orroa bezalako deiadarrez, zaldiz datoz, borrokarako lerroturik, zure aurka, Babilonia hiri eder.

NEGAR KANTAK 1:14

Astuna da nire errebeldien uztarria; Jaunak bere eskuaz sortan lotu ditu denak, lepoan ezarri dizkit eta neure indarrak ahuldu. Aurre egin ezin diodan jendearen esku utzi nau.

NEGAR KANTAK 1:21

Entzun nire intziria! Ez dut nork kontsolaturik. Etsai guztiek izan dute nire zoritxarraren berri, eta poz hartu dute zeuk egina delako. Etorrarazi iragarria duzun eguna, gerta dakiela haiei ere nirea bera!

NEGAR KANTAK 2:2

Erruki gabe desegin ditu Jaunak bere herriko egoitza guztiak; erraustu egin ditu bere suminduraz Juda lurralde ederraren gotorlekuak; lurrera bota ditu eta desohoratu erreinua eta bere buruzagiak.

NEGAR KANTAK 4:16

Jaunak berak sakabanatu ditu, eta ez ditu gehiago ikusi nahi. Ez da apaizentzat begirunerik, ezta zaharrentzat gupidarik ere.

NEGAR KANTAK 5:12

Beren eskuz urkatu dituzte buruzagiak, ez dute begirunerik izan zaharrentzat.

EZEKIEL 24:21

Hitz egiozu Israel herriari eta adierazi nire, Jainko Jaun honen, mezua: Zuen babesleku eta harrogarri, begien pozgarri eta bihotzen xarma den neure santutegia profanatuko dut. Jerusalemen utzi zenituzten seme-alabak gerran hilko dira.

EZEKIEL 28:16

Zeure merkataritza oparoagatik, indarkeriaz bete eta bekatu egin zenuen. Horregatik, zeure postutik kendu eta bota egin zintudan menditik, eta kerubin babesle zinen hori ikatz gorien artetik kendu.

ABDIAS 1:10

«Zeure senideak, Jakoben ondorengoak, gogorki erabili baitituzu eta hil, lotsak estaliko zaitu, behin betiko egingo du zureak.

ABDIAS 1:16

Bai, zuek, israeldarrok, nire mendi santuan zigor-kopatik edan zenuten bezala, hala beharko dute edan nazio guztiek etengabe, azken hondarreraino edan ere. Eta aztarnarik utzi gabe galduko dira.

ZAKARIAS 1:12

Orduan, Jaunaren aingeruak esan zuen: —Jaun ahalguztiduna, noiz arte iraungo duzu Jerusalemez eta Judako beste herriez errukitu gabe? Badira hirurogeita hamar urte haien aurka haserre zaudela.

ZAKARIAS 1:15

horregatik, haserre gorritan nago atzerriko nazio ustetsuen aurka: nik neure haserrea arindu nuelarik, haiek nire herria hondatzen lagundu zutelako».

MATEO 7:2

izan ere, zuek besteak nola epaitu, hala epaituko zaituzte Jainkoak, eta zuek zein neurriz neurtu, neurri beraz neurtuko zaituzte Jainkoak.

DUTERONOMA 28:50

herri ankerra, zaharrentzat errespeturik eta haurrentzat errukirik izango ez duena.

SANTIAGO 2:13

Zeren errukirik izan ez duenak, errukirik gabeko epaia izango baitu; errukitsu izan dena, ordea, garaile aterako da auzian.