ISAIAS 42:15 - Elizen Arteko Biblia (Biblia en Euskara Traducción Interconfesional)

¹⁵ Mendi eta muinoak lehortuko ditut, belar guztia ihartuko, ibaiak lur lehor bihurtu eta putzuak agortuko.

Navarro-Labourdin Basque

¹⁵ Mortu eguinen ditut mendiac eta munhoac, iharraracico ditut hequietaco sorho guciac, eta hibaietaric eguinen ditut irlac, eta agortuco ditut ur-maelac.

ISAIAS 42:15 ပူးပေါင်းရင်းမြစ်များ

SALMOAK 18:7

Larrialdian dei egin nion Jaunari, deiadar ene Jainkoari. Eta aditu zuen bere tenplutik nire oihua, haren belarrietaraino heldu zen nire deiadarra.

ISAIAS 41:15

Eultziaren antzeko bihurtzen zaitut, hortz zorrotzeko eultzi berriaren antzeko; mendiak xehatu eta hauts egingo dituzu, muinoak lasto bihurtuko.

ISAIAS 44:27

Itsaso zabalari diotsot: “Lehor zaitez; neuk agortuko ditut zure korronteak”;

ISAIAS 49:11

Bideak zabalduko ditut mendietan zehar, galtzada erosoak prestatuko dizkiet».

ISAIAS 50:2

Zergatik ez zegoen inor, etorri naizenean? Zergatik ez du inork erantzun, deitu dudanean? Nire eskua laburregia ote zuek askatzeko? Nik ez ote aski indar zuek libratzeko? Mehatxu-hitz bat aski dut, itsasoa lehortu eta ibaiak basamortu bihurtzeko: urik gabe arrainak egarriz hil eta usteldu egiten dira.

JEREMIAS 4:24

Begiratu dut mendietara, eta dardaraz daude; muinoetara, eta denak dantzan.

EZEKIEL 38:19

Neure suminaren suminez zin dagit lurrikara handia izango dela Israelen.

EZEKIEL 38:20

Itsasoko arrain, zeruko hegazti, basapiztia, narrasti eta munduko gizaki guztiek dardara egingo dute nire aurrean. Mendiak erori egingo dira, harkaitz-labarrak amildu eta harresi guztiek lur joko.

AGEO 2:6

Bai, honela diot nik, Jaun ahalguztidunak: Denbora gutxi barru, zeru-lurrei eta itsaso-lehorrei dardara eragingo diet.

ZAKARIAS 10:11

Haiek Egiptoko itsasoa igarotzean, itsas uhinak baretuko ditut, Nilo hondoa agortu egingo da. Asiriaren harrokeria apaldua izango da eta Egiptoren aginte-makila kendua.

APOKALIPSIA 11:13

Une hartantxe, lurrikara handia izan zen eta hiriaren hamarreko bat erori zen; lurrikaran zazpi mila lagun hil ziren, eta gainerakoek, beldurrez beterik, zeruko Jainkoa goretsi zuten.

APOKALIPSIA 16:12

Seigarrenak Eufrates ibai handiaren gainera isuri zuen bere ontzia, eta urak agortu egin ziren, horrela ekialdeko erregeentzat bidea prest utziz.

APOKALIPSIA 16:18

Orduan, tximistak, danbatekoak eta trumoiak izan ziren, baita lurrikara izugarria ere, gizakia lurrean bizi denetik izan ez den bezalako lurrikara handia.

APOKALIPSIA 20:11

Tronu handi zuri bat ikusi nuen, baita bertan eseria zegoena ere; beronen aurretik ihes egin zuten lurrak eta zeruak eta aztarnarik utzi gabe desagertu.