ISAIAS 40:28 - Elizen Arteko Biblia (Biblia en Euskara Traducción Interconfesional)

²⁸ Ez al dakizu? Ez al duzu inoiz entzun? Jauna betiereko Jainkoa da, lurbira osoa egin duena: ez da nekatzen, ez akitzen; ulermenaz gaindikoa haren adimena.

Navarro-Labourdin Basque

²⁸ Ez othe daquiçu, edo ez othe duçu aditu? Jauna da egundainoticaco Jaincoa, lurraren eremuac eguin dituena; ez nekatzen, ez beharcen ez dena, eta haren çuhurcia ecin-barrenduzcoa da.

ISAIAS 40:28 ပူးပေါင်းရင်းမြစ်များ

JENESA 21:33

Abrahamek, bere aldetik, tamarindo bat aldatu zuen Beer-Xeban, eta Jauna, betiereko Jainkoa, gurtu zuen.

JOB 38:18

Ba al dakizu zein zabala den lurra? Esadazu, dena dakizun horrek!

SALMOAK 138:8

Dena egingo du Jaunak nire alde. Jauna, zure maitasuna betikoa! Ez utzi bertan behera hasi duzun lana.

SALMOAK 139:6

Miragarria zure ezagutza, nitaz gaindikoa, nik atzemateko garaiegia.

SALMOAK 145:3

Handia da Jauna, guztiz goresgarria, ulermenaz gaindikoa haren handitasuna.

SALMOAK 147:5

Handia da gure Jauna, guztiz indartsua, haren jakinduria neurrigabea.

SALMOAK 90:2

Mendiak jaio baino lehen, lurra eta mundua sortu baino lehen, Jainko zara zu betidanik eta betiko.

ISAIAS 37:26

Baina ez al dakizu, Senakerib, aspalditik neuk prestatua nuela, antzinatik neuk erabakia orain burutzen ari naizen hau? Horregatik bihurtu dituzu hiri gotorrak zabor-pila.

ISAIAS 40:21

Ez al dakizue? Ez al duzue inoiz entzun? Ez al dizuete hasieratik horren berri eman? Ez al duzue ulertu nork eraiki zuen mundua?

ISAIAS 42:4

Ez du adorea galduko, ez etsiko, lurrean justizia ezarri arte. Haren legearen zain egongo dira urrutiko herriak».

ISAIAS 45:22

Lurreko bazter guztiok, itzuli niregana, salba zaitezten, neu bainaiz Jainkoa, eta ez da besterik.

ISAIAS 57:15

Bai, hau dio garai eta goren den Jainkoak, betiko erregeak, santu deritzanak: «Toki garai eta sakratuan bizi naiz, baina hurbil nago atsekabeturik eta lur jota daudenengandik, lur joak arnasberritzeko eta atsekabetuei adorea bizkortzeko.

ISAIAS 59:1

Jaunaren eskua ez da, ez, laburregia zuek salbatzeko, ezta haren belarria ere gogorregia zuei entzuteko:

ISAIAS 66:9

Hau dio Jaunak, zure Jainkoak: «Nik, haurrari irtenbidea ematen diodan honek, ez ote nion, bada, jaiotzen utziko? Haurrak jaioarazten ditudan honek, irtetea eragotziko ote nion?»

JEREMIAS 10:10

Jauna, berriz, egiazko Jainkoa da, Jainko bizia eta betiereko Erregea: hura haserretzean, lurrak dardara; nazioek ezin diote eutsi haren haserre-suminari.

JEREMIAS 32:17

«Ene Jauna! Zuk egin dituzu zeru-lurrak zeure ahalmen eta indar handiaz. Zuretzat ez da ezer ezinezkorik.

JEREMIAS 4:22

Jaunak dio: «Burugabea da nire herria, ez nau aintzat hartzen. Haur zentzugabeak dira, ezer ulertzeko gauza ez. Gaitzerako trebeak, onerako tentelak».

MARKOS 16:14

Azkenik, Hamaikei agertu zitzaien, mahaian eserita zeudela, eta aurpegira bota zien beren sinesgabetasuna eta burugogorkeria, pizturik ikusi zutenei sinetsi ez zietelako.

MARKOS 9:19

Jesusek esan zien: —Hau gizaldi sinesgogorra! Noiz arte egon behar ote dut zuen artean? Noiz arte jasan behar ote zaituztet? Ekarri mutila.

LUKAS 24:25

Orduan, Jesusek esan zien: —Bai buru gutxikoak zaretela, bai motelak profetek esana sinesteko!

JOAN 14:9

Jesusek erantzun: —Honenbeste denbora zuekin, Felipe, eta ez nauzu ezagutzen? Ni ikusten nauenak Aita ere ikusten du. Nola diozu: «Erakuts iezaguzu Aita?»

JOAN 5:17

Jesusek, orduan, hau azaldu zien: «Nire Aita etengabe ari da lanean, eta ni ere bai».

EGINAK 13:47

Honela esan baitigu Jaunak: «Nazioen argitzat ezarri zaitut, salbamena lurraren bazterreraino eraman dezazun».

ERROMATARREI 16:26

Misterio hori orain azaldu da profeten idatziek dioten bezala, eta, Jainko betierekoak hala erabakirik, herri guztiei adierazi zaie, Jainkoari fedezko erantzuna eman diezaioten.

1 KORINTOARREI 2:16

Nork ezagutu du Jaunaren pentsamendua? Nork irakats diezaioke? Guk, ordea, Kristoren pentsamendua dugu.

1 KORINTOARREI 6:16

Ez al dakizue emagalduarekin elkartzen dena berarekin gorputz bat bera egiten dela? Honela baitio Liburu Santuak: Biakbat izango dira.

1 KORINTOARREI 6:19

Ez al dakizue zuen gorputza Jainkoak eman dizuen eta zuengan bizi den Espiritu Santuaren tenplu dela? Beraz, ez zarete jadanik zeuenak,

1 KORINTOARREI 6:9

Ez al dakizue bidegabeek ez dutela Jainkoaren erreinua iritsiko? Ez engaina zeuen buruak! Lizunek, sasijainkozaleek, adulteriogileek, emakeria-zaleek, sodomitek,

DUTERONOMA 33:27

Antzinako Jainkoa duzu babesleku, Betikoaren besoak dituzu euskarri; ihes eragin dio etsaiari zure aurretik, berau suntsitzeko agindua eman.

FILIPOARREI 1:6

Badakit ziur, zuengan hain lan ederra hasi zuenak burutu ere egingo duela, Kristo Jesus berriro agertuko den eguna arte.

1 TIMOTEORI 1:17

Gizaldien Erregeari, beraz, Jainko hilezkor, ikusezin eta bakarrari, ohore eta aintza menderen mendetan. Amen.

HEBREARREI 9:14

zenbatez gehiago Kristoren odolak, betiko Espirituaren bitartez akats gabeko oparitzat bere burua Jainkoari eskaini zion harenak, ez du garbituko gure barrua heriotzara daramaten egintzetatik, Jainko biziari kultua emateko gai izan gaitezen!

1 SAMUEL 2:10

Xehatuko ditu Jaunak bere etsaiak, hauen gainera bidaliko ditu zerutik trumoiak. Jaunak du epaituko lur osoa, bere erregeari emango dio agintea, jasoko du bere gantzutuaren kopeta ».