ISAIAS 30:16 - Elizen Arteko Biblia (Biblia en Euskara Traducción Interconfesional)

¹⁶ baizik eta esan duzue: «Ez, zaldiz egingo dugu ihes». Bai horixe, beharko egin ihes! Eta zuek areago: «Gurdi bizkorrak hartuko ditugu». Zuen pertsegitzaileak bai izango direla bizkor!

Navarro-Labourdin Basque

¹⁶ Eta erran duçue: Batere; çaldietara ihes eguinen dugu. Horren gatic goanen çarete ihes. Çaldi çalhuen gainera iganen gare. Horren gatic ondotic jarraiquico çaizquitzuenac içanen dira çalhuago oraino.

ISAIAS 30:16 ပူးပေါင်းရင်းမြစ်များ

2 ERREGEAK 25:5

Babiloniar gudarosteak, ordea, erregearen ondoren joan eta Jerikoko lautadan harrapatu zuen, beronekin ziren gudariak sakabanatu zirelarik.

JOB 39:11

Indartsua dela eta, fidatu egingo ote zara eta beraren gain utzi zeure soro-lanak?

SALMOAK 147:10

Ez du maite zaldiaren indarra, ez du estimatzen gizakiaren bizkortasuna.

SALMOAK 33:17

Alferrik dira zaldiak garaipena lortzeko, gudaroste handia aski ez, onik ateratzeko.

ISAIAS 2:7

Betea dago lurraldea urrez eta zilarrez, neurtezineko ondasunez; betea dago lurraldea zaldiz, kontaezin ahalako guda-gurdiz.

ISAIAS 31:1

Zoritxarrekoak laguntza eske Egiptora doazenak! Beren zaldietan dute konfiantza, guda-gurdi asko eta zaldun ugari dutelako dira fio. Israelen Jainko santuari, berriz, begiratu ere ez; Jaunak ez die axola.

ISAIAS 31:3

Egiptoarrak gizaki dira, ez jainko, haien zaldiak hezur eta mami huts, ez espiritu. Luzatuko du Jaunak eskua, eta babeslea nahiz babestua biak eroriko dira, biak batera galduko.

JEREMIAS 39:4

Sedekias erregea eta bere gudariak, hori ikustean, ihesi joan ziren gauez hiritik; erregearen lorategian zehar, bi harresien arteko atetik irten eta Araba aldera alde egin zuten.

JEREMIAS 4:13

Begira, hor dator etsaia hodeia bezala, guda-gurdiak haize-erauntsia bezala, zaldiak arranoak baino arinago. Ai ene, galduak gara!

JEREMIAS 46:6

Azkarrenak ere ezin ihes egin, adoretsuena ere libratu ezin; han iparraldean, Eufrates ondoan, estropezu egin eta erori dira.

JEREMIAS 52:7

zuloa ireki zuten barrukoek harresian, eta hiriko gudari guztiek ihes egin zuten; atera ziren gauez erregearen lorategi ondoan zegoen bi harresien arteko atetik —babiloniarrek setiaturik zeuden arren— eta Araba aldera alde egin zuten.

NEGAR KANTAK 4:19

Zeruko arranoak baino bizkorrago dira gure jazarleak. Segika dabilzkigu mendietan, tranpak jartzen dizkigute basamortuan.

AMOSEN PROFECIA 9:1

Jauna ikusi nuen aldare ondoan, zioela: «Jo zutabeburuak eta atari osoa dardaratuko da; txikitu eta eroraraz itzazu guztien buruen gainera; gelditzen direnak ezpataz garbituko ditut; ez du inork ihes egingo, ez da inor bizirik aterako.

MIKEAS 1:13

Jarri zeuen ustea zaldi eta guda-gurdietan, Lakixen bizi zaretenok; zuek eraman zenuten Jerusalem bekatura, Israelen antzera errebelatu baitzineten.

HABAKUK 1:8

Haren zaldiak lehoinabarrak baino bizkorrago, gauez ateratzen diren otsoak baino amorratuago. Haren zaldunak lasterka datoz, urrutitik, hegan, arranoa harrapakinaren gainera bezala.

DUTERONOMA 28:25

«Etsaien menpe jarriko zaituzte Jaunak; bide bakarretik aterako zarete gerrara, baina mila bidetan sakabanaturik egingo duzue ihes etsaiengandik. Ikuskizun izugarri gertatuko zarete munduko erresuma guztientzat.

DUTERONOMA 28:49

Herri bat altxaraziko du Jaunak zuen kontra, hizkera ezezaguneko herria, urrutitik, munduaren azken muturretik, arranoa bezala hegan etorriko dena: