ISAIAS 28:1 - Elizen Arteko Biblia (Biblia en Euskara Traducción Interconfesional)

¹ Zoritxarrekoa Samaria, efraimdar mozkorren koroa harroxko, haran joriaren gainean garai zauden apaindurazko lore-sorta zimel, ardozaleen hiri!

Navarro-Labourdin Basque

¹ Çorigaitz hampurusqueriaco koroari, Efraimgo hordiei, lore erorcen denari, ceina baita hequien bozcariozco sendagaila! Çorigaitz haran goriaren buruan egoten, eta arnoac kordocan erabilcen dituenei!

ISAIAS 28:1 ပူးပေါင်းရင်းမြစ်များ

2 ERREGEAK 15:29

Israelgo errege Pekahen garaian, Asiriako errege Tiglat-Pileserrek honako hiri eta eskualde hauek hartu zituen: Iion, Abel-Bet-Maaka, Janoah, Kedex eta Hatzor hiriak, Galaad eta Galilea eskualdeak eta Neftaliren lurralde osoa. Hauetako guztietako bizilagunak Asiriara erbesteratu zituen.

2 KRONIKAK 28:6

Israelgo errege hark, Remaliasen seme Pekahek, Judako ehun eta hogei mila gudari ausart hil zituen egun berean, Judakoek Jauna, beren arbasoen Jainkoa, baztertua zutelako.

ERRAN-ÇAHARRAC 23:29

Nor ari da aieneka? Nor zotinka? Nor liskarretan? Nor kexuz? Nor da arrazoirik gabe kolpatua? Nork du begirada lausotua?

ISAIAS 28:7

Apaiz eta profetak ere estropezuka dabiltza ardoaren eraginez, bidetik oker pattarraren eraginez; pattarrarengatik estropezuka eta bidetik oker, ardotan itota: ikuskariak dituztenean itsumustuka eta epaia ematean zanbuluka.

ISAIAS 5:11

Ai zuek, goizean goiz edanari ekin eta gauean berandu arte ardoz berotzen zaretenok!

ISAIAS 5:22

Ai zuek, ardoa edaten nagusi, edariak nahasten txapeldun zaretenok,

ISAIAS 8:4

Izan ere, haurrak “aita” eta “ama” esaten ikasi baino lehen, Damasko eta Samaria hustu egingo dituzte eta bertako aberastasunak Asiriako erregeari eramango».

ISAIAS 9:11

siriarrak ekialdetik, filistearrak mendebaldetik. Ahoa betean irentsi dute Israel. Hala ere, Jaunaren haserrea ez da baretu; luzatua du oraindik eskua zigortzeko.

ISAIAS 9:8

Israel herri osoak, Samarian bizi diren guztiek izango dute horren berri. Honela baitzioten harro eta puzturik:

ISAIAS 9:9

«Adreiluzko etxeak erori badira, harlanduzkoak egingo ditugu. Piku-habeak bota badituzte, zedrozkoak jarriko ditugu haien ordez».

OSEAS 4:11

«Ardoak eta pattarrak burua txoratu diote nire herriari.

OSEAS 5:5

Bere harrokeriak salatzen du Israel. Bere bekatuan estropezu egiten du Efraimek, Israel herriak, eta harekin batera egingo du estropezu Judak ere.

OSEAS 5:9

Badator zigor-eguna eta Efraim hondamendi bihurtuko da. Ziur gertatuko da hori; jakin bezate Israelgo leinuek.

OSEAS 6:10

Ikaragarriak ikusi ditut Israelen: prostituzioan dabil Efraim, kutsatu egiten da Israel.

OSEAS 7:5

Erregearen egunean, buruzagiek ardoaren berotasunez burua galtzen dute; erregeak berak eskua luzatzen die asaldariei.

LEBITICOA 26:19

Zuen segurtasun harroa hautsiko dut: zuen zerua burdina bezain lehor eta zuen lurra brontzea bezain elkor bihurtuko ditut.

AMOSEN PROFECIA 2:12

Baina zuek nazireuei ardoa edanarazi diezue, eta profetei nire mezua ez zabaltzeko agindu.

AMOSEN PROFECIA 2:8

Behartsuei bahitutako soineko gainean etzaten dira edozein kultu-lekutan, eta bidegabekeriaz bildutako ardoa edaten dute beren Jainkoaren etxean.

AMOSEN PROFECIA 4:1

Entzun hitz hau, Samariako andreok, Baxango behiak bezain guri zaretenok: jende xehea zapaltzen duzue, behartsuak bidegabeki erabiltzen; «Ekarri ardoa, edan dezagun» agintzen diezue senarrei.

AMOSEN PROFECIA 6:1

Ai zuek, uste osoa Sionen duzuenok, eta Samarian lasai bizi zaretenok! Ai zuek, nazio artean buru omen den Israelgo handikiok, norengana baitatoz israeldar guztiak!

AMOSEN PROFECIA 6:4

Ohe dotore eta goxotan luze etzaten zarete, artaldeko bildots eta ukuiluko txahal onenak jaten dituzue.

AMOSEN PROFECIA 6:6

ardoa kopa handitan edaten duzue, olio usaintsu onenez igurzten zarete. Eta ez zaizue axola Israel herriaren hondamendia!

AMOSEN PROFECIA 6:8

Honela dio Jainko Jaun ahalguztidunak, bere biziarengatik zin eginez: «Gaitzesten dut Jakoben ondorengoen harrokeria eta haien jauregiak gorrotatzen ditut: etsaiaren esku utziko dut osorik hiriburua».