ISAIAS 25:2 - Elizen Arteko Biblia (Biblia en Euskara Traducción Interconfesional)

² Hiria harri-pila bihurtu duzu, gotorlekua hondamendi; atzerritarren gazteluak lur jo du, eta inork ez du berriro jasoko.

Navarro-Labourdin Basque

² Alabainan hiritic eguin duçu hobi bat, hiri hazcarretic harri murru bat; erabaqui duçu arrotzen egon-lekua ez dadien guehiago içan hiri, ez-eta menderen mendetan berritua.

ISAIAS 25:2 ပူးပေါင်းရင်းမြစ်များ

JOB 12:14

«Jainkoak desegindakoa ezin inork berreraiki, preso hartu duena ezin inork askatu;

ISAIAS 13:20

Ez da han egundo berriz inor biziko, bizilagunik gabe geldituko da sekulako. Beduinoek ere ez dute han kanpadendarik jarriko, ez eta artzainik geldituko.

ISAIAS 13:21

Basakatuak sartuko dira han, hontzek beteko dituzte etxeak, ostrukak biziko dira, mendi-ahuntzak ibiliko saltoka.

ISAIAS 13:22

Gazteluetan basatxakurrak eta jauretxe ederretan otsoak egongo dira uluka. Badatorkio ordua Babiloniari; ez da egun askotarako».

ISAIAS 14:23

Erratza pasatuko diot eta guztiz erraustuko; zingira eta triku-leku bihurtuko dut». Jaun ahalguztidunak esan du.

ISAIAS 17:1

Damaskoren aurkako mezua. Damasko ez da jadanik hiri izango, hondakin-pila baizik;

ISAIAS 17:3

Israelek galdu egingo ditu babeslekuak; Damaskok ere bai burujabetasuna; bizirik geldituriko siriarrei israeldar handikiei gertatua bera gertatuko zaie. Hala dio Jaun ahalguztidunak.

ISAIAS 21:9

Eta horra non datorren gizon bat bi zaldiko gurdi gainean. Hau dio ozenki: “Erori da Babilonia, erori da! Haren jainko-irudi guztiak lurrean gelditu dira apurtuta” ».

ISAIAS 23:11

Jaunak itsasoaren aurka luzatu du eskua, erreinuak dardarazi ditu; Kanaango gotorlekuak desegiteko agindu du.

ISAIAS 23:13

Begira Babiloniari: galdua da herria. Basapiztien menpe utzi du Asiriak; eraso-dorreak altxaturik, jauregiak desegin dizkio eta lurraldea hondakin-pila bihurtu.

ISAIAS 24:10

Hiri osoa, nahaspila eta hondamen; etxe guztiak, ateak trangaturik.

ISAIAS 25:12

Haren harresi sendo eta garaiak Jaunak bota eta eraitsiko ditu, lur jota eta hauts eginda utziko.

ISAIAS 26:5

Gailurrean bizi direnak eraitsi egiten ditu, hiri garaia lurreraino, hautsa jotzeraino botatzen,

ISAIAS 27:10

Izan ere, hiri gotortua hondaturik gelditu da, baserri hustuaren pare, basamortua bezain bakar. Txekorren larre eta etzaleku bihurtu da; bertara datoz adar-kimuak jatera.

ISAIAS 32:14

Errege-jauregia utzi egingo dute, hiri jendetsua hutsik geldituko da; Ofel auzoa eta zaintzeko dorrea, betiko hondaturik, basastoen etzaleku atsegin eta artaldeen larre-toki bihurtuko.

ISAIAS 32:19

nahiz eta basoa mozturik erori eta hiriak hondoa jo.

ISAIAS 34:13

Laharrak aterako dira hango jauregietan, sasiak eta garduak gotorlekuetan. Basa txakurren bizileku izango da, ostruken gordeleku.

ISAIAS 37:26

Baina ez al dakizu, Senakerib, aspalditik neuk prestatua nuela, antzinatik neuk erabakia orain burutzen ari naizen hau? Horregatik bihurtu dituzu hiri gotorrak zabor-pila.

JEREMIAS 51:26

Zure harriek baliorik ez inongo etxeren giltzarri izateko; ostera, hondamendi izango zara beti-betiko. Hala diot nik, Jaunak.

JEREMIAS 9:11

Zergatik hondatu da lurraldea? Zergatik erre eta basamortu bihurtu, inor ez bizitzeko moduan? Non da hau ulertuko duen jakintsua? Nori argitu dio Jaunak? Adieraz dezala.

DUTERONOMA 13:16

zeharo suntsituko duzue hiria, barruan den guztiarekin: ezpataz garbituko dituzue jendea eta abereak,

APOKALIPSIA 18:19

Eta, nork bere burura hautsa botaz, oihu egiten zuen negarrez eta aieneka: «Ai zu, ai hiri handia! Zure aberastasunei esker aberastu ziren itsasontziak zituzten guztiak. Horra orain une batean erraustua!»