ISAIAS 24:20 - Elizen Arteko Biblia (Biblia en Euskara Traducción Interconfesional)

²⁰ Mozkorrak bezala egiten du balantza, txosnak bezala ikara. Bere errebeldiaren zamapean erori da eta ezin berriro altxatu.

Navarro-Labourdin Basque

²⁰ Lurra hordia beçala andarca kordocan ibilico da; eta kendua içanen da, gau batençat hedatzen den olha iduri; eta bere tzarqueriac lehertuco du; erorico da, eta ez du jaiquitzera eguinen.

ISAIAS 24:20 ပူးပေါင်းရင်းမြစ်များ

JENESA 41:31

Aurrerantzean, asetasuna zer denik ere ez da jakingo ondoren etorriko den goseteagatik, hain larria izango baita.

JOB 12:25

iluntasun beltzean dabiltza itsumustuan eta mozkorrak legez zabunkarazten ditu Jainkoak.

SALMOAK 107:27

Bueltaka eta balantzaka, mozkorraren antzera, beren trebetasun guztia alferrik zutela.

SALMOAK 38:4

Gorputz osoa dut mindua, zure haserre-zigorrarengatik, hezurrik ere ez sano, neure bekatuagatik.

ISAIAS 1:28

Errebelde eta bekatarientzat, ostera, hondamendia; Jauna bazter uzten dutenenak egin du.

ISAIAS 1:8

Hor gelditu da Sion hiri ederra mahastian txabola eta meloi-sailean txosna bezain bakarti, etsaiz inguraturiko hiria bezain babesgabe.

ISAIAS 19:14

Zorabio-haizea sartu die Jaunak barruan: bere egiteko guztietan oker daramate Egipto; eta hala dabil, botaka eta balantzaka, mozkor baten antzera.

ISAIAS 24:1

Horra Jaunak lurra suntsitu eta errautsi, azpikoz gain irauli eta bizilagunak sakabanatu:

ISAIAS 28:7

Apaiz eta profetak ere estropezuka dabiltza ardoaren eraginez, bidetik oker pattarraren eraginez; pattarrarengatik estropezuka eta bidetik oker, ardotan itota: ikuskariak dituztenean itsumustuka eta epaia ematean zanbuluka.

ISAIAS 29:9

Harri zaitezte, harritu! Itsu zaitezte, itsutu! Mozkortu, baina ez ardoz! Egin balantza, baina ez edanarengatik!

ISAIAS 38:12

Bizia kentzen didate eta urruti eramaten, artzainaren oihal-etxola bezala. Ehotzen amaitu ondoren, ehuleak mozten duen ehunaren antzeko da nire bizia. Gau eta egun hilzorian naukazu.

ISAIAS 43:27

Zure lehen arbasoak ere bekatu egin zuen, zure ordezkariak nire aurka errebelatu ziren.

ISAIAS 66:24

Eta, tenplutik irtetean, nire kontra altxatu zirenen gorpuak ikusiko dituzte: karraskatzen dituen harra ez da hilko, ezta erretzen dituen sua itzaliko ere; mespretxagarri izango dira gizaki guztientzat».

JEREMIAS 25:27

Gero, hau esateko agindu zidan Jaunak: «Honela dio Jaun ahalguztidunak, Israelen Jainkoak: Edan, mozkortu, oka egizue eta erori lurrera, gehiago ez jaikitzeko, gerraren erasopean».

JEREMIAS 4:24

Begiratu dut mendietara, eta dardaraz daude; muinoetara, eta denak dantzan.

JEREMIAS 51:29

Lurra dar-dar dago ikaraz, Jaunak bere egitasmoa Babiloniaren aurka burutzean: Babilonia basamortu bihurtu, bizilagunik gabe utzi.

JEREMIAS 8:4

«Zuk, Jeremias, hauxe esango diozu herriari nire izenean: Erortzen dena, ez ote da jaikitzen? Bidea galdu duena, ez ote atzera itzultzen?

NEGAR KANTAK 1:14

Astuna da nire errebeldien uztarria; Jaunak bere eskuaz sortan lotu ditu denak, lepoan ezarri dizkit eta neure indarrak ahuldu. Aurre egin ezin diodan jendearen esku utzi nau.

DANIEL 11:19

Orduan, bere herrialdeko gotorlekuak hartzera joango da, baina arrakastarik gabe; bertan eroriko da, eta arrastorik ere utzi gabe desagertuko.

AMOSEN PROFECIA 8:14

Samariako sasijainkoen izenean zin egiten dutenak, “Gora zure jainkoa, Dan! Gora Beer-Xebako ahaltsua!” esanez, erori egingo dira, berriro ez jaikitzeko».

NAHUM 1:5

Hura agertzean, dardaraz jartzen dira mendiak, koloka muinoak; haren aurrean ikaratu egiten da lurra, baita mundua eta bertan bizi direnak ere.

APOKALIPSIA 18:21

Orduan, aingeru ahaltsu batek harri bat, errotarri handi baten antzekoa, jaso eta itsasora jaurti zuen, esanez: «Honelaxe jaurtiko dute Babilonia, hiri handia, eta betiko desagertuko da.