ISAIAS 20:2 - Elizen Arteko Biblia (Biblia en Euskara Traducción Interconfesional)

² Garai horretan, Amotzen seme Isaiasen bidez mintzatu zen Jauna. Hau esana zion aurretik: «Ea, erantzi soinean daramazun dolu-jantzia eta kendu oinetakoak». Hala egin zuen Isaiasek, eta larrugorri eta oinutsik gelditu zen.

Navarro-Labourdin Basque

² Ordu hartan, Amosen seme Isaiasi minçatu citzaioen Jauna, cioelaric: Çoaz eta soinetic ken çaçu çure çakua, eta çangoetaric çure oinetacoac. Eta hala eguin çuen, eta goan cen bulucic eta oinetacoric gabe.

ISAIAS 20:2 ပူးပေါင်းရင်းမြစ်များ

2 SAMUEL 15:30

David Oliamendiko maldan gora zihoan negarrez, burua estalirik eta oinutsik; berarekin zen jende guztia ere, burua estalirik, negarrez zihoan gorantz.

2 SAMUEL 6:20

David bere jauregia bedeinkatzeko itzuli zenean, Saulen alaba Mikal atera zitzaion, esanez: —Itxura ederra azaldu du gaur Israelgo erregeak, bere morroi-mirabeen aurrean biluzik, edozein lagun zirtzil biluzik jarriko litzatekeen bezala, jarriz!

2 ERREGEAK 1:8

Haiek erantzun: —Larruz jantzia zegoen eta gerria larruzko uhalez lotua zeraman. Orduan, erregeak: —Tixbeko Elias!

SALMOAK 30:11

Entzun, Jauna! Erruki nitaz! Jauna, zatozkit lagun!»

IRTEERA 3:5

—Ez hurbildu —esan zion Jaunak—. Erantzi oinetakoak, zauden lekua lur santua baita.

ISAIAS 1:1

Hona hemen Jaunak Amotzen seme Isaiasi Juda eta Jerusalemi buruz agertu zion mezua, Uzias, Jotam, Akaz eta Ezekias Judako errege zirela.

ISAIAS 13:1

Babiloniaren aurkako mezua, Jainkoak Amotzen seme Isaiasi agertua.

ISAIAS 37:2

Eta Amotzen seme Isaias profetagana bidali zituen Eliakim jauregizaina, Xebna idazkaria eta apaizik zaharrenak, doluz jantzirik,

JEREMIAS 48:37

Burua soil eta bizarra motz dute guztiek, besoak urratuak eta dolu-jantzia soinean.

EZEKIEL 24:17

Egin negar isilean, baina ez egin ohiko dolurik; jarri buruzapia, jantzi sandaliak, ez estali aurpegia eta ez jan hileta-ogirik».

EZEKIEL 24:23

Buruzapiekin eta sandaliekin jarraituko duzue, ez duzue dolu egingo, ezta negarrik ere, baizik eta zeuen erruengatik galduko zarete eta elkarren artean jardungo negar-zotinka.

EZEKIEL 4:1

Esan zidan Jaunak: «Gizaseme, hartu adreilu bat eta jarri zeure aurrean; marraztu gainean hiri bat, Jerusalem.

MIKEAS 1:11

Zoazte hiritik, Xafirko jendeok, biluzik eta lotsaz beterik. Tzaanango jendea ez da hiritik aterako. Dolu dagite Bet-Etzelgoek, ez baitute laguntzarik izango.

MIKEAS 1:8

Horregatik, negar eta erosta egingo dut, oinutsik eta biluzik joango naiz; basatxakurrak bezala uluka ariko naiz, ostrukak bezala intzirika.

ZAKARIAS 13:4

Egun hartan, lotsatu egingo dira profetak beren profeta-jardunaz eta ez dira soingaineko iletsuz jantziko, engainatzeko.

MATEO 16:24

Orduan, esan zien Jesusek bere ikasleei: «Nire ondoren etorri nahi duenak uko egin biezaio bere buruari, bere gurutzea hartu eta jarrai biezat.

MATEO 3:4

Joanek gamelu-ilezko jantzia zuen soineko eta larruzko uhala gerriko, eta matxinsaltoak eta basaeztia zituen janari.

JOAN 21:7

Orduan, Jesusek maite zuen ikasle hark esan zion Pedrori: «Jauna da». Simon Pedrok, Jauna zela entzun bezain laster, soinekoa jantzi (erantzia baitzuen) eta salto egin zuen uretara.

EGINAK 19:16

Bat-batean, espiritu gaiztodun gizonak gainera oldartu eta menpean hartu zituen denak, eta hain gogor eraso zien, ezen larrugorrian eta zauriturik ihes egin behar izan baitzuten etxe hartatik.

EGINAK 21:11

Gu ikustera etorri zen eta, Pauloren gerrikoa harturik, harekin bere esku-oinak lotu eta esan zuen: «Hona zer dioen Espiritu Santuak: Honelaxe lotuko dute juduek Jerusalemen gerriko honen jabea, eta jentilen eskuetara emango dute».

JOSUE 5:15

Jaunaren gudarosteko buruzagiak erantzun zion: —Erantzi oinetakoak, zauden lekua santua baita. Halaxe egin zuen Josuek.

APOKALIPSIA 11:3

Orduan, neure bi testiguak bidaliko ditut dolu-jantziz estalirik, mila berrehun eta hirurogei egunez profetiza dezaten».

1 SAMUEL 19:24

Bera ere biluztu eta beste guztiekin batera sartu zen profeta-trantzean Samuelen aitzinean. Han egon zen etzana, larrugorri, egun eta gau osoan. Hortik dator esaera: «Saul ere profeta artean?»