ISAIAS 11:9 - Elizen Arteko Biblia (Biblia en Euskara Traducción Interconfesional)

⁹ Nire mendi santu osoan ez du inork kalterik, ez hondamendirik egingo, Jaunaren ezagupenak beteko baitu lurralde osoa, urak itsasoa bezala.

Navarro-Labourdin Basque

⁹ Cierpe horiec ez dute dainuric eguinen ez-eta hilen ene mendi saindu gucian, ceren Jaunaren jaquitateaz bethea baita lurra, itsasoco urec estalcen duten beçala.

ISAIAS 11:9 ပူးပေါင်းရင်းမြစ်များ

JOB 5:23

Harriek ez dizute soroan trabarik egingo, eta bakean biziko zara piztiekin.

SALMOAK 72:19

Bedeinkatua betiko haren izen ospetsua! Haren aintzak bete beza lur osoa! Amen. Amen.

SALMOAK 78:54

Bere lurralde santura eraman zituen, berak eskuratutako mendiraino.

ISAIAS 11:13

Efraimen ikusezina galdu egingo da eta Judaren etsaigoa amaitu. Efraimek ez du Judarentzat ikusezinik izango, ezta Judak ere Efraimentzat etsaigorik.

ISAIAS 11:8

Bularreko haurra suge-zuloetan jolastuko da, sugegorri-habian sartuko du eskua.

ISAIAS 2:4

Hark epaituko ditu nazioak, erabakiko herrialde askoren auziak. Ezpatak golde bihurtuko dituzte eta lantzak igitai. Ez da naziorik nazioren aurka altxatuko, ez dira gehiago gudurako prestatuko.

ISAIAS 30:26

Jaunak bere herriaren zauriak lotu eta sendatuko dituenean, ilargiak eguzkiak bezala egingo du argi; eguzkiaren argia, berriz, zazpi aldiz handiagoa izango da, zazpi eguzkirena batean bezalakoa.

ISAIAS 32:16

Eta batean zein bestean zuzenbidea eta justizia nagusi.

ISAIAS 33:6

Seguru biziko zara beti: jakinduria eta adimena, ondasun salbagarri; Jaunarenganako begirunea, zeure aberastasun.

ISAIAS 35:9

Ez da han lehoirik izango, ez piztia gaiztorik ibiliko, ezta bat bakarrik ere. Bide horretatik itzuliko dira Jaunak askatuak,

ISAIAS 45:6

ekialdetik mendebaldera jakin dezaten ez dela inor ni besterik. Neu naiz Jauna, ez da besterik.

ISAIAS 49:6

«Ez da aski zu nire zerbitzari izatea Jakoben leinuak susperrarazi eta berritzeko eta Israelen bizirik geldituak itzularazteko; nazioen argitzat ezarriko zaitut, nire salbamena lurraren bazterreraino eraman dezazun».

ISAIAS 52:10

Bere jainkozko indar paregabea azaldu du Jaunak nazio guztien aurrean. Mundu-bazter guztiek ikusiko dute gure Jainkoaren garaipena.

ISAIAS 54:5

egin zintuenak emaztetzat hartuko baitzaitu: Jaun ahalguztiduna, horixe du izena. Israelen Jainko santua da zure askatzailea: lur osoaren Jainkoa deritza.

ISAIAS 56:7

neure mendi santura ekarriko ditut eta neure otoitz-etxean pozez beteko. Atseginez onartuko ditut neure aldarean haien erre-opari eta sakrifizioak, nire etxea herri guztientzat otoitz-etxe izango baita».

ISAIAS 59:19

Haize indartsuak bultzaturiko ibai oldartsua bezala etorriko da Jauna, eta ekialdetik mendebalderaino denek izango diote begirune Jaunari.

ISAIAS 65:25

Otsoa eta arkumea elkarrekin larratuko dira, lehoiak lastoa jango du, idiaren antzera, eta sugeak hautsa izango janari. Nire mendi santu osoan ez du inork kalterik, ez hondamenik egingo». Jaunak esan du.

ISAIAS 66:18

Jaunak dio: «Hizkuntza orotako nazioak biltzera etorriko naiz; haiek etorri eta nire ospea ikusiko dute.

ISAIAS 66:20

Atzerriko nazio guztietatik ekarriko dituzte zuen herritarrak zaldi, gurdi eta ohatiletan, mando nahiz gamelu gainean; niretzat, Jaun honentzat, opari gisa ekarriko dituzte Jerusalemgo nire mendi santuraino, israeldarrek beren opariak ontzi garbietan Jaunaren etxera eraman ohi dituzten bezalaxe. Hala diot nik, Jaunak.

JEREMIAS 31:23

Jaun ahalguztidunak, Israelen Jainkoak, dio: «Neure herriaren zoria aldatuko dudanean, Judan eta bertako hirietan hauxe esango da berriro: “Jaunak bedeinka zaitzala, justiziaren barruti, mendi santu hori!”

JEREMIAS 31:34

Ez dute elkarri irakatsi beharrik izango, “Ezagutu Jauna” esanez, guzti-guztiek, txiki nahiz handi, ezagutuko bainaute. Barkatu egiten baitiet beren gaiztakeria, beraien bekatua ez dut gehiago gogoratuko. Nik, Jaunak, esana».

EZEKIEL 34:25

Bakea ekarriko dien ituna egingo dut neure artaldearekin: basapiztiak desagerraraziko ditut herrialdetik, seguru biziko dira landa zabalean eta lasai lo egingo basoetan.

EZEKIEL 47:5

Beste bostehun metro neurtu zituen: pasaezineko erreka zen, hain baitziren handiak urak; erreka hura ezin nuen igerian baizik pasatu.

DANIEL 11:45

Itsasoaren eta mendi santu ederraren artean jarriko du errege-kanpalekua. Hantxe iritsiko zaio azkena; ez zaio etorriko inortxo ere laguntzera.

DANIEL 12:4

Eta zuk, Daniel, gorde isilpean mezu hau eta itxi zigiluz liburua azken garaia arte. Orduan, askok aztertuko dute eta beren jakinduria sakonduko”.

OSEAS 2:18

Egun hartan —hala diot nik, Jaunak— “Ene senar” esango didazu, eta ez “Ene Baal”.

HABAKUK 2:14

Bai, nola urak itsasoa, hala beteko du lurra Jaunaren aintzaren ezagupenak.

ZAKARIAS 14:9

Mundu osoaren errege izango da Jauna. Egun hartan bakarra izango da Jauna, eta ez da haren izena baizik aipatuko.

ZAKARIAS 8:3

Honela diotsuet nik, Jaun ahalguztidun honek: Itzuliko naiz Sionera, Jerusalemen naiz biziko, Jerusalem “Hiri Zintzo” deituko da; Jaun ahalguztidunaren Sion mendia “Mendi Santu”.

1 TESALONIKARREI 5:15

Ez itzuli inori gaitzik gaitz orde eta saia zaitezte beti elkarri eta denei ongi egiten.

APOKALIPSIA 21:27

Ez da han ezer kutsaturik sartuko, ez sasijainkozalerik, ez gezurtirik, Bildotsaren biziaren liburuan izenak idatzirik dituztenak baizik.