ISAIAS 1:23 - Elizen Arteko Biblia (Biblia en Euskara Traducción Interconfesional)

²³ Zure agintariak errebeldeak dira, lapurrekin bat datoz. Denak eskupeko-zale, erregalu-gose. Umezurtzari ez diote justiziarik egiten, alargunaren eskubideak ez die axolarik.

Navarro-Labourdin Basque

²³ Hire buruçaguiac fedegabeac, ohoin-lagunac ditun; guciac emaitza-çale dira, sarien ondotic dabilça. Umeçurçarençat ez diote çucenari bere bidea ematen, eta alhargunaren xuritzecoac ez du hequien aitzinera sarbideric.

ISAIAS 1:23 ပူးပေါင်းရင်းမြစ်များ

2 KRONIKAK 36:14

Apaizburuek eta herriak ere okerkeria okerkeriaren gainean egiten zuten, arrotzen ohitura higuingarriak hartuz. Jaunak Jerusalemen beretzat sagaratua zuen tenplua ere kutsatu egin zuten.

IRTEERA 23:8

«Ez onartu eskupekorik, itsutu egiten baititu pertsona argiak ere eta hondatu egiten zintzoen epaia.

ERRAN-ÇAHARRAC 17:23

Gaiztoak eskupekoak onartzen ditu zuzenbidea okertzearren.

ERRAN-ÇAHARRAC 29:24

Lapurraren partaideak bere buruari gorroto; madarikazioa bereganatzen du ez duelako salatzen.

ISAIAS 1:17

ikasi onbidea, saiatu zuzenbidean: lagundu zapalduari, egin justizia umezurtzari, defendatu alarguna!»

ISAIAS 1:18

Honela dio Jaunak: «Zatozte, erabaki dezagun auzia: zuen bekatuak gorria baino gorriago badira ere, elurra bezain zuri geldituko dira; purpura bezain gorri izanik ere, artilearen antzeko bihurtuko dira.

ISAIAS 1:22

Lehen zilar ziren, orain zabor; lehen ardo on, orain urardo.

ISAIAS 28:14

Entzun, beraz, Jaunaren hitza, Jerusalemgo herri honen gobernari zareten jende harroputzok.

ISAIAS 3:14

Bere herriko arduradun eta buruzagiei auzitara deitzen die eta esaten: «Zuek suntsitu duzue nire mahastia, behartsuei lapurtuaz beterik dauzkazue etxeak.

ISAIAS 30:1

Hau dio Jaunak: «Ai zuek, jende errebeldea! Nire oniritzirik gabe eratzen dituzue egitasmoak eta nire borondatearen aurka burutzen hitzarmenak, horrela bekatua bekatuaren gain pilatuz.

ISAIAS 33:15

Zuzen jokatzen eta egia esaten duenak, bidegabekeriazko irabazirik onartzen ez eta eskupeko dirurik jasotzen ez duenak, hilketa-proposamenei jaramonik egiten ez eta txarkeria begi onez ikusten ez duenak.

ISAIAS 5:23

errudunari diru-truke arrazoi ematen eta errugabeari zuzenbidea ukatzen diozuenok!

ISAIAS 65:2

Egun osoan luzatuak nituen eskuak bide txarretik, bere nahierara dabilen herri errebeldeagana,

JEREMIAS 22:17

«Zuk, ordea, irabazteari besterik ez diozu begiratzen, errugabea hil eta herria zapaldu eta esplotatzeari besterik ez».

JEREMIAS 32:32

israeldarrek eta judatarrek egin dituzten gaiztakeria guztiengatik: iraindu egin naute israeldarrek, beren errege eta buruzagiek, apaiz eta profetek, Judako eta Jerusalemgo bizilagun guztiek.

JEREMIAS 4:17

Alde guztietatik inguratzen dute Jerusalem, landazainek egin ohi duten bezala. Jaunak dio: «Nire aurka jaiki zarelako gertatzen zaizu hori.

JEREMIAS 5:5

Jo dezadan handikiengana, beraiei hitz egiteko; haiek bai ezagutuko dutela Jaunaren bidea, beren Jainkoaren agindua. Baina era berean hautsi dute denek Jaunaren uztarria, eten harekiko lokarriak.

JEREMIAS 5:6

Horregatik, basoko lehoiek zaurituko dituzte, basamortuko otsoek txikituko; lehoinabarrak zelatan daude haien hiri inguruan, handik irteten diren guztiak sarraskitzeko. Izan ere, asko baitira haien errebeldiak, izugarri larriak haien desleialkeriak.

EZEKIEL 12:2

«Gizaseme, herri errebeldearen artean bizi zara; badituzte begiak ikusteko, baina ez dute ikusten; belarriak entzuteko, baina ez dute entzuten; izan ere, herri errebeldea da.

EZEKIEL 22:27

Buruzagiak harrapakina urratzen duten otsoak bezalakoak dira: odola isurtzen eta jendea garbitzen dute, berak aberasteko.

OSEAS 4:18

Ardo-edana egin ondoren, prostituzioari eman diote erabat, eta haien buruzagiek lotsaizuna dute gogoko.

OSEAS 5:10

Honela dio Jaunak: «Mugarriak aurreratzen dituztenek bezala jokatzen dute Judako buruzagiek. Ura bezala isuriko diet neure haserrea.

OSEAS 9:15

«Gilgal-en agertu zen haien txarkeria guztia. Han hasi zen haienganako nire gorrotoa. Beren okerrengatik, bota egingo ditut neure etxetik, ez ditut gehiago maite izango. Errebeldeak dira haien buruzagi guztiak.

AMOSEN PROFECIA 5:12

Ondo ezaguna dut zuen errebeldien neurrigabea eta zuen bekatuen astuna: errugabea estutu duzue, eskupekoa jaso, auzitegian behartsuen eskubidea baztertu.

MIKEAS 3:11

Buruzagiek eskupekoaren truke epaitzen dute, apaizek soldatagatik irakasten, profetek diru-ordainetan iragartzen; eta, halere, Jaunarengan babesten dira, esanez: «Ez al dugu, bada, Jauna geurekin? Zoritxarrak ez gaitu joko».

MIKEAS 3:9

Entzun hau, Jakoben herriaren buruzagiok, Israelgo agintariok, zuzentasuna higuintzen eta zuzenbidea okertzen duzuenok:

MIKEAS 6:12

Hiri honetako aberatsek gogorkeriara jotzen dute; hemengo bizilagunak gezurra dariela mintzo dira, maltzurkeria besterik ez dute ahoan.

MIKEAS 7:3

prest dituzte bi eskuak kalte egiteko: buruzagiak eta epaileak eskupekoa eskatzen dute, handikiek beren diru-gosea adierazten; eta bat datoz denak nork berea egiteko.

ZAKARIAS 7:10

ez zapaldu alargun, umezurtz, arrotz eta errukarriak; ez dezala inork lagun hurkoaren aurka kalterik asmatzen jardun».

MALAKIAS 3:5

Honela dio Jaun ahalguztidunak: «Zuek auzitara eramatera etorriko naiz. Zorrotz salatuko ditut sorginkeria-zale, adulteriogile eta gezurrezko zin-egileak; langileei soldata gutxitzen, alargunak eta umezurtzak zapaltzen eta etorkinak gaizki erabiltzen dituztenak, begirunerik ez didaten guztiak salatuko ditut.

NOMBREAC 22:7

Moab eta Madiango herri-arduradunak, madarikazio-zina ordaintzeko dirua harturik, Balaamengana joan ziren eta Balaken mezua adierazi zioten.

MATEO 21:13

Eta esan zien: «Liburu Santuak dio: Nire etxea otoitz-etxe izango da; zuek, berriz, lapur-zulo egina duzue».

MARKOS 11:17

Gero, irakasten hasi zitzaien, esanez: «Ez al dio Liburu Santuak: Nire etxea otoitz-etxe izango da herri guztientzat? Zuek, berriz, lapur-zulo egina duzue».

LUKAS 19:46

esanez: «Liburu Santuak dio: Nire etxea otoitz-etxe izango da; zuek, berriz, lapur-zulo egina duzue».

LUKAS 24:27

Eta, Moisesengandik hasi eta profetaz profeta, Liburu Santuek berari buruz zioten guztia azaldu zien.

DUTERONOMA 16:19

«Ez okertu zuzenbidea alderdikeriaz jokatuz; ez onartu eskupekorik, itsutu egiten baititu pertsona jakintsuak ere eta hondatu egiten zintzoen epaia.

SANTIAGO 1:27

Jainko Aitaren aurrean benetan garbi eta akats gabeko erlijioa hauxe da: umezurtz eta alargunei beren premietan laguntzea eta munduko gaiztakeriarekin nork bere burua ez kutsatzea.

1 SAMUEL 8:3

Semeak, ordea, ez zebiltzan aitaren bidetik; diruzalekeriari emanak, eskupekoak onartzen zituzten eta epai okerrak egiten.