IRTEERA 33:7 - Elizen Arteko Biblia (Biblia en Euskara Traducción Interconfesional)

⁷ Hartu zuen Moisesek etxola eta kanpalekutik urruti ezarri zuen. «Elkarketa-etxola» eman zion izen. Jaunaren nahia jakin nahi zuena, kanpalekutik aparte zegoen elkarketa-etxolara joaten zen.

Navarro-Labourdin Basque

⁷ Moisec ere, tabernaclea harturic, jarri çuen campetaric urrun eta icendatu çuen patuco tabernaclea. Eta populuco guciac, cerbait galde eguiteco çutenac, campetaric ilkitzen ciren patuco tabernaclera.

IRTEERA 33:7 ပူးပေါင်းရင်းမြစ်များ

2 SAMUEL 21:1

Daviden garaian, hiru urtez iraun zuen gosetea izan zen. Davidek Jaunari kontsulta egin zion eta Jaunak erantzun: —Odola zor dute oraino Saulek eta beronen senitartekoek, gabaondarrak hil zituztelako.

SALMOAK 10:1

Jauna, zergatik gelditzen zara urrun? Zergatik ezkutatzen larrialdian?

SALMOAK 27:8

Bihotzak esaten dit: «Ea, bila ezazu Jaunaren aurpegia». Zure aurpegiaren bila nator, bai, Jauna.

SALMOAK 35:22

Ikusi duzu, Jauna! Ez isildu! Jauna, ez egon niregandik urrun!

IRTEERA 18:12

Moisesen aitaginarreba Jetrok erre-opari eta sakrifizioak eskaini zizkion Jainkoari. Gero, Aaron eta Israelgo arduradun guztiek otordua egin zuten Moisesen aitaginarrebarekin Jainkoaren aurrean.

IRTEERA 18:7

Moises bere aitaginarrebari bidera atera zitzaion, eta, ahuspezturik, besarkatu egin zuen; elkar agurtu ondoren, oihal-etxolan sartu ziren.

IRTEERA 33:6

Honela, Horeb menditik aurrera, ez zuten israeldarrek festa-jantzirik erabili.

IRTEERA 33:8

Moises etxolara zihoanean, berriz, herri osoa, nor bere etxolaren sarreran, Moisesi begira egon ohi zen, hura etxolara sartu arte.

ERRAN-ÇAHARRAC 15:29

Jauna urruti dago gaiztoengandik, baina entzuten du zintzoen otoitza.

ISAIAS 59:2

zeuen erruek ezarri dute hesia zuen eta Jainkoaren artean; zeuen bekatuek ezkutarazi diote aurpegia, zuen otoitzik ez entzuteko.

OSEAS 9:12

Haurrak hazten badituzte ere, gizondu baino lehen kenduko dizkiet. Errukarriak benetan, nik alde egingo diedanean!

DUTERONOMA 4:29

Han zaudetela, Jaunaren zeuen Jainkoaren bila hasiko zarete, eta aurkitu ere aurkituko duzue, bihotz-bihotzez eta gogo osoz harengana jotzen baduzue.

HEBREARREI 8:2

eta bere apaiz-zerbitzua Jainkoak egindako benetako santutegian betetzen du, eta ez gizakiek egindako itun-etxolan.