IRTEERA 17:7 - Elizen Arteko Biblia (Biblia en Euskara Traducción Interconfesional)

⁷ Leku hari Masa eta Meriba —hau da, «Tentalekua» eta «Auzi-lekua»— eman zion izena, han berari aurpegi eman eta Jauna tentatu zutelako, esanez: «Jauna geurekin dugu, bai ala ez?»

Navarro-Labourdin Basque

⁷ Eta toqui hura deithu çuen Froga-leku, Israelgo semeen jaçargoa gatic, eta ceren Jauna bilhatu çuten erraten çutelaric: Gu baithan othe da Jauna, ala ez?

IRTEERA 17:7 ပူးပေါင်းရင်းမြစ်များ

SALMOAK 106:32

Meribako iturrian Jainkoa haserretu zuten, eta haien erruz Moisesek jasan zuen kaltea.

SALMOAK 78:18

Jainkoa probatu nahi izan zuten, gogoak ematen zien jatekoa eskatuz.

SALMOAK 81:7

«Bizkarretik zama kendu nizun, zure besoak lan astunetatik askatu.

SALMOAK 81:8

Zapaldurik zeundela, deiadar egin zenidan, eta libratu zintudan. Ekaitzaren erditik erantzun nizun, Meribako iturrian probatu ninduzun arren.

SALMOAK 95:8

«Ez gogortu bihotzak zuen gurasoek Meriban bezala, Masako egun hartan basamortuan bezala,

IRTEERA 17:2

Orduan, aurpegi eman zioten Moisesi, esanez: —Emaguzu ura edateko! Moisesek erantzun zien: —Zer dela eta ematen didazue aurpegi niri? Zergatik tentatzen duzue Jauna?

IRTEERA 34:9

eta esan zuen: «Jauna, gogoko banauzu, zatoz gurekin, arren! Herri hau burugogorra da, bai; baina zuk barkatu gure gaiztakeria eta bekatua, eta har gaitzazu zeure ondaretzat».

ISAIAS 12:6

Egin poz-irrintzi eta oihu, Siongo bizilagunok, handikiro ari baita zuen alde Israelgo Santua».

MIKEAS 3:11

Buruzagiek eskupekoaren truke epaitzen dute, apaizek soldatagatik irakasten, profetek diru-ordainetan iragartzen; eta, halere, Jaunarengan babesten dira, esanez: «Ez al dugu, bada, Jauna geurekin? Zoritxarrak ez gaitu joko».

NOMBREAC 14:22

ez duela arbasoei hitzemandako lurraldea ikusiko mespretxatu nauten horietako inork, Egipton eta basamortuan nire aintza eta mirariak ikusi arren, behin eta berriro ni auzitan jarri eta desobeditu egin baitidate.

NOMBREAC 20:13

Gertakari hau dela eta, iturri hark «Meribako Urak» du izen, —hau da, «Auzi Urak»—, han eman baitzioten aurpegi israeldarrek Jaunari, eta honek bere santutasuna agertu zuen.

NOMBREAC 20:24

«Aaron hil egingo da, ezin baita sartu israeldarrei emango diedan lurraldean, muzin egin baitzenieten nire aginduei Meribako iturriaren ondoan.

NOMBREAC 27:14

Eta hori, Tzin basamortuan israeldar elkarteak aurpegi eman zidanean, nire agindua zalantzan jarri zenutelako: ez zenidaten utzi neure santutasuna israeldarren aurrean agertzen, ura sorraraziz» (Tzin basamortuan, Kadexen dagoen Meribako iturrian gertatua aipatzen da hemen).

JOAN 1:14

Eta Hitza gizon egin zen eta gure artean jarri bizitzen. Ikusi dugu haren Jainko-aintza, Aitarengandik maitasun eta egiaz betea datorren Seme bakarrari dagokion aintza.

DUTERONOMA 31:17

Orduan, nire haserrea piztuko da israeldarren kontra eta bertan behera utziko ditut; ezkutatu egingo diet aurpegia eta irentsi egingo dituzte. Jasan beharko dituzten zoritxar eta atsekabe izugarriek jotzean, ohartuko dira, ni, Jaun hau, beraiekin ez nengoelako gertatu zitzaizkiela zoritxar guztiak.

DUTERONOMA 33:8

Lebirentzat esan zuen: «Tumim eta Urim zure epaigailuak Lebiri eman zizkioten, Jauna, leial izan zitzaizunari, alegia. Herriak Jauna tentatu zuen Masan, aurpegi eman Meribako iturrian.

DUTERONOMA 6:16

Ez tentatu Jauna zeuen Jainkoa, Masan egin zenuten bezala.

DUTERONOMA 9:22

«Taberan, Masan eta Kibrot-Taaban ere sumindu zenuten Jauna.

JOSUE 22:31

Pinhasek, Eleazar apaizaren semeak, esan zien: «Orain badakigu Jauna geurekin dugula, ez baituzue beraren kontra horrelako desleialkeriarik egin. Horrela, Israel osoa libratu duzue Jaunaren zigorretik».