HABAKUK 2:19 - Elizen Arteko Biblia (Biblia en Euskara Traducción Interconfesional)

¹⁹ «Zoritxarrekoa zu, egur-puska bati: “Esna zaitez!” eta harri mutuari: “Jaiki!” esaten diezun hori! Agertuko ote dizute horiek mezurik? Urrez eta zilarrez jantziak daude, bai, baina beren baitan ez dute bizi-arnasarik.

Navarro-Labourdin Basque

¹⁹ Çorigaitz hainari ceinac çurari erraten baitio: Atzar çaite! eta ixilic dagoen harriari: Jaic çaite! Harri harec argui othe deçaque? Hara non den urhez eta cilharrez estalia; bainan den-gutieneco hatsic ez da haren sabelean.

HABAKUK 2:19 ပူးပေါင်းရင်းမြစ်များ

SALMOAK 135:17

belarriak bai, eta entzuten ez; ez dute arnasarik ahoan.

JEREMIAS 10:4

urre eta zilarrez apainduak eta iltzez eta mailuz josiak, eror ez daitezen.

JEREMIAS 10:9

Beraien idoloak artisau eta zilarginen lan dira, Tarsisko zilarrez eta Ufazko urrez estaliak, purpura more eta gorriz jantziak.

APOKALIPSIA 17:4

Emakumea purpuraz eta gorriminez zegoen jantzia eta urrez, harribitxiz eta perlaz apaindua; eskuan urrezko edalontzi bat zuen bere prostituzio zikinaren fruitu higuingarriz betea;

EGINAK 17:29

Beraz, Jainkoaren jatorrikoak bagara, ez genezake pentsa Jainkoa giza trebetasunak eta irudimenak landutako urre, zilar edo harrizko irudien antzeko denik.

DANIEL 5:23

Zeruko Jauna mespretxatu duzu, haren tenpluko ontziak ekarri eta zeure funtzionario, emazte eta ohaideekin ardoa edateko erabiliz. Bitartean, zilar, urre, brontze, burdina, zur eta harriz eginiko jainko-irudiak, ezer ikusten, entzuten eta ulertzen ez dutenak, goretsi dituzu; baina ez duzu goretsi zure bizia eta etorkizuna bere esku dituen Jainkoa, diren guztiak egin dituena.

DANIEL 3:29

Horregatik, hauxe agintzen dut: Xadrak, Mexak eta Abed-Negoren Jainkoaren kontra gaizki hitz egiten duena, edozein herri, nazio edo hizkuntzatakoa delarik ere, txiki-txiki egina izango da, eta halakoaren etxea zabortegi bihurtua. Ez baita gizona horrela libra dezakeen beste jainkorik».

DANIEL 3:18

Eta hala ez balitz ere, jakin ezazu, errege jauna, ez ditugula zerbitzatuko zure jainkoak, ezta gurtuko ere zuk eraiki duzun urrezko irudia.

DANIEL 3:7

Horrela, bada, herri, nazio eta hizkuntza guztietako jendeak, turuta, txirula, zitara, alboka, harpa eta beste musika-tresnen hotsa entzun zueneko, lurreraino ahuspeztuz, Nabukodonosor erregeak eraikitako irudia gurtu zuen.

DANIEL 3:1

Nabukodonosor erregeak urrezko irudi bat egiteko agindu zuen, hogeita hamar metro gora eta hiru metro zabal, eta Babilonia eskualdeko Dura lautadan ipini zuen.

JEREMIAS 51:47

«Baina badator garaia, Babiloniako idoloak zigortuko ditudana: herrialdea lotsaz beteko da, bertako bizilagunen gorpuek estaliko dute.

JEREMIAS 10:14

Orduan, gizaki oro zoraturik gelditzen da, ulertezinik; zilargina idoloez lotsaturik, gezurrezkoak baitira, arnasarik gabeko irudi,

ISAIAS 46:6

Batzuek urrea poltsatik atera, zilarra balantzan pisatu eta zilargina alokatzen dute, jainkoa egin diezaien, eta ahuspezturik huraxe gurtzen.

ISAIAS 44:17

Beste erdiarekin, berriz, jainko-irudi bat egiten du eta aurrean ahuspezturik gurtzen. Eta otoitz egiten dio, esanez: «Salba nazazu, zu baitzaitut jainko!»

ISAIAS 40:19

Artisauak urtzen du idoloa, zilarginak estaltzen urrez eta apaintzen zilarrezko katez.

SALMOAK 97:7

Lotsa dira idolozale guztiak, huskeria horiekin harro daudenak. Ahuspez Jaunaren aurrean beste jainko guztiak!

JONAS 1:5

Marinelak erabat beldurtu eta nor bere jainkoari oihuka hasi ziren. Ontziaren zama arintzeko, hornigaiak itsasora jaurti zituzten. Bitartean, Jonas ontzi barrenera jaitsia zen eta etzanik lozorroan zegoen.

SALMOAK 135:15

Jentil-herrien idoloak zilar eta urre dira, gizakien eskulan.

ISAIAS 26:14

Hilak daude, eta ez dira berpiztuko, haien arimak ez dira altxatuko, zuk zigortu baitituzu eta suntsitu. Haien oroitzapena ere galdu egingo da.

ISAIAS 41:26

Nork iragarri zuen hau hasieratik, nork aurrez adierazi, jakin genezan eta egia zela aitortu? Ez, ez zuen inork iragarri, ez zuen inork adierazi, ez zizuen inork ezer entzun.

ISAIAS 57:6

Israel, erreka ondoko harri leunak, zeure kultugai izan dituzunak, horiexek izango dituzu zorigaitz. Horiei eskaini dizkiezu isur- eta labore-opariak. Eta horrek baretu behar ote du nire haserrea?

JEREMIAS 2:27

Egur-puska bati esaten diote: “Zeu zara nire aita”; harriari: “Zeuk nauzu sortu”. Bizkarra ematen didate, ez aurpegia; zoritxar-egunean, ordea, “Zatozkigu salbatzera” diote.

JEREMIAS 2:28

Judako jende horrek, non dituzu zeuk egindako jainkoak? Datozela zoritxar-egunean zu salbatzera. Hiriak bezainbat jainko izan dituzu.

JEREMIAS 10:3

Herri horien erlijioa hutsaren pareko: horien idoloak basoan ebakitako egur-puskak dira, artisauaren eskuak zizelez landuak,

JEREMIAS 51:17

Orduan, gizaki oro zoraturik gelditzen da, ulertezinik: zilargina idoloez lotsaturik, gezurrezkoak baitira, arnasarik gabeko irudi,

DANIEL 5:4

Ardoa edaten zuten bitartean, urre, zilar, brontze, burdina, zur eta harrizko jainko-irudiak goresten hasi ziren.