FILIPOARREI 3:1 - Elizen Arteko Biblia (Biblia en Euskara Traducción Interconfesional)

¹ Gainerakoan, senideok, poz zaitezte Jaunarengan. Zuei beti gauza berak idaztea niretzat ez da nekagarri; zuentzat, berriz, sendogarri da.

Navarro-Labourdin Basque

¹ Gaineracoaz den becembatean, ene anayeác, aleguera çaitezte Iaunean: Gauça berén çuey scribatzera niri etzait herabe, eta çuen segurançá da.

FILIPOARREI 3:1 ပူးပေါင်းရင်းမြစ်များ

1 KRONIKAK 15:28

Israeldar guztiak igo ziren Jaunaren itun-kutxarekin batera, poz-oihu artean, adar, turuta, txilin, harpa eta zitarak joz.

1 KRONIKAK 16:10

Harro zaitezte hartaz, Jainko santuaz, poztu, Jaunaren bila zabiltzatenok!

1 KRONIKAK 29:22

Egun hartan alaitasun handiz jan eta edan zuten Jaunaren aurrean. Berriro ere errege izendatu zuten Daviden seme Salomon eta buruzagi gantzutu Jaunaren izenean. Tzadok, berriz, apaiz gantzutu zuten.

NEHEMIAS 8:10

Gainera, esan zien: «Zoazte eta jan haragi guria, edan edari bikainak, eta bidali janaria ezer ez dutenei ere, egun hau Jaunari sagaratua baita. Ez atsekabetu, Jaunarengandiko pozak ematen baitizue indar!»

JOB 22:26

Orduan, Ahaltsua izango da zure atsegina, eta konfiantzaz begiratuko diozu.

SALMOAK 149:2

Poz bedi Israel bere Egileaz, alaitu siondarrak beren Erregeaz.

SALMOAK 32:11

Poztu eta alaitu Jaunarekin, zintzoak! Egin poz-oihu, bihotz zuzeneko guztiok!

SALMOAK 33:1

Egin poz-oihu Jaunari, zintzook! Zuzenek behar dute Jainkoa goretsi.

SALMOAK 37:4

Izan bedi Jauna zure atsegina, eta berak emango dizu bihotzak eskatzen dizuna.

SALMOAK 42:4

Gau eta egun malkoak ditut janari, jendea uneoro galdezka ari zaidala: «Non duk Jainkoa?»

SALMOAK 5:11

Jainko, ordain bezate beren hobena! Lur jo bezate beren egitasmoengatik! Bota itzazu kanpora beren txarkeria neurrigabeagatik, zure aurka jaiki baitira.

SALMOAK 97:1

Errege da Jauna! Poz bedi lurra, alai bitez uharte eta kostaldeak!

ISAIAS 41:16

Zuk astindu eta haizeak eramango ditu, haize-erauntsiak barreiatuko. Zu, berriz, pozik izango zara Jaunaz, harro Israelen Jainko santuaz.

ISAIAS 61:10

Pozaren pozez nago Jaunarekin, alai dut arima neure Jainkoarekin, bere salbamenez jantzi bainau, garaipenezko soinekoz estali; eztei-koroa janzten duen senargaiaren antzeko naiz, bitxi ederrez apaintzen den andregaiaren antzeko.

ISAIAS 65:14

nire zerbitzariek poz-oihu egingo dute bihotza bete zorionez; zuek, berriz, garrasi egingo bihotzeko nahigabez, aiene barruko saminez.

JOELEN PROFECIA 2:23

Poz zaitezte, Siongo seme-alabok, alaitu Jaunarekin, zeuen Jainkoarekin! Antzina bezala, garaian garaiko euria ematen baitizue, udazkeneko zein udaberriko euria.

SOFONIAS 3:14

Egin kantu, Sion hiri! Egin poz-irrintzi, Israel! Poztu, Jerusalem, alaitu bihotz-bihotzez!

SOFONIAS 3:17

Zure Jainko Jauna zurekin dago, salbatzeko ahaltsu! Pozik bai pozik dago zurekin. Bere maitasunez biziberritzen zaitu. Pozez jauzika eta kantari dago zuregatik».

ZAKARIAS 10:7

Israeldarrak gudaria bezain adoretsu izango dira; alai egongo dira, edanak baleude bezala; hori ikustean, haien seme-alabak alaituko dira, poz-pozik jarriko dira Jaunak egindakoagatik.

MATEO 5:12

Poz zaitezte eta alaitu, handia izango baita zuen saria zeruan; zuen aurreko profetak ere halaxe erabili zituzten.

LUKAS 1:47

«Jaunaren handitasuna dut goresten, pozaren pozez daukat barrena, Jainkoa baitut salbatzaile.

ERROMATARREI 5:11

Are gehiago, Jainkoaz harro gaude Jesu Kristo gure Jaunari esker, beronen bitartez Jainkoarekin baketzea iritsi baitugu dagoeneko.

2 KORINTOARREI 13:11

Azkenik, senideok, poz zaitezte, saiatu bete-beteak izaten eta izan adore. Bizi zaitezte elkar ongi hartuz eta bakean. Eta maitasunaren eta bakearen Jainkoa zuekin izango da.

EFESOARREI 6:10

Bukatzeko, sendo zaitzatela Jaunak bere indar ahaltsuaz.

DUTERONOMA 12:18

Horiek Jaunaren zeuen Jainkoaren aurrean, berak aukeratuko duen lekuan jango dituzue, bai zeuek, bai zuen seme-alabek eta morroi-mirabeek, baita zuekin hiri berean bizi den lebitarrak ere. Festa ospatuko duzue Jaunaren zeuen Jainkoaren aurrean, zeuen lanaren emaitzengatik eskerrak emanez.

DUTERONOMA 16:11

Festa egingo duzue Jaunaren zeuen Jainkoaren aurrean, bizileku eta kultu-lekutzat aukeratuko duen tokian, zeuen seme-alaba eta morroi-mirabeekin, zuekin hiri berean bizi den lebitarrarekin eta zeuen artean dituzuen etorkin, umezurtz eta alargunekin.

FILIPOARREI 3:3

Izan ere, gu baikara egiaz erdainduak, giza mailako gauzetan uste ona jarri gabe Jainkoa Espirituaren eraginez gurtzen dugunok eta Kristo Jesusengan harrotzen garenok.

FILIPOARREI 4:4

Poz zaitezte Jaunarengan beti! Berriro diotsuet, poz zaitezte!

FILIPOARREI 4:8

Gainerakoan, senideok, hartzazue aintzat egiazko, gizabidetsu, zuzen, garbi, maitagarri eta goresgarri, bertutetsu eta onargarri den guztia.

1 TESALONIKARREI 4:1

Azkenik, senideok, otoi eta otoi hau eskatzen dizuet Jesus Jaunaren izenean: Jainkoari atsegin emateko nola bizi guregandik ikasi zenutenez gero, saia zaitezte gero eta gehiago horrela bizitzen.

1 TESALONIKARREI 5:16

Zaudete beti pozik.

SANTIAGO 1:2

Senideok, egon zaitezte pozik edozein eratako tentaldik erasotzen dizuenean.

1 PEDRO 3:8

Dena den, izan zaitezte denok gogo eta sentiera bateko, elkarren senide on, errukior eta apal.

1 PEDRO 4:13

Aitzitik, poztu Kristoren sufrimenduetan parte izateko zoria duzuelako, hura aintzaz beterik etortzean poz-alaitasunez bete zaitezten.

2 PEDRO 3:1

Ene maiteok, egiten dizuedan bigarren gutuna dut hau. Eta biotan zenbait gauza gogoratuz bizkortu nahi izan zaituztet, zuzen irizteko gai izan zaitezten.

1 SAMUEL 2:1

Anak otoitz hau egin zuen: «Jaunarengan da ene bihotza pozten, Jaunak baitit bekokia jasotzen, nire ahoak etsaiei barre die egiten, zure laguntzak bainau bozkarioz betetzen.