EGINAK 24:25 - Elizen Arteko Biblia (Biblia en Euskara Traducción Interconfesional)

²⁵ Baina Paulok zuzentasuna, nor bere buruaren nagusi izatea eta geroko epaia aipatu zizkionean, Felix larritu egin zen eta esan zion: «Bazoazke, oraingoz. Deituko dizut hurrengo egokiera dudanean».

Navarro-Labourdin Basque

²⁵ Eta nola hura disputatzen baitzén iustitiáz, eta temperantiáz, eta içateco den iudicioaz, spantaturic Felixec ihardets ceçan, Oraingotz habil, eta aicinaric dudanean deithuren aut.

EGINAK 24:25 ပူးပေါင်းရင်းမြစ်များ

2 SAMUEL 23:3

Israelen Jainkoa mintzatu da, Israelen Harkaitzak esan dit: “Gizon-emakumeen agintari zuzena, Jainkoarekiko begirunez agintzen duena,

1 ERREGEAK 21:27

Akabek, hitz hauek aditzean, urratu zituen bere jantziak, hartu zuen soinean zakua eta barau egin zuen. Zakua erantzi gabe etzaten zen eta buru-apal zebilen.

2 ERREGEAK 22:19

“Entzun duzu nik Jerusalemen eta bertan bizi direnen kontra esan dudana —hondatu eta madarikatu egingo baitute etsaiek toki hau—. Horregatik zure bihotza bigundu egin da eta apaldu egin zara nire aitzinean. Hara, bada, nik ere entzun dizut —dio Jaunak—.

ESDRAS 10:3

Hitzeman diezaiogun Jainkoari, emazte atzerritar guztiak eta haiengandik izandako seme-alabak bidali egingo ditugula, zuk eta gure Jainkoaren aginduei begirune diezuenok nahi bezala. Bete dadila legea!

ESDRAS 10:9

Hirugarren egunerako, bada, Judaren eta Benjaminen leinuko gizon guztiak Jerusalemen bildu ziren; bederatzigarren hilaren hogeia zen. Herri guztia Jainkoaren etxeko plazan zegoen, arazo honengatik eta ari zuen euriarengatik dar-dar.

JOB 29:14

Justiziaz jantzia nengoen, zuzenbideaz estalia burutik oinetaraino.

SALMOAK 11:7

Zintzoa da, izan ere, Jauna; zuzen jokatzea du maite: zuzenek ikusiko dute haren aurpegia.

SALMOAK 119:120

Dardara dagit zure beldur-ikaraz, eta begirune diet zure erabakiei.

SALMOAK 45:7

Betiereko Jainkoak ezarri zaitu errege; zure erregetza zuzentasun-erregetza.

SALMOAK 72:2

Goberna beza zure herria justiziaz, zure dohakabeak zuzenbidez.

SALMOAK 99:1

Errege da Jauna: dardara bitez herriak! Hegaldun izakien artean du tronua: ikara bedi lurra!

ERRAN-ÇAHARRAC 16:12

Erregeak higuin ditu egintza gaiztoak, zuzentasunean oinarritzen baita errege-aulkia.

KOHELET 11:9

Alai hadi, mutil, gazte haizen bitartean, izan zoriontsu heure gaztaroan, jarrai hakie heure bihotzari eta heure begien grinari. Ez ahaztu, ordea, horien guztien kontua eskatuko diala Jainkoak auzian.

KOHELET 12:14

Jainkoak epaituko ditu gure egintza guztiak, onak zein txarrak, orobat ezkutukoak.

KOHELET 5:8

Denek ateratzen diote etekina lurrari; erregea ere lurrak ematen duenetik bizi da.

ISAIAS 1:18

Honela dio Jaunak: «Zatozte, erabaki dezagun auzia: zuen bekatuak gorria baino gorriago badira ere, elurra bezain zuri geldituko dira; purpura bezain gorri izanik ere, artilearen antzeko bihurtuko dira.

ISAIAS 1:21

Ai ene! Leiala zen hiria emagaldu bihurtua! Behinola justiziaz betea, zuzenbide-leku zena, orain hiltzaileen bizileku.

ISAIAS 16:5

Jainkoak maitasunean finkatuko du errege-tronua, eta Daviden ondorengoa eseriko da bertan: epaile leial izango da, justiziazale, zuzenbidea egiteko gogotsu.

ISAIAS 32:11

Izan ikara, arduragabeok! Egin dardara, axolagabeok! Erantzi, kendu soineko horiek, eta estali dolu-jantziz.

ISAIAS 41:21

Hau dio Jaunak, Jakoben herriaren erregeak: «Aurkeztu zeuen auzia, idolook, ekarri frogak.

ISAIAS 55:6

Bila ezazue Jauna, aurki dezakezue eta; egiozue dei, hurbil duzue eta.

ISAIAS 61:8

Nik, Jaun honek, zuzenbidea dut maite, lapurreta eta bidegabekeria gorroto. Leialki emango diet saria eta betiko ituna egingo beraiekin.

ISAIAS 66:2

Neuk eginak dira gauza guztiok, neureak ditut denak. Hala diot nik, Jaunak. Hona norengan ditudan begiak jartzen: atsekabetu eta bihotz-eroriengan, nire hitzari begirune diotenengan.

JEREMIAS 22:3

Hau dio Jaunak: Joka ezazue zuzenbidez eta justiziaz, askatu zapaldua zapaltzailearen eskutik, ez eman tratu txarrik etorkin, umezurtz eta alargunei, ez egin indarkeriarik, ez hil errugaberik toki honetan.

JEREMIAS 23:29

Nire hitza sua bezala da, harkaitza txikitzen duen mailua bezala. Hala diot nik, Jaunak.

JEREMIAS 36:16

Hitz haiek entzutean, izuak jota, esan zioten elkarri: —Hau guztia erregeari adierazi beharra dugu derrigorrez.

EZEKIEL 45:9

«Hau diot nik, Jainko Jaunak: Aski da, Israelgo printzeok! Bazter itzazue indarkeria eta lapurreta, jokatu zuzenbidez eta justiziaz, ez zurrupatu nire herriaren ondasunak. Nik, Jainko Jaunak, esana.

DANIEL 12:2

Iratzarri egingo dira hilobietan dauden asko: batzuk betiko bizirako, besteak betiko lotsarako.

DANIEL 4:27

esan zuen erregeak: «Hona hemen Babilonia handia, erregeen bizileku izateko eraikia, nire boterearen eta aintza paregabearen ezaugarri!»

DANIEL 5:30

Gau hartan bertan hil zuten Belxatzar Babiloniako erregea.

OSEAS 10:12

Esan nien: Erein zuzentasuna, eta maitasuna jasoko duzue. Landu soro berria. Orain duzue garaia Jauna bilatzeko, etorri eta euria bezala salbamena isur diezazuen.

OSEAS 10:4

Hitz eta berba, gezur-zinak egin, itunak izenpetu… Haien zuzenbidea, ordea, soro-ildoetan hazten den belar gaizto bihurtu da.

OSEAS 7:5

Erregearen egunean, buruzagiek ardoaren berotasunez burua galtzen dute; erregeak berak eskua luzatzen die asaldariei.

AMOSEN PROFECIA 5:24

Datorrela, bai, zuzenbidea ura bezala, datorrela justizia, beti darion erreka bezala.

AMOSEN PROFECIA 6:12

Egin ote lezakete lauoinka haitzetan zaldiek? Golda ote lezakete itsasoa idiek? Zuek, ordea, zuzenbidea pozoi bihurtu duzue, justizia samindura.

HABAKUK 3:16

Entzun dudanean, ikarak hartu dit barrua. Zarata aditzean, dardaraz ditut ezpainak. Ahulezia sartu zait hezurretaraino, koloka ditut oinak. Geldi nago ni, egun larriaren zain, zapaltzen gaituen herriari datorkion egunaren zain.

AGEO 1:2

Honela dio Jaun ahalguztidunak: «Nire etxea berriz eraikitzeko garaia ez dela heldu esaten du herri honek».

MATEO 22:5

Baina gonbidatuek ez zuten jaramonik egin: bata bere sorora joan zen, bestea bere negozioetara,

JOAN 16:8

Hura etortzean, bekatu, zuzentasun eta epaiari buruz oker dagoela erakutsiko dio munduari:

EGINAK 10:42

Jesusek berak agindu zigun herriari predikatzeko, bera dela Jainkoak bizien eta hildakoen epaile ezarri duena aitortuz.

EGINAK 17:13

Baina Tesalonikako juduak, Paulok Berean ere Jainkoaren hitza iragartzen ziharduela jakitean, hara joan ziren, hango jendea ere asaldatu eta nahastera.

EGINAK 17:2

Paulok, ohi zuenez, haiengana joan eta hiru larunbatez jardun zuen beraiekin eztabaidan. Liburu Santuak oinarri harturik,

EGINAK 17:32

«Hildakoen piztuera» aipatzen zuela entzutean, batzuk barrez hasi zitzaizkion; beste batzuek, berriz, esan zioten: «Beste batean entzungo dizugu horretaz».

EGINAK 2:37

Hitz hauek bihotzean zirrara egin zieten, eta Pedrori eta gainerako apostoluei galdetu zieten: —Zer egin behar dugu, anaiok?

EGINAK 24:15

eta Jainkoarengan badut itxaropena —horiek bezalaxe— hildako guztiak, on eta gaizto, piztuko direla.

EGINAK 24:26

Paulok dirua emango zion itxaropena ere bazuen Felixek, eta horregatik sarritan deitzen zion, berarekin hitz egiteko.

EGINAK 26:28

Agripak esan zion Paulori: —Beste pixka bat, eta kristau bihurtuko nauzu.

EGINAK 9:6

Orain, jaiki eta sartu hirian; han esango dizute zer egin behar duzun.

ERROMATARREI 12:1

Senideok, Jainkoaren maitasunagatik eskatzen dizuet eskain ditzazuela zeuen buruak opari bizi, santu eta Jainkoarentzat atsegingarri. Hori da egiazko zuen kultua.

ERROMATARREI 14:12

Izan ere, guztiok eman beharko diogu Jainkoari nork bere buruaren kontu.

ERROMATARREI 2:16

Halaxe azalduko da, Jainkoak, Jesu Kristoren bidez eta nik iragartzen dudan berri onaren arabera, gizon-emakumeen barrua epaituko duen egunean.

1 KORINTOARREI 4:5

Ez dezazuela, beraz, epea baino lehen epai. Itxaron Jauna etorri arte. Berak argituko du ilunpean ezkutatua dagoena, berak agertuko bihotzeko asmo gordeak. Eta orduan, nork bere merezia jasoko du Jainkoarengandik.

2 KORINTOARREI 5:10

guztiok Kristoren auzitegian agertu behar baitugu, nork bere ordaina jasotzeko, saria nahiz zigorra, gorputzean bizi garelarik egindakoaren arabera.

2 KORINTOARREI 6:2

Izan ere, Jainkoak dio: Onginahi-garaian entzun dizut, salbamen-egunean lagundu. Begira, bada, oraintxe da onginahi-garaia, oraintxe salbamen-eguna.

GALAZIARREI 3:22

Baina Liburu Santuak dioenez, dena bekatupean gatibu dago, horrela, Jesu Kristogan sinesten dutenek sinesmenari esker har dezaten Jainkoak agindutakoa.

GALAZIARREI 5:23

otzantasuna, bere buruaren jabe izatea. Ez da legerik horrelakoak gaitzetsiko dituenik.

2 TIMOTEORI 4:1

Jainkoaren aurrean eta, errege bezala agertuz, biziak eta hilak epaitzera etorriko den Kristo Jesusen aurrean erregutzen dizut:

TITORI 1:8

ostera, ostatu-emailea behar du izan, ongia maite duena, zentzuduna, zuzena, jainkozalea, bere buruaren jabea;

HEBREARREI 12:21

Hain zen izugarria ikuskaria, non Moisesek berak ere honela baitzioen: Beldur-ikaraz nago.

HEBREARREI 3:13

Bestela baizik, adore ezazue elkar egunero Liburu Santuak dioen gaur honek irauten duen arte; horrela, bekatuak ez du zuetako inor engainatu eta gogortuko.

HEBREARREI 4:1

Beraz, Jainkoaren atsedenean sartzeko agintzaria indarrean dagoen bitartean, kontuz ibili behar dugu, zuetakoren bat sartu gabe geldi ez dadin.

HEBREARREI 6:2

bataio-modu ezberdinei buruzko doktrinak, eskuen ezartzea, hildakoen piztuera edo behin betiko auzia.

HEBREARREI 9:27

Eta gizon-emakumeek behin bakarrik hil behar dutela eta gero auzia izango dela erabakita dagoen bezala,

SANTIAGO 2:19

Jainkoa bakarra dela sinesten duzula zuk? Oso ondo; baina deabruek ere sinesten dute hori, eta ikaraz daude.

1 PEDRO 3:15

Ostera, aitortu zeuen bihotzetan Kristo Jauna dela, eta egon beti prest zeuen itxaropenaren arrazoia eskatzen dizuenari erantzuna emateko;

2 PEDRO 1:6

ezagutzarekin neurritasuna, neurritasunarekin eroapena, eroapenarekin jainkozaletasuna,

1 JOAN 3:10

Honetan agertzen da zein den Jainkoaren seme-alaba eta zein deabruarena: Jainkoaren nahia egiten ez duena, hau da, bere senidea maite ez duena, ez da Jainkoaren seme-alaba.

1 JOAN 3:7

Seme-alabatxook, ez zaitzatela inork engaina. Jainkoaren nahia egiten duena zuzena da, Kristo zuzena den bezalaxe.

1 SAMUEL 12:7

Orain, ordea, entzudazue: badut zuen kontra esatekorik Jaunaren aurrean. Hona zein leial izan den Jauna zuekiko eta zuen arbasoekiko: