APOKALIPSIA 18:10 - Elizen Arteko Biblia (Biblia en Euskara Traducción Interconfesional)

¹⁰ Haren oinazearen izu-ikaraz urruti geldituko dira, esanez: «Ai zu, ai hiri handia, Babilonia, hiri ahaltsua! Une batean burutu da zure zigorra!»

Navarro-Labourdin Basque

¹⁰ Vrrun daudela haren tormentaren beldurrez, dioitela, Elas, elas, Babylon ciuitate handiá, ciuitate borthitzá nola hire condemnationea oren batez ethorri içan den!

APOKALIPSIA 18:10 ပူးပေါင်းရင်းမြစ်များ

ISAIAS 21:9

Eta horra non datorren gizon bat bi zaldiko gurdi gainean. Hau dio ozenki: “Erori da Babilonia, erori da! Haren jainko-irudi guztiak lurrean gelditu dira apurtuta” ».

ISAIAS 47:9

Zoritxar biok gertatuko zaizkizu, bat-batean, egun berean: haurrik gabe eta alargun geldituko zara —zoritxarraren zoritxarra!—; ez dizute balioko zeure sorginkeria ugariek eta aztikerien ahalmen handiak.

JEREMIAS 30:7

Ai ene! Izugarria izango da egun hura, berdinik gabea, larrialdi-eguna Jakoben herriarentzat. Baina onik aterako da».

EZEKIEL 32:9

Herri asko atsekabez beteko da, zure amaieraren berri nazioei eta ezagutzen ere ez dituzun herrialdeei ematean.

JOELEN PROFECIA 1:15

Ai! Hau eguna, hau! Gainean baita Jaunaren eguna. Ahalguztidunaren hondamen-indarrez dator.

AMOSEN PROFECIA 5:16

Honela dio Jainko Jaun ahalguztidunak: «Plaza guztietan doluminak izango dira, kale guztietan negar-zotinak. Nekazariak deituko dituzte dolurako, erostariak hileta-negarrerako;

NOMBREAC 16:34

Inguruan zeuden israeldar guztiek, haien garrasiak entzutean, ihesari eman zioten, lurrak irentsiko zituen beldur.

APOKALIPSIA 11:8

Haien gorpuak irudizko hizkeran Sodoma nahiz Egipto deritzan hiri handiko plazan geldituko dira, haien Jauna ere gurutziltzatu zuten leku berean.

APOKALIPSIA 14:8

Bigarren aingeru bat etorri zen ondoren, esanez: «Erori da, erori, Babilonia handia, herri guztiak bere prostituzio-ardoz mozkortu zituena».

APOKALIPSIA 16:19

Hiri handia hiru zatitan lehertu zen eta munduko beste nazioetako hiriek lur jo zuten; orduan, Jainkoa Babilonia hiri handiaz oroitu zen, hari bere zigor-kopa, bere sumin-ardoz betea, edanarazteko.

APOKALIPSIA 17:12

«Ikusi dituzun hamar adarrak, oraindik erregetza hartu ez duten hamar errege dira; piztiarekin batera hartuko dute errege-agintea, baina ordu baterako bakarrik.

APOKALIPSIA 18:18

eta, haren sutearen ke-mordoa ikustean, honela egin zuten oihu: «Hiri handi horrek ez zuen parekorik!»

APOKALIPSIA 18:19

Eta, nork bere burura hautsa botaz, oihu egiten zuen negarrez eta aieneka: «Ai zu, ai hiri handia! Zure aberastasunei esker aberastu ziren itsasontziak zituzten guztiak. Horra orain une batean erraustua!»

APOKALIPSIA 18:21

Orduan, aingeru ahaltsu batek harri bat, errotarri handi baten antzekoa, jaso eta itsasora jaurti zuen, esanez: «Honelaxe jaurtiko dute Babilonia, hiri handia, eta betiko desagertuko da.

APOKALIPSIA 18:8

Horregatik, egun berean etorriko zaizkio gainera merezitako zigorrak: heriotza, dolua eta gosea, eta kiskali egingo da sutan; ahaltsua baita bera epaitu duen Jainko Jauna».