AMOSEN PROFECIA 5:5 - Elizen Arteko Biblia (Biblia en Euskara Traducción Interconfesional)

⁵ Baina ez ibili nire bila Betelen, ez joan Gilgalera, ez jo Beer-Xebarantz; Gilgal erbestean galduko baita, Betel ezereztu».

Navarro-Labourdin Basque

⁵ Eta ez bilha Bethel, eta ez sar Galgalan, eta etzarete Bersabeen iraganen; ceren içanen baitire, Galgala gathibu eramana eta Bethel ezdeustua.

AMOSEN PROFECIA 5:5 ပူးပေါင်းရင်းမြစ်များ

JENESA 21:31

Horregatik, toki hari Beer-Xeba deritzo —hau da, «Zin-Putzu»—, bertan biek zin egin zutelako.

JENESA 21:33

Abrahamek, bere aldetik, tamarindo bat aldatu zuen Beer-Xeban, eta Jauna, betiereko Jainkoa, gurtu zuen.

JENESA 26:23

Handik Beer-Xebara igo zen.

JENESA 26:33

Isaakek Xibea eman zion izen; horregatik, gaurdaino Beer-Xeba —hau da, «Zin-Putzu»— deitzen zaio hiri hari.

1 ERREGEAK 12:28

Hala, Jeroboam erregeak, aholku eskatu ondoren, bi zekor-irudi egin zituen eta esan zion jendeari: «Aurrerantzean ez duzue Jerusalemera igo beharrik. Israel herri, hona hemen Egiptotik atera zintuen Jainkoa!»

1 ERREGEAK 12:29

Zekor bat Betelen kokatu zuen eta bestea Danen.

2 ERREGEAK 23:8

Ondoren, Judako hirixketan, Gebatik Beer-Xebaraino, muinoetako kultu-lekuetan intsentsua erretzen zuten apaizak Jerusalemera etorrarazi zituen, eta kultu-leku haiek profanatu. Jerusalemgo ateetan ziren kultu-lekuak ere desegin zituen, bereziki Josue gobernariaren atetik hirian sartzean ezkerraldera zegoena.

JOB 8:22

Zure etsaiak, berriz, lotsaz beteko dira, gaiztoen egoitza desagertu egingo da».

SALMOAK 33:10

Nazioen egitasmoak Jaunak ditu desegiten, herrien asmoak hutsean galtzen.

ISAIAS 29:20

Izan ere, zapaltzailea hilko da, harroputza galduko, kalte egiteko erne dabiltzanak akabatuko:

ISAIAS 8:10

Asmatu egitamuak: bertan behera geldituko dira. Proposatu nahi duzuena: alferrik izango da, Jainkoa gurekin baitago.

JEREMIAS 48:13

Orduan, huts aterako zaie moabdarrei Kemox jainkoarengan zuten konfiantza, israeldarrei Betelengan zutena huts gertatu zitzaien bezala.

OSEAS 10:8

Hondatuak izango dira muinoetako sasikultu-lekuak, Israeli huts egitera eragin ziotenak. Sasiak eta laharrak hartuko ditu aldareak. Orduan, honela esango diete mendiei: «Ezkuta gaitzazue», eta muinoei: «Eror zaitezte gure gainera».

OSEAS 12:11

Profetei hitz egin nien, ikuskariak ugari eman nizkien eta, orain ere, profeten bitartez egiten ditut neure oharpenak.

OSEAS 4:15

Zu, Israel, nirekiko desleial bazara ere, Juda behintzat ez dadila errudun izan. Ez joan Gilgalgo santutegira, ez igo Bet-Aben-era, ez hartu Jainko bizia ahotan zin egiteko.

OSEAS 9:15

«Gilgal-en agertu zen haien txarkeria guztia. Han hasi zen haienganako nire gorrotoa. Beren okerrengatik, bota egingo ditut neure etxetik, ez ditut gehiago maite izango. Errebeldeak dira haien buruzagi guztiak.

AMOSEN PROFECIA 1:5

Zatitu egingo ditut Damaskoko hiri-morroiloak, kendu Bikeat-Abendik buruzagia, kendu Bet-Edendik aginte-makila duena, eta Siriako herria Kir-era erbesteratua izango da». Jaunak esan du.

AMOSEN PROFECIA 3:14

Israeli bere gaiztakerien kontua eska diezaiodan egunean, Betelgo aldarearen kontra ekingo diot: ertzak apurtuko dizkiot eta lurrera botako.

AMOSEN PROFECIA 4:4

Honela dio Jainko Jaunak: «Zoazte Betelgo santutegira nire kontra errebelatzeko, eta Gilgalera zuen errebeldiak ugaritzeko; eskaini goizero zeuen sakrifizioak, eta hiru egunero hamarrenak;

AMOSEN PROFECIA 7:10

Betelgo apaiz Amatziasek berri hau igorri zion Israelgo errege Jeroboami: «Hemen, israeldarren artean, Amos azpilanean ari zaizu. Herriak ezin du gehiago jasan haren esanik.

AMOSEN PROFECIA 7:13

Baina Betelen ez ari gehiago profetagintzan, hau errege-santutegi baita eta erreinuko jauretxe.

AMOSEN PROFECIA 7:17

Hala ere, hona zer dioen Jaunak: «Zure andrea emagaldu bihurtuko da hirian, zure seme-alabak ezpatapean hilko dira, zure lurraldea banatua izango da, zu zeu atzerrian hilko zara eta Israel herria erbestera eramango dute, bere lurraldetik urrun».

AMOSEN PROFECIA 7:9

«Isaaken ondorengoen kultu-lekuak soilduak izango dira, Israelen santutegiak deseginak. Jeroboamen errege-etxearen aurka ezpata jasoko dut».

AMOSEN PROFECIA 8:14

Samariako sasijainkoen izenean zin egiten dutenak, “Gora zure jainkoa, Dan! Gora Beer-Xebako ahaltsua!” esanez, erori egingo dira, berriro ez jaikitzeko».

1 KORINTOARREI 1:28

munduak baliogabetzat eta mespretxagarritzat duena, munduaren begitan ezerez dena, aukeratu du Jainkoak, zerbait direla uste dutenak ezerezteko;

1 KORINTOARREI 2:6

Hala ere, sinesmen helduko kristauei jakinduria irakasten diegu guk ere; baina jakinduria hori ez da mundu honetakoa, ezta laster galduko diren mundu honetako agintariena ere.

DUTERONOMA 28:41

seme-alabak sortuko dituzue, baina ez dituzue zeuekin izango, gatibu eramango baitituzte;

JOSUE 5:9

Gero, Jaunak esan zion Josueri: «Gaur kendu dizuet gainetik Egiptotik irtenez gero zenuten laidoa». Horregatik, toki hari Gilgal izena ipini zioten, eta hala deitzen da gaur arte.

APOKALIPSIA 18:17

Une bat aski izan da hainbesteko aberastasuna errausteko!» Itsasontzietako kapitan-pilotu guztiek, marinelek eta itsasoa lanbide duten guztiek, urruti gelditu

1 SAMUEL 11:14

Samuelek, orduan, herriari: —Zatozte. Goazen Gilgalera eta berrizta dezagun han erregetza.

1 SAMUEL 7:16

Urte oroz egin ohi zuen itzulia Betel, Gilgal eta Mitzpan barrena, toki horietan Israel gidatuz.

1 SAMUEL 8:2

Lehen semeari Joel zeritzan, eta bigarrenari Abias; Beer-Xebatik gidatu ohi zuten herria.