AMOSEN PROFECIA 2:11 - Elizen Arteko Biblia (Biblia en Euskara Traducción Interconfesional)

¹¹ Profetak sorrarazi nituen zuen seme-alaben artetik, eta nazireuak zuen gazteen artetik. Ez al da hala, israeldarrok? Nik, Jaunak, galdegiten dizuet.

Navarro-Labourdin Basque

¹¹ Nic eraiqui ditut çuen semeetaric profetac eta çuen gazteetaric Naçarearrac. Ez othe da hola, Israelgo haurrac? dio Jaunac.

AMOSEN PROFECIA 2:11 ပူးပေါင်းရင်းမြစ်များ

1 ERREGEAK 17:1

Galaad eskualdean zegoen Tixbe herriko Eliasek esan zion Akab erregeari: «Ala Jauna, Israelen Jainkoa! Haren zerbitzari nauzu ni. Horra, ez du ihintzik, ez euririk egingo hurrengo urteetan, nik agintzean baizik».

1 ERREGEAK 18:4

Jezabel erregina Jaunaren profetak suntsitzen ari izan zenean, Obadiasek ehun profeta hartu eta leizeetan gorde zituen berrogeita hamarnako taldetan, ura eta ogia eramanez.

1 ERREGEAK 19:16

Gantzutu Nimxiren seme Jehu Israelgo erregetarako. Gantzutu Abel-Meholako Xafaten seme Eliseo, zure ondorengo profeta izan dadin.

1 ERREGEAK 20:13

Hortan, profeta bat hurbildu zitzaion Israelgo errege Akabi, eta esan zion: —Hau dio Jaunak: «Ikusten al duzu jendetza handi hori? Zeure eskura emango dizut gaur. Horrela jakingo duzu ni naizela Jauna».

1 ERREGEAK 20:35

Profeta-talde bateko gizon batek esan zion, Jaunaren aginduz, bere lagunetariko bati: —Jo nazazu, arren! Lagunak, ordea, ez zuen jo nahi izan.

1 ERREGEAK 20:41

Profetak erantzi zuen berehala begiak estaltzen zizkion zapia, eta Israelgo erregeak antzeman zion profetetariko bat zela.

1 ERREGEAK 22:8

Israelgo erregeak erantzun zion Josafati: —Bai, bada beste gizon bat: Mikeas, Imlaren semea. Galdegin diezaiokegu Jaunari berorren bitartez. Baina gorroto dut gizon hori, gauza txarrak baizik ez baitit iragartzen, onak iragarri beharrean. Josafatek esan zuen: —Ez zaitez horrela mintza, errege jauna.

2 ERREGEAK 17:13

Esana zien Jaunak, bere profeta eta ikusle guztien bidez, Israeli eta Judari: «Itzul zaitezte zeuen bide gaiztoetatik; bete itzazue nire agindu eta arauak, zuen arbasoei eman eta ene zerbitzari profeten bitartez adierazi dizuedan irakaspenaren arabera».

2 ERREGEAK 6:1

Behinola, profeta-taldeak esan zion Eliseori: —Zurekin biltzeko dugun biltzar-toki hau estuegia da guretzat.

2 KRONIKAK 36:15

Jaunak, beren arbasoen Jainkoak, etengabe egin zizkien oharrak bere mezularien bidez; izan ere, errukia baitzien bere herriari eta bere egoitzari.

JEREMIAS 11:21

Anatoteko jendea niri bizia kendu nahian dabil, Jaunaren izenean hitz egiten jarraitzen badut, beren eskuz hilko nautela mehatxuka.

JEREMIAS 2:31

(Zuek, orain bizi zaretenok, entzun arduraz Jaunaren hitza). Israel, eremu soil bihurtu ote naiz zuretzat? Ala beti ilunpe beltzean dagoen lurralde? Zergatik diote nire herritarrek: “Nahi duguna egingo dugu, ez gatzaizkizu inoiz ere itzuliko?”

JEREMIAS 2:5

Hau dio Jaunak: «Zertan huts egin nien zuen arbasoei, haiek niregandik aldentzeko? Hutsaren atzetik ibili ziren, hutsaren hurrengo bihurtu dira.

JEREMIAS 26:11

Orduan, apaizek eta profetek buruzagiei eta herriari esan zieten: «Gizon honek heriotza merezi du, hiri honen kontra hitz egin baitu Jaunaren izenean, zeuen belarriz entzun duzuen legez».

JEREMIAS 7:25

Zuen arbasoak Egiptotik irten zirenetik gaurdaino, profetak, neure zerbitzariak, bidali dizkizuet etengabe, bata bestearen ondoren.

NEGAR KANTAK 4:7

Nire herriko buruzagiak elurra baino garbiago ziren, esnea baino zuriago; korala baino gorriztago haien gorputzak, zafiroa bezain urdin haien zainak.

MIKEAS 2:6

Jendeak esaten dit: «Utzi hitzaldi txoro horiek, ez horrelako hitzaldirik; zoritxarrak ez gaitu joko.

EGINAK 4:18

Deitu zituzten, bada, eta Jesusi buruz hitz egitea edo irakastea zorrotz debekatu zieten.

EGINAK 5:28

—Ez al genizuen zorrotz agindu Jesusen izenean ez irakasteko? Zuek, ordea, Jerusalem osoa bete duzue zeuen irakaspenez; gainera, gizon horren heriotzaren erantzukizuna leporatu nahi diguzue.

EGINAK 7:51

«Burugogorrok, jentilak bezain bihotz- eta belarri-gogor zaretenok! Espiritu Santuari kontra egiten diozue beti. Zeuen arbasoen antzeko zuek ere!

DUTERONOMA 18:18

Zu bezalako profeta sorraraziko dut herritarren artetik; neure hitzak ezarriko dizkiot ahoan eta nik agindurikoa esango die.

1 SAMUEL 19:20

Saulek mandatariak igorri zituen, David atxilot zezaten. Haiek profeta-trantzean ikusi zuten profeta-taldea, Samuel buru zela. Jainkoaren espirituak hartu eta profeta-trantzean jarri ziren Saulen mandatariak ere.

1 SAMUEL 3:20

Dandik Beer-Xebaraino, Israel osoak jakin zuen Jaunak bere profeta egina zuela Samuel.