2 TIMOTEORI 4:3 - Elizen Arteko Biblia (Biblia en Euskara Traducción Interconfesional)

³ Etorriko baita gizon-emakumeek irakaspen osasungarria jasango ez duten garaia: beren grinen eraginpean, maisuz inguratuko dira, berauei entzuteko irrikaz;

Navarro-Labourdin Basque

³ Ecen içanen duc demborabat ezpaitute doctrina sanoa suffrituren: baina beharri quillicorrac dituztelaric, beréc bere desirén arauezco iracastunac bilduren baitituzté:

2 TIMOTEORI 4:3 ပူးပေါင်းရင်းမြစ်များ

1 ERREGEAK 18:22

Eliasek, orduan: —Jaunaren profeten artetik ni bakarra gelditu naiz; Baalen profetak, berriz, laurehun eta berrogeita hamar dira.

1 ERREGEAK 22:18

Orduan, Israelgo erregeak esan zion Josafati: —Ez al dizut esan ez didala gizon honek ezer onik iragartzen, txarra baizik?

1 ERREGEAK 22:8

Israelgo erregeak erantzun zion Josafati: —Bai, bada beste gizon bat: Mikeas, Imlaren semea. Galdegin diezaiokegu Jaunari berorren bitartez. Baina gorroto dut gizon hori, gauza txarrak baizik ez baitit iragartzen, onak iragarri beharrean. Josafatek esan zuen: —Ez zaitez horrela mintza, errege jauna.

IRTEERA 32:33

Jaunak, ordea, erantzun zion: —Nire aurka bekatu egiten duena bakarrik kenduko dut nire liburutik.

ISAIAS 28:12

Behinola esana baitzien: «Hona hemen lasaibidea, hona hemen atsedena; nekatuak atseden har beza». Baina haiek jaramonik ez.

ISAIAS 30:10

Hau esaten diete profetei: “Ez izan ikuskaririk, ez agertu egia, baizik eta guri atsegin zaiguna esan, amets liluragarriak agertu.

JEREMIAS 18:18

Zenbaitzuk zioten: «Pentsa dezagun Jeremias nola galdu. Ez zaigu faltako apaizik Jainkoaren legea irakasteko, ez jakintsurik aholku onak emateko, ez profetarik Jainkoaren mezua iragartzeko. Belztu dezagun horren izena, ez entzunarena egin diezaiogun horren esanari».

JEREMIAS 27:9

«Ez egin, beraz, jaramonik Babiloniako erregeak ez zaituztela menderatuko iragartzen dizueten profetei, ez igarleei, ezta ametsak azalduz edo azti-baliabidez geroa asmatu ohi dutenei ere.

JEREMIAS 29:8

«Jaun ahalguztidunak, Israelen Jainkoak, ohar hau ere egiten dizue: Ez zaitzatela engaina zuen artean bizi diren profetek eta igarleek, ez egin jaramonik berorien ameskeriei.

JEREMIAS 5:31

Profetek gezurra dute iragartzen, apaizek beren nahierara irakasten, eta nire herria bere horretan lasai! Baina zer egingo duzue azkena iristean?»

MIKEAS 2:11

Eman dezagun, “Ardoa eta pattarra ugari emango dizut” esaka ari dela norbait; horrelako mezu hutsal eta gezurrezkoa lekarkeena izango litzateke herri honek merezi duen profeta!

LUKAS 20:19

Lege-maisu eta apaizburuek Jesusi eskua erantsi nahi izan zioten orduan bertan, ondo jabetu baitziren beraiengatik esan zuela parabola hura. Baina beldur izan zioten jendeari.

LUKAS 6:26

«Ai zuek, mundu guztiak zuetaz ongi hitz egingo duenean, gauza bera egin baitzieten sasiprofetei jende horren gurasoek!

JOAN 8:45

Niri, berriz, egia diodalako, ez didazue sinesten.

EGINAK 17:21

(Izan ere, atenastar guztiek eta han bizi ziren kanpotarrek azken berrikeriak entzun eta kontatuz eman ohi zuten beren denbora guztia).

1 KORINTOARREI 2:1

Horregatik, senideok, nik ere, Jainkoaren salbamen-asmoa iragartzera joan nintzaizuenean, ez nizuen hitz egin giza jakinduriazko hizkera landua erabiliz.

1 KORINTOARREI 2:4

Nire hitza eta predikua ez ziren giza jakinduriazko argudiotan oinarritu, Espirituaren indarrean baizik,

GALAZIARREI 4:16

Eta orain zer? Etsai bihurtu ote natzaizue egia esan dizuedalako?

1 TIMOTEORI 1:10

lizun eta homosexualentzat, esklabo-salerosle, gezurti eta zinausleentzat, eta irakaspen osasungarriaren kontra jartzen den edonorentzat;

2 TIMOTEORI 1:13

Har itzazu jarraibidetzat Kristo Jesusengan oinarritzen diren sinesmen eta maitasunari buruz niregandik entzun dituzun hitz osasungarriak.

JUDAS 1:18

«Azken garaietan gizon isekariak izango dira, beren grina zitalen arabera ibiliko direnak».