2 SAMUEL 5:7 - Elizen Arteko Biblia (Biblia en Euskara Traducción Interconfesional)

⁷ Hala ere, jabetu zen David Siongo gotorlekuaz, gero Daviden Hiri deituko zutenaz.

Navarro-Labourdin Basque

⁷ Dabidec ordean hartu çuen Siongo gaztelua, ceina baita Dabiden hiria.

2 SAMUEL 5:7 ပူးပေါင်းရင်းမြစ်များ

2 SAMUEL 5:8

Egun hartan, hain zuzen, esan zien Davidek bere gudariei: «Jebustarrei eraso nahi dieten guztiak sar daitezela ubide-zulotik, David gutxiesten duten itsu eta herren horiengana!» Hortik dator esaera: «Ez itsurik, ez herrenik ez da sartuko Jaunaren etxean».

2 SAMUEL 5:9

David gotorleku hartan gelditu zen bizitzen, eta Daviden Hiri deiarazi zuen. Harresia eraiki zuen inguruan, Milo deritzan ezpondatik barnealdera.

2 SAMUEL 6:10

Hala, Davidek ez zuen Jaunaren kutxa berera, Daviden Hirira, sarrarazi nahi izan, eta Gateko Obed-Edomen etxera eraman zuen.

2 SAMUEL 6:12

Jakinarazi zioten hori David erregeari, esanez: —Jaunak bedeinkatu egin ditu Obed-Edomen etxea eta honena den guztia, Jainkoaren kutxa dela eta. Joan zen, orduan, David eta Obed-Edomen etxetik Daviden Hirira igoarazi zuen Jainkoaren kutxa, bozkarioz beterik.

2 SAMUEL 6:16

Jaunaren kutxa Daviden Hirira sartzen ari zelarik, Saulen alaba Mikal leihotik begira zegoen eta David erregea Jaunaren aitzinean jauzika eta dantzan ikusi zuen, eta arbuiatu egin zuen bere baitan.

1 ERREGEAK 2:10

Hil zen David eta Daviden Hirian hilobiratu zuten.

1 ERREGEAK 3:1

Egiptoko errege faraoiaren senitarteko egin zen Salomon, haren alaba emaztetzat hartuz. Daviden Hirira eraman zuen, harik eta bere jauregia, Jaunaren etxea eta Jerusalem inguruko harresiak eraiki arte.

1 ERREGEAK 8:1

Orduan, Salomonek bere inguruan, Jerusalemen, bildu zituen Israelgo herri-arduradun guztiak, leinuburuak eta israeldar senitarteburuak. Jaunaren itun-kutxa igoarazi nahi zuen Daviden Hiritik, hau da, Siondik.

1 ERREGEAK 9:24

Faraoiaren alaba Daviden Hiritik Salomonek eraiki zion jauregira igo zenean, erregeak Milo-ko betelana eginarazi zuen.

1 KRONIKAK 11:7

David gotorleku hartan gelditu zen bizitzen; horregatik, «Daviden Hiri» deitu zuten.

2 KRONIKAK 24:16

Daviden Hirian lur eman zioten, erregeen ondoan, on handia egin baitzuen Israelen, Jainkoaren eta tenpluaren alde.

2 KRONIKAK 5:2

Orduan, Salomonek Jerusalemen bildu zituen Israelgo herri-arduradun guztiak, leinuburuak eta israeldar senitarteburuak. Jaunaren itun-kutxa igoarazi nahi zuen Daviden hiritik, hau da, Siondik.

NEHEMIAS 3:15

Iturriko atean, Kol-Hozeren seme eta Mitzpa herrialdeko buru zen Xalumek jardun zuen; jaso eta gaina eman ondoren, ate-alderdiak, atalagak eta morroiloak ezarri zizkion; berak konpondu zuen Erregearen lorategi ondoan dagoen Siloeko uraskaren ondoko harresi-zatia ere, Daviden hiritik jaisten diren harmailetaraino.

SALMOAK 132:13

Izan ere, Jaunak Sion aukeratu du eta gogoko izan bertan bizitzea:

SALMOAK 2:6

«Nik neuk sagaratu dut erregea Sionen, neure mendi santuan».

SALMOAK 48:12

Pozik da Sion mendia, poz-pozik Judako hiriak, zure probidentzia dela eta.

SALMOAK 48:3

Muino eder, lur osoaren pozgarri! Sion mendi, Jainkoaren egoitza, errege handiaren hiri!

SALMOAK 51:18

Sakrifizioak ez dituzu atsegin; erre-oparia eskainiko banizu, ez zenuke onartuko.

SALMOAK 87:2

Sion hiri, Jaunak zu maiteago Israelgo herri guztiak baino.

SALMOAK 9:11

Uste on dute zuregan ezagutzen zaituztenek, zuregana jotzen duenik ez baituzu, Jauna, bazterrean uzten.

ISAIAS 12:6

Egin poz-irrintzi eta oihu, Siongo bizilagunok, handikiro ari baita zuen alde Israelgo Santua».

ISAIAS 59:20

Baina askatzaile gisa etorriko zaio Sion hiriari, beren errebeldiaz damu diren Jakoben ondorengoei. Jaunak esan du.

JEREMIAS 21:13

Hara, zure aurka noa, haranaren gainaldean, harkaitza bezain tinko lautadaren gainaldean zauden errege-jauregi horren aurka. “Nork guri eraso? —diozue—. Nor iritsi gure gordelekuetara?”

MIKEAS 4:2

Nazio asko joango dira hara, esanez: «Zatozte, igo gaitezen Jaunaren mendira, Jakoben Jainkoaren etxera; bere bideak erakutsiko dizkigu, eta gu haren bidexketan ibiliko gara; Siondik irakatsiko baitu Jaunak, Jerusalemdik hitz egingo».

ERROMATARREI 9:33

Liburu Santuak dioen bezala: Hona nik Sionen behaztopa-harria ipini, erorarazteko harkaitza. Baina harengan sinesten duenak ez du huts egingo.

HEBREARREI 12:22

Zuek, ordea, Sion mendira hurbildu zarete, Jainko biziaren hirira, zeruko Jerusalemera, Jainkoa goresteko bildurik dauden milaka eta milaka aingerurengana,

APOKALIPSIA 14:1

Gero, Bildotsa ikusi nuen Sion mendiaren gainean zutik, eta harekin batera ehun eta berrogeita lau mila lagun, Bildotsaren eta honen Aitaren izena bekokian idatzia zeramatenak.