2 PEDRO 1:6 - Elizen Arteko Biblia (Biblia en Euskara Traducción Interconfesional)

⁶ ezagutzarekin neurritasuna, neurritasunarekin eroapena, eroapenarekin jainkozaletasuna,

Navarro-Labourdin Basque

⁶ Eta scientiari temperantia, eta temperantiari patientia, eta patientiari pietatea:

2 PEDRO 1:6 ပူးပေါင်းရင်းမြစ်များ

JENESA 5:24

Jainkoak nahi bezala jokatuz bizi izan zenez gero, behin batean desagertu egin zen, Jainkoak eramanik.

SALMOAK 37:7

Egon lasai Jaunarengan, itxaron berarengan; ez zaitez sutu arrakasta duenaren aurka, maltzurkeriaz dabilenaren kontra.

ISAIAS 57:1

Zintzoak hil, eta inori axolarik ez; leialak desagertu, eta inork ulertu nahi ez gaiztakeriak desagerrarazten duela zintzoa.

LUKAS 21:19

Iraupenaren iraupenez lortuko duzue bizia.

LUKAS 8:15

Lur oneko hazia bezalakoak, hauek dira: mezua bihotz on eta zabalez entzunik, barruan gorde eta iraupenez fruitu ematen dutenak.

EGINAK 24:25

Baina Paulok zuzentasuna, nor bere buruaren nagusi izatea eta geroko epaia aipatu zizkionean, Felix larritu egin zen eta esan zion: «Bazoazke, oraingoz. Deituko dizut hurrengo egokiera dudanean».

ERROMATARREI 15:4

Liburu Santuetan idatzia dagoen guztia gure ikasbiderako dago idatzia, geure eroapenaz eta Liburu Santuek ematen duten adoreaz itxaropenari euts diezaiogun.

ERROMATARREI 2:7

on egiten iraun eta aintza, izen on eta hilezkortasun bila dabiltzanei betiko bizia emango die;

ERROMATARREI 8:25

Baina ikusten ez duguna itxaro badugu, iraupenez behar dugu zain egon.

1 KORINTOARREI 9:25

Atletek diziplina gogorra ezartzen diote beren buruari, eta hori, zimeltzen den koroa irabazteko; guk, ordea, zimeltzen ez dena irabazteko.

2 KORINTOARREI 6:4

baizik eta gauza guztietan Jainkoaren zerbitzari garela agertzen dugu, jasaten dugun guztian eroapen handia erakutsiz: atsekabe, beharrizan eta estuasunetan,

GALAZIARREI 5:23

otzantasuna, bere buruaren jabe izatea. Ez da legerik horrelakoak gaitzetsiko dituenik.

KOLOSARREI 1:11

Jainkoaren ahalmen aintzatsuak indar zaitzatela, dena jasateko eroapena eta pazientzia izan ditzazuen,

2 TESALONIKARREI 1:4

Hori dela eta, harro sentitzen gara Jainkoaren eliz elkarteen aurrean, jasaten ari zareten pertsekuzio eta atsekabeen artean agertzen dituzuen eroapen eta sinesmenagatik.

2 TESALONIKARREI 3:5

Jaunak zuzen ditzala zuen bihotzak Jainkoa maitatzera eta Kristoren itxaropenean irautera.

1 TIMOTEORI 2:10

egite onez baizik, jainkozale diren emakumeei dagokienez.

1 TIMOTEORI 2:2

baita erregeen eta agintea duten guztien alde ere, bizitza bare eta baketsuan bizi gaitezen, jainkozaletasunez eta gizabidez.

1 TIMOTEORI 3:16

Ezbairik gabe, handia da gure erlijioaren misterioa: Kristo, gizaki bezala agertua, Espirituak zintzotzat aitortua, aingeruek ikusia, herriei hots egina, munduan sinetsia, Jainkoak aintzan hartua.

1 TIMOTEORI 6:11

Zuk, ordea, Jainkoaren gizon horrek, ihes egizu hauetatik guztietatik, eta saia zaitez justizian, jainkozaletasunean, sinesmenean, maitasunean, eroapenean eta otzantasunean.

1 TIMOTEORI 6:3

Hau da irakatsi eta aholkatu behar duzuna. Besterik irakasten duena eta Jesu Kristo gure Jaunaren hitz osasungarrira eta jainkozaletasunaren araberako irakaspenetara egokitzen ez dena

1 TIMOTEORI 6:6

Bai, irabazi handia du erlijioak, baina bakoitza duenarekin konformatuz gero;

2 TIMOTEORI 3:5

Itxuraz erlijiozale agertuko dira, baina ukatu egingo dute erlijioaren benetako indarra. Alde egizu horrelakoengandik!

TITORI 1:1

Ni, Paulo, Jainkoaren zerbitzari eta Jesu Kristoren apostolu naiz, Jainkoak hautatuak sinesmenera ekartzeko eta betiko biziaren itxaropenean oinarritzen den egiazko erlijioaren egia ezagutarazteko. Gezurrik ez dioen Jainkoak mundua izaten hasi baino lehen agindua zuen betiko bizi hori,

TITORI 1:8

ostera, ostatu-emailea behar du izan, ongia maite duena, zentzuduna, zuzena, jainkozalea, bere buruaren jabea;

TITORI 2:2

Gizaseme zaharrak izan daitezela neurritsuak, agurgarriak, zentzudunak eta fedean, maitasunean eta eroapenean helduak.

HEBREARREI 10:36

Iraupena behar duzue, Jainkoaren borondatea betez agintzaria eskuratzeko.

HEBREARREI 12:1

Horregatik, guk ere, hainbat eta hainbat testiguz inguraturik gaudenok, astin dezagun oztopo zaigun guztia eta itsasten zaigun bekatua, eta ekin diezaiogun etsi gabe aurrean dugun lasterketari.

HEBREARREI 6:12

ez zaiteztela nagi bihur, baizik eta jarraitu fedez eta eroapenez Jainkoaren agintzariak jasotzen ari direnen etsenpluari.

HEBREARREI 6:15

Eta, eroapenez itxaron ondoren, eskuratu egin zuen Abrahamek Jainkoaren agintzaria.

2 PEDRO 1:3

Jainkoak, bere ahalmenaz, erlijio-bizitzarako behar den guztia eman digu, bere aintza eta indarraz deitu gintuen Jesus ezagutaraziz.

2 PEDRO 3:11

Dena honela desegitekoa baldin bada, pentsa ezazue zein santu eta jainkozale izan behar duen zuen bizitzak.

APOKALIPSIA 1:9

Ni, Joan, zuen anaia eta Jesusen maitasunagatik atsekabean eta erreinuaren itxaropen iraunkorrean zuen kideko naizen hau, Patmos izeneko uhartean nengoen erbesteratua Jainkoaren hitzarengatik eta Jesusen testigantza egiteagatik.

APOKALIPSIA 13:10

«Gatibualdirako dena gatibualdira doa. Ezpataz hil beharrekoa ezpataz hilko da». Hor agertuko dira fededunen eroapena eta sinesmena.

APOKALIPSIA 14:12

Hor agertuko da Jainkoaren aginduei eta Jesusenganako sinesmenari eusten dieten fededunen iraupena.

APOKALIPSIA 2:2

Ezagun-ezagunak ditut zure egintzak, zure lanbide neketsua eta eroapena. Badakit ezin duzula jende gaiztoa jasan, eta, benetan apostolu izan gabe, beren buruak apostolutzat zituztenak aztertu eta gezurtitzat utzi dituzula.